ဂျွန်နသန်၊ နိရဉ္စရာ၊ ဇူလှိုင် ၄/၂၀၂၄

မြန်မာနိုင်ငံမြောက်ပိုင်းတွင် ဧရာ၀တီမြစ်ရေမြင့်တက်မှုကြောင့်ရေကြီး၊ ရေလျှံမှုများဖြစ်ပွားခဲ့ရာ အိမ်ထောင်စုပေါင်း(၃,၇၀၀)၊ လူဦးရေ (၁၇,၉၀၀)ဦးရေဘေးဒဏ်သင့်ခဲ့ကြောင်း အာဆီယံ လူသားချင်း စာနာထောက်ထားမှုအကူအညီပေးအပ်ရေး ညှိနှိုင်းမှုဗဟိုဌာန (ASEAN Coordinating Centre forHumanitarian Assistance on Disaster Management- AHA Centre) က ဇူလိုင်(၄)ရက်တွင် သတင်းထုတ်ပြန်သည်။

မြန်မာနိုင်ငံမြောက်ပိုင်းတွင် ဇွန်လနောက်ဆုံးပတ်မှ စတင်၍ မိုးသည်းထန်စွာရွာသွန်းမှုကြောင့်ဧရာ၀တီမြစ်ရေသည် စိုးရိမ်ရေမှတ်အထက်သို့ရောက်ရှိခဲ့ပြီး မြစ်ကြီးနား၊ ဝိုင်းမော်၊ မိုးကောင်း၊ဖားကန့်နှင့် ဗန်းမော်မြို့တို့ ရေနစ်မြုပ်ခဲ့ပြီး မြေနိမ့်ပိုင်းဒေသများတွင်လည်းရေကြီး ရေလျှံမှုများ ဖြစ်ပေါ်ခဲ့သည်။

ထို့အတူ နောက်ထပ်မြစ်ကြီးတစ်ခုဖြစ်သည့်ချင်းတွင်းမြစ် သည် လည်းမြစ်ရေမြင့်တက်မှုကြောင့် ရေကြီး ရေလျှံကာချင်းတွင်းမြစ်အနီးရှိ ခမ္မတီး ကို ရေလွှမ်းမိုးခဲ့သည်။

ရေကြီးမှုကြောင့် ကချင်ပြည်နယ်နှင့်စစ်ကိုင်းတိုင်းရှိ အိမ်ထောင်စုပေါင်း ( ၃,၇၀၀) လူဦးရေ (၁၇,၉၀၀) ဦး ကို စာသင်ကျောင်း၊ဘုန်းတော်ကြီးကျောင်း၊ ဘုရားကျောင်းများနှင့် အခြားအမိုးအကာများ ရှိရာနေရာကဲ့သို့သော ရေဘေးကယ်ဆယ်ရေးစခန်း(၅၃)ခုတို့တွင် ရွှေ့ပြောင်းနေရာချပေးခဲ့၇သည်ဟုဆိုသည်။

အာဆီယံ လူသားချင်းစာနာထောက်ထားမှု အကူအညီပေးအပ်ရေး ညှိနှိုင်းမှုဗဟိုဌာန (ASEAN CoordinatingCentre for Humanitarian Assistance on Disaster Management- AHA Centre) သည် နောက်ထပ်ဖြစ်ပေါ်လာမည့် အခြေအနေ များ ကို ဆက်လက်စောင့်ကြည့်ပြီး နောက်ဆုံး ၇သတင်း အချက်အလက်များကို ထုတ်ပြန်သွားမည်ဖြစ်ကြောင်းAHA Centre ၏သတင်းထုတ်ပြန်ချက်တွင်ဖော်ပြထားသည်။

Source/AHA Centre andPhotos/MRCS