ဂျွန်နသန်၊ နိရဉ္စရာ၊ ဇူလိုင်၁၈/ ၂၀၂၄

ထိုင်းနိုင်ငံတွင်အလုပ်လုပ်ကိုင်နေကြသည့် အထောက်အထားမဲ့အလုပ်သမား တစ်သိန်းကျော်ကို ဖမ်းဆီးခဲ့ရာ ၈၀,၀၀၀ကျော် မှာ မြန်မာနိုင်ငံသားဖြစ်ကြောင်း  Thaiger သတင်းကဖော်ပြသည်။

လွန်ခဲ့သည့် ၃၆ ရက်ကာလအတွင်း အထောက်အထားမဲ့နိုင်ငံခြားသား လုပ်သား ၁၀၀,၀၀၀ ကျော်ကို ဖမ်းဆီးခဲ့ကြောင်းထိုင်းအလုပ်သမားဝန်ကြီးဌာနက ကြေညာခဲ့သည်။

အထောက်အထားမဲ့ အလုပ်သမားများကိုဖမ်းဆီးသည့်စစ်ဆင်ရေး ကို ဇွန်လ ၅ရက်နေ့တွင် စတင်ခဲ့ခြင်းပြီး ထိုင်း နိုင်ငံတဝှမ်းရှိ စီးပွားရေး လုပ်ငန်းများနှင့် စက်မှုလုပ်ငန်းများတွင် လုပ်ကိုင် နေကြသည့် အလုပ်သမားများကိုပစ်မှတ်ထားပြီးစစ်ဆေးဖမ်းဆီးမှုများပြုလုပ်ခဲ့ ရာ မြန်မာနိုင်ငံသား လုပ်သား ၈၀,၀၀၀ ကျော် အပါအဝင် အထောက်အထားမဲ့ အလုပ်သမား တစ်သိန်းကျော်ကိုဖမ်းဆီးခဲ့ခြင်းဖြစ်ကြောင်းသိ၇သည်။

အလုပ်အကိုင်ဌာန၊ လူဝင်မှုကြီးကြပ်ရေးဌာနနှင့် ရဲတပ်ဖွဲ့တို့ပါဝင်သည့် ပူးပေါင်းစစ်ဆေးရေးအဖွဲ့များသည် ဘန်ကောက်၊ Huai Khwang ရှိ ဈေးဆိုင်များ၊ ရတ်ချဘူရီရှိအုန်းသီးစက်ရုံများ၊ Udon Thani ရှိ စားသောက်ဆိုင်များနှင့်Chachoengsao ရှိ ဆောက်လုပ်ရေးလုပ်ငန်းခွင်များကဲ့သို့သောနေရာများသို့ သွားရောက်စစ်ဆေးမှုများပြုလုပ် ခဲ့ခြင်းဖြစ် ကြောင်း သိ၇သည်။

ဖမ်းဆီးခံ၇သူအများစုမှာ မြန်မာနိုင်ငံသားများဖြစ်ပြီး (၈၀,၉၁၃)ဦး ဖမ်းဆီးခံခဲ့၇သည်။

ဖမ်းဆီးခံ၇သည့် အခြားနိုင်ငံသားများမှာ ကမ္ဘောဒီးယား မှ (၁၆,၅၀ရ) ဦး၊ လာအို (၇,၈၀၄) ဦး၊ဗီယက်နမ်လူမျိုး (၁၀၄)ဦး၊ အခြားနိုင်ငံအသီးသီးမှ အလုပ်သမား (၃,၅၄၇) ဦး၊အထောက်အထားမဲ့ အလုပ်သမား စုစုပေါင်း (၁၀၈,၈၇၅)ဦး ဖမ်းဆီးခံခဲ့၇သည်။

ထိုင်းအစိုးရသည် အထောက်အထားမဲ့ အလုပ်သမားများနှင့် အလုပ်ရှင်များအတွက်တင်းကျပ်သော ပြစ်ဒဏ်များ ချမှတ်ထား သည်။

သက်ဆိုင်သည့်အထောက်အထား စာရွက်စာတမ်း မရှိဘဲ (သို့မဟုတ်)အလုပ်ပါမစ်မရှိဘဲ (သို့မဟုတ်)ခွင့်ပြုချက်မရှိဘဲ အလုပ်လုပ်ကိုင်နေသူများသည် ဒဏ်ငွေ အဖြစ် ဘတ် ၅၀၀၀ မှ ဘတ် ၅၀၀၀၀အထိ ပေးဆောင်၇မည်ဟုချမှတ်ထားသည်။

ထို့အပြင် ၎င်းတို့သည်ပြည်နှင်ဒဏ် ခံရမည်ဖြစ်ပြီး  ထိုင်းနိုင်ငံသို့ အလုပ်အကိုင်ဖြင့် ပြန်လည် ဝင်ရောက်ခွင့် (၂)နှစ်ကြာ ပိတ်ပင်ခံ၇မည်ဖြစ်သည်။

အထောက်အထားမဲ့ အလုပ်သမားများကို အလုပ်ခန့်ထားမှုဖြင့် ဖမ်းဆီးခံရသည့် အလုပ်ရှင်များသည်ဒဏ်ငွေအဖြစ် အလုပ်သမားတစ်ဦးအတွက် ဘတ်ငွေ ၁၀၀၀၀ မှ ၁၀၀၀၀၀ ကြား ဒဏ်ရိုက်ခံ၇မည် ဖြစ်သည်။

ထပ်မံကျူးလွန်ပါက ထောင်ဒဏ် တစ်နှစ်အထိ ချမှတ်နိုင်သည့်အပြင် ငွေဒဏ်ဘတ် ၅၀,၀၀၀ မှ ဘတ် ၂၀၀,၀၀၀ အထိချမှတ်နိုင်သည်။  ထို့အပြင် ထပ်မံကျူးလွန်သူများအားရွှေ့ပြောင်းအလုပ်သမား များအား အလုပ်ခန့်ထားခြင်းကိုလည်း သုံးနှစ်ကြာပိတ်ပင်ခံရမည်ဖြစ်သည်ဟုသိ၇သည်။

 Source/Thaiger