(မြန်မာဘက်ကိုသတိပေးလိုက်ပြီးနောက် ဘင်္ဂလားဒေ့ရှ်စက်လှေများ ကို သေနတ်ဖြင့်ပစ်ခတ်မှု မရှိတော့ဟုဆို)

ဂျွန်နသန်၊ နိရဉ္စရာ၊ ဇွန် ၂၈/ ၂၀၂၄

အာရက္ခတပ်တော်(AA) သည် ဘင်္ဂလားဒေ့ရှ်နိုင်ငံကိုခြိမ်းခြောက်နေသည့်အဖွဲ့အစည်း မဟုတ်သလိုမိတ်ဆွေလည်း မဟုတ်ကြောင်း ဘင်္ဂလားဒေ့ရှ် နယ်ခြားစောင့်အကြီးအကဲ ဗိုလ်ချုပ်Mohammad Ashrafuzzaman Siddiqui က ပြောကြားလိုက်သည်။

နတ်မြစ်အတွင်း သွားလာနေသည့် ဘင်္ဂလားဒေ့ရှ်စက်လှေများကို မြန်မာဘက်က ပစ်ခတ်မှု ဖြစ်ပွားခဲ့ခြင်းနှင့် ပတ်သက်ပြီး ပြောကြားရာတွင်AA နှင့်ပတ်သက်ပြီး သတင်းထောက်တစ်ဦး၏အမေးကို သူက ထိုသို့ တုံ့ပြန်ဖြေကြားသွားခြင်းဖြစ်သည်။

ဘင်္ဂလားဒေ့ရှ်နယ်ခြားစောင့်တပ် (BGB) အကဲဗိုလ်ချုပ် Siddiqui သည် ဇွန်လ ၂၇ ရက်နေ့က စိန့်မာတင် (အုန်းကျွန်း) ကိစ္စ အပါအဝင် မြန်မာ့နယ်စပ်ရေးနှင့် ပတ်သက်ပြီး သတင်းထောက်များကိုတွေ့ဆုံခဲ့သည်။

ဗိုလ်ချုပ်Mohammad Ashrafuzzaman Siddiqui က “ မြန်မာစစ်တပ်နဲ့ တော်လှန်ရေး တပ်ဖွဲ့တွေ ကိုသတိပေးချက်ထုတ်ပြန်ခဲ့ပြီးနောက် နတ်မြစ်မှာရှိတဲ့ ဘင်္ဂလားဒေ့ရှ် စက်လှေတွေကို မြန်မာဘက်က ပစ်ခတ်မှုဖြစ်ပွားတာမရှိတော့ပါဘူး" ဟုပြောကြားသည်။

သတင်းထောက်များက“ ရက္ခိုင့်တပ်မတော်(AA)နှင့်ပတ်သက်ပြီး ဘယ်လို သဘောထားပါသလဲ” ဟု  မေးမြန်းရာAA  တော်လှန်ရေးအဖွဲ့သည်ဘင်္ဂလားဒေ့ရှ်နိုင်ငံကို ခြိမ်းခြောက်နေသည့်အဖွဲ့ မဟုတ်သလိုမိတ်ဆွေလည်း မဟုတ်ကြောင်း ပြန်လည်ဖြေကြားပြောဆိုခဲ့သည်။

မြန်မာစစ်တပ်နှင့် ရက္ခိုင့်တပ်မတော်တို့ နှစ်ဖက်အကြား တိုက်ပွဲများ ပြင်းထန်လာမှုကြောင့် နတ်မြစ်တစ်လျှောက်သွားလာနေသည့်ဘင်္ဂလားဒေ့ရှ် စက်လှေများကိုမရည်ရွယ်ဘဲ သေနတ်ဖြင့် ပစ်ခတ်မှုအချို့ ဖြစ်ပွားခဲ့ကြောင်း ယင်းအတွက်မြန်မာကိုသတိပေးခဲ့၇ကြောင်း ၄င်းကဆက် ပြောသည်။

“ကျွန်တော်တို့ရဲစက်လှေတွေကိုပစ်ခတ်တာတွေမလုပ်ဖို့  မြန်မာအစိုးရကိုရော အေအေကိုပါ နှစ်ဘက်စလုံးကို သတိပေးထားပါတယ်။ သတိပေးတပ်လှန့်ပြီးနောက်မှာ ကျွန်တော် တို့ရဲ့ စက်လှေတွေကိုပစ်ခတ်မှုတွေပြုလုပ်တာ တော့ မရှိပါဘူး” ဟု ၎င်းက ထပ် လောင်းပြောဆိုသည်။

စိန့်မာတင်ကျွန်းဆီစုန်ဆန်သွားလာနေသည့် စက် လှေများတွင် ဘင်္ဂလားဒေ့ရှ်နိုင်ငံ၏အလံကို ခပ်မြင်မြင့်တွင်လွှင့်တင်ခိုင်းထားသည့်အတွက် ထိုနေရာတွင်မည်သည့်ပြဿနာမှ (ပစ်ခတ်မှုဖြစ်ပွားခြင်း) ဖြစ်ပွားခြင်း မရှိကြောင်း ဟု ၄င်းက ဆက်ပြောသည်။

"သတိပေးချက်ထုတ်ပြန်ပြီးနောက်ပိုင်းမှာဘင်္ဂလားဒေ့ရှ် သင်္ဘောများနဲ့ ငါးဖမ်းသင်္ဘောတွေဟာကော့စ်ဘဇားမှ စိန့်မာတင်ကျွန်းဆီ သွားလာရာမှာ လမ်းကြောင်းသစ်ကနေ အစားထိုး သွားလာနေပါတယ်။ အန္တရာယ်ရှိတဲ့ နေရာတွေ ကို ရှောင်ရှားဖို့ ကျွန်တော်တို့ ကြိုးစားနေပါတယ်” ဟု၄င်းက ပြောကြားခဲ့သည်။

စိန့်မာတင်ကျွန်းသည်လုံခြုံမှုမရှိတော့ကြောင်း လူအများပြောဆိုနေကြသည်မှာ ကောလာဟလသာ ဖြစ်ပြီးအဆိုပါကောလာဟလသတင်းများကို ဂရုမစိုက်ကြရန်လည်း ၄င်းက ပြောကြားခဲ့သည်။

“ကောလဟာလတွေဟာစိန့်မာတင် ကျွန်းပေါ်မှာ ပျံ့နှံ့နေပါတယ်။ အဲဒါတွေကို မယုံကြည်ကြဖို့ အားလုံးကို သတိပေးခဲ့ပါ တယ်” ဟု၎င်းက ပြောဆိုခဲ့သည်။    Source/Daily Sun