Preview

မြန်မာဘက်မှ ပစ်ခတ်သည့်မော်တာကျည် ထိမှန်ပြီး ဒုက္ခသည်စခန်းမှ ဆယ်ကျော်သက်အရွယ် လူငယ်တစ်ဦးသေဆုံး၊ နှစ်ဦး ဒဏ်ရာရ

ဇူလိုင် ၀၉/ ၂၀၂၄ | ကြည့်ရှုသူ :1881
ပြည်တွင်း သတင်း

 ဂျွန်နသန်၊နိရဉ္စရာ ဇူလိုင် ၈/ ၂၀၂၄

မြန်မာဘက်မှပစ်ခတ်လိုက်သော မော်တာကျည်ဆန် ထိမှန်မှု ကြောင့် ကော့ဘဇားရှိ မြန်မာမွတ်ဆလင် ဒုက္ခသည်စခန်းမှ ဆယ်ကျော်သက်အရွယ်လူငယ်တစ်ဦး သေဆုံးပြီး၊ နှစ်ဦး ဒဏ်ရာရရှိခဲ့ကြောင်း ဒါကာထရီဗြူးကသတင်းဖော်ပြသည်။

၄င်းတို့သည်တနင်္ဂနွေနေ့ ( ဇူလိုင်လ(ရ)ရက်)၊ ညနေပိုင်းက တက်ကနက်မြို့၊ နတ်မြစ်အတွင်း ကဏန်းဖမ်းနေစဉ် မြန်မာနိုင်ငံမှဘက် ပစ်ခတ်လိုက်သည့် မော်တာကျည်ဆန် ထိမှန်ခဲ့ခြင်းဖြစ်သည်။

မော်တာကျည်ဆန်ထိမှန်ခဲ့မှုကြောင့် တက်ကနက်ရှိ လီဒါ ရိုဟင်ဂျာဒုက္ခသည်စခန်းမှအသက်၁၈ နှစ် အရွယ်ရှိ မိုဟာမက် ဇူဘီးရား သေဆုံးခဲ့သည်ဟု သတင်းတွင် ဖော်ပြထားသည်။

ဒုက္ခသည်စခန်း(၂၄)မှမိုဟာမက်ဂျဘားနှင့် နှင့်စခန်း(၂ရ)မှ မိုဟာမက် ရှကူးရား တို့ ဒဏ်ရာရရှိခဲ့သည်။

တက်ကနက်(Taknef) ရဲစခန်းမှအရာရှိဖြစ်သူ မိုဟာမက်အိုစမန်ဂါနီ က၎င်းတို့ ၃ ဦးသည် ဂျာလီရာကျွန်းအနီးရှိနတ်မြစ်အတွင်း ကဏန်းများဖမ်းဆီးနေ ခြင်းဖြစ်ပြီး မြန်မာနိုင်ငံမှပစ်ခတ်သည့် မော်တာကျည်ဆန် ထိမှန်မှုကြောင့်ပြင်းထန်စွာ ဒဏ်ရာရရှိခဲ့ကြောင်းပြောကြားခဲ့သည်။

"ဇူဘီရာကေတာ့ဆေးရုံကိုပို့ ရင်းလမ်းမှာတင် သေဆုံးသွားခဲ့ပါတယ်။ ဒါပေမယ့် အခုတိုက်ခိုက်မှုက ဘယ်သူက တိုက်ခိုက်တယ်ဆိုတာကိုတော့ လတ်တလော အတည်မပြုနိုင်သေးပါဘူး” ဟု ၎င်းက ဆက်လက်ပြောကြားခဲ့သည်။

ဒဏ်ရာရရှိသူနှစ်ဦးအား ဆေးဝါး ကုသမှုပိုမိုလုပ်ဆောင်ပေးနိုင်ရန်အတွက် စစ်တကောင်း ဆေးကောလိပ်ဆေးရုံသို့ ဆက်လက်ပို့ဆောင်ပေးထားကြောင်းကော့ဘဇားဆာဒါဆေးရုံမှ ဆေးဘက်ဆိုင်ရာ အရာရှိ ဒေါက်တာ အရှီကူးအားရာမန်ပြောကြား သည်။

ဒုက္ခသည်စခန်းအတွင်းနေထိုင်သူများကမူ  မြန်မာနိုင်ငံမှ စစ်ကောင်စီကိုတိုက်ခိုက်နေသည့် AA မှ ပစ်ခတ်မှုကြောင့် သေဆုံး၊ ဒဏ်ရာ၇ခဲ့ခြင်းဖြစ်သည်ဟု ပြောဆိုကြောင်း သတင်းတွင် ဖော်ပြထားသည်။ 

 Source/Dhaka Tribune and Photo Ukhiya news

#မြန်မာ
မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။
နိရဉ္ဇရာလှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

နောက်ဆုံးရသတင်းများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်
© 2024 Narinjara News. All rights reserved.