နိရဉ္စရာ၊ ဇူလိုင် ၁၄/၂၀၂၄

ဘင်္ဂလားဒေ့ရှ် ဒေသခံတစ်ဦးနှင့် အကြမ်းဖက် အာဆာတပ်ဖွဲ့ဝင်၄ ဦးကို သေနတ် ၆လက်၊ ကျည်ဆံ ၉ တောင့်နှင့်အတူ ဘင်္ဂလားဒေ့ရှ် အထူးမှုခင်းနှိမ်နှင်းရေးတပ်ဖွဲ့(RAB) က ကြာသပတေးနေ့ နံနက် အစောကြီးအချိန်  ဖမ်းဆီးလိုက်ကြောင်း ဒေသအတွင်းက သတင်းဌာနတစ်ခုဖြစ်သည့်အိုးကီးယား နယူးစ်တွင် ဓာတ်ပုံများနှင့် တကွ ဖော်ပြသည်။

သောကြာနေ့  ညနေ ၄နာရီခွဲအချိန်က RAB တပ်ဖွဲ့ သတင်းစာရှင်းလင်းပွဲတွင် တာဝန်ရှိသူ ဗိုလ်မှူးကြီး AHM Sajjad Hossain က ပြောကြားသွားခဲ့သည်။

“ကျွန်တော်တို့က အာဆာတပ်ဖွဲ့ဝင်တွေဟာအိုးကီးယားမြို့နယ်၊ Mosharkhola ဒုက္ခသည်စခန်း အမှတ် ၁၅  မှာ တည်မငြိမ်လုပ်ဖို့ သတင်းရတယ်။သတင်းအရ ကြာသပတေးနေ့ မနက်အစောကြီးမှာ စစ်ဆင်ရေးတစ်ခုကို လုပ်ဆောင်ခဲ့တယ်။ အဲဒီမှာ သူတို့ကိုလက်နက်တွေနဲ့ အတူ ဖမ်းမိပါတယ်”ဟု Sajjad Hossain ကပြောသည်။

၎င်းစစ်ဆင်ရေးအတွင်း သေနတ်ပစ်ခတ်မှုဖြစ်ပွားပြီး ဘင်္ဂလားဒေ့ရှ်လုံခြုံရေး တပ်ဖွဲ့ဝင် တစ်ဦး ဒဏ်ရာရရှိပြီး ရာမူး (ပန်းဝါ) စစ်ဆေးရုံသို့ ပို့ဆောင်ခဲ့၇သည်ဟုဆိုသည်။

ဖမ်းဆီးရမိသူများအား အိုးကီးယားမြို့နယ် ရဲစခန်းတွင် တည်ဆဲဥပဒေနှင့်အညီ အမှုဖွင့်တရားစွဲဆိုထားသည်ဟု သိ၇သည်။