နိရဉ္စရာ၊ ဇူလှိုင် ၄/၂၀၂၄

ဇွန်လအတွင်း နိုင်ငံတစ်ဝန်း အကြမ်းဖက်စစ်အုပ်စုကလေကြောင်း နှင့် လက်နက်ကြီးတို့ဖြင့် ပစ်ခတ် တိုက်ခိုက်မှုများကြောင့် အရပ်သားပြည်သူ(၉၆) ဦး သေဆုံးခဲ့ရပြီး ၇ခိုင်ပြည်နယ်တွင် သေဆုံးသူ (၃၈)ဦးရှိရာ သေဆုံးမှု အများဆုံးဒေသဖြစ်သည်ဟု (AAPP) က ဇူလိုင်(၃)ရက်က သတင်းထုတ်ပြန်သည်။

နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP)မှ ကောက်ယူထားသောသတင်း အချက်အလက်များအ၇ ၂၀၂၄ခုနှစ်၊ ဇွန်လ ၁ ရက်နေ့မှ ၃၀ ရက်နေ့အထိ နိုင်ငံတဝန်း၌အကြမ်းဖက်စစ်အုပ်စု၏ လေကြောင်းတိုက်ခိုက်မှုကြောင့် အမျိုးသမီး (၂၃) ဦးနှင့်အမျိုးသား (၃၃) ဦး စုစုပေါင်း (၅၆) ဦး သေဆုံးခဲ့သည်။

သေဆုံးခဲ့သူများတွင်အသက် (၁၈) နှစ်အောက်ကလေးငယ် (၉) ဦး ပါဝင်ခဲ့သည်။ အဆိုပါ (၅၆) ဦးအနက် ၇ခိုင်ပြည်နယ်မှာ(၂၆) ဦးဖြင့် သေဆုံးမှု အများဆုံးဒေသဖြစ်သည်။

ထို့ပြင် အဆိုပါဇွန်လအတွင်း နိုင်ငံတဝန်းလုံး၌ စစ်အုပ်စု၏ လက်နက်ကြီးဖြင့် ပစ်ခတ် တိုက်ခိုက်မှုကြောင့် အမျိုးသမီး (၂၂)ဦးနှင့် အမျိုးသား (၁၈) ဦး စုစုပေါင်း (၄၀) ဦး သေဆုံးခဲ့သည်။

အဆိုပါ(၄၀) ဦးအနက် သေဆုံးမှု အများဆုံးဒေသမှာ (၁၂) ဦးဖြင့်၇ခိုင်ပြည်နယ်မှ ဖြစ်သည်ဟု(AAPP) ၏ သတင်းထုတ်ပြန်ချက်တွင်ဖော်ပြထားသည်။

တစ်နိုင်ငံလုံးအတိုင်းအတာဖြင့် စစ်ကောင်စီ၏ လေကြောင်းနှင့်လက်နက်ကြီးတို့ဖြင့်တိုက်ခိုက်မှုကြောင့် ဇွန်လ အတွင်း စုစုပေါင်း ၉၆ ဦးအထိရှိပြီး ၇ခိုင်တွင်၃၈ ဦးအထိ ရှိခဲ့သည်။

ထိုသေဆုံးခဲ့သူများကို  အမည်နှင့်တကွ အတည်ပြုနိုင်ခဲ့သည်ဟု ထုတ်ပြန်ချက်တွင် ဖော်ပြထားသည်။