မဏိပူရရှိ မြန်မာဒုက္ခသည်များအား အတင်းအကြပ်ပြန်ပို့ခြင်းကိုချက်ခြင်းရပ်ဆိုင်းရန် ICJ ကတောင်းဆို

ဂျွန်နသန်၊နိရဉ္စရာ၊ မေ ၁၄/ ၂၀၂၄

မဏိပူရရှိ မြန်မာဒုက္ခသည်များအား အတင်းအကြပ်နေရပ် ပြန်ပို့ခြင်းကိုချက်ခြင်းရပ်ဆိုင်းရန် အပြည်ပြည်ဆိုင်ရာဥပဒေပညာရှင်များကော်မရှင် (ICJ) ကတောင်းဆိုလိုက်သည်။

အိန္ဒိယအာဏာပိုင်များက မြန်မာဒုက္ခသည် ၇၇ ဦးကို နေရပ်ပြန်ပို့ခဲ့ခြင်းသည်ဒုက္ခသည်များကို အန္တရာယ်ရှိ သည့် နေရပ်သို့ အတင်းအကြပ်ပြန်ပို့ခြင်းမပြုရေး ဆိုသည့် သဘောတူညီချက်ကို ချိုးဖောက်ခြင်းဖြစ်ကြောင်း၊ နောက်ထပ် မြန်မာဒုက္ခသည်များကို ထပ်မံ၍နေရပ်သို့ အတင်းအကြပ်ပြန်ပို့မည့် အစီအစဉ်များကို ယခု ချက်ခြင်းရပ်ဆိုင်းရမည်ဖြစ်ကြောင်း (ICJ) က မေလ ၁၀ ရက်က ကြေညာချက် ထုတ်ပြန်တောင်းဆိုလိုက်ခြင်းဖြစ်သည်။

အိန္ဒိယအာဏာပိုင်တွေက မြန်မာဒုက္ခသည် ၇၇ယောက်ကို ၄င်းတို့၏ နေရပ်သို့ ဖိအားပေးပြန်ပို့ခဲ့ခြင်းသည် အတင်းအကျပ်ပြန်ပို့ခြင်းမပြု ရေး သဘောတူညီချက်ကို ချိုးဖောက်ရာရောက်ပြီး ယခုလိုလုပ်ရပ်များကို ချက်ချင်းရပ်တန်း ကရပ် ဖို့ လူ့အခွင့်အရေးအဖွဲ့ ဖြစ်သည့် International Commission of Jurists (ICJ) က မေလ ၁၀ ရက်က ထုတ်ပြန်တောင်းဆိုလိုက်ခြင်းဖြစ်သည်။

ပြီးခဲ့သည့် မေလ ၂ ရက်နေ့တွင် မဏိပူရပြည်နယ် ဝန်ကြီးချုပ် Biren Singh က မြန်မာဒုက္ခသည် ၇၇ ဦးအား တရားမ၀င် ရွှေ့ပြောင်းနေထိုင်သူများဟု ရည်ညွှန်းပြောဆိုခဲ့ ပြီးနေရပ်ပြန်ပို့ခြင်း ပထမအဆင့်ကို ပြီးမြောက်ခဲ့ ကြောင်း ၄င်းတို့၏ ဇီဝအချက်အလက်တွေကိုလည်းရယူထားကြောင်း သူကလူမှုမီဒီယာမှတဆင့်ပြောထားပြောဆိုခဲ့သည်။

မြန်မာနိုင်ငံတွင် လုံခြုံရေးအခြေအနေ ယိုယွင်းလာခြင်းကြောင့် ဘေးကင်းရန် မြန်မာဒုက္ခ ၆,၀၀၀ ကျော်သည်မဏိပူရတွင် ခိုလှုံခဲ့ကြောင်း အစီရင်ခံစာများက ဖော်ပြသည်။

ပြည်နယ်ဝန်ကြီးချုပ်က မဏိပူရတွင် ဖြစ်ပွားနေသော လူမျိုးစုများကြား အကြမ်းဖက်မှုနှင့် မငြိမ်သက်မှုများ သည် “တရားမ၀င် ရွှေ့ပြောင်းနေထိုင်သူများ”၏ လှုံ့ဆော်မှု ကြောင့်ဟု အပြစ်တင်ခဲ့ပြီး ၎င်းတို့ပါဝင်ပတ်သက်နေသည့် အထောက်အထားအခိုင်အမာမရှိသော်လည်း ၎င်းတို့ကို ဖော်ထုတ်ပြီး နေရပ်ပြန်ပို့မည်ဟု ၄င်းက ကတိပြုခဲ့သည်။

မြန်မာဒုက္ခသည်များကို မျက်စိ စကင်ဖတ်ခြင်းနှင့် လက်ဗွေရာများရယူခြင်း အပါအဝင် အရေးကြီးသော ဇီဝ ဆိုင်ရာ အချက်အလက်များ ကို အာဏာပိုင်များက စုဆောင်း ရယူထားခြင်းသည် မတရားဖမ်းဆီးခြင်းနှင့် ထိန်းသိမ်းခြင်းများ လုပ်ဆောင်ရွက်ရာတွင်ပြန်လည် အသုံးချမည်ကို ICJ ကစိုးရိမ်မကင်းဖြစ်မိကြောင်း ထုတ်ပြန်ချက်တွင်ဖော်ပြထားသည်။ Source/International Commission of Jurists (ICJ)