(ဗုံးလာကြဲချိန် ရုတ်လေယာဉ်များနယ်စပ်ဝန်းကျင်တွင် ပျံဝဲကင်းလှည့်မှုများရှိ)

လူထက်နိုင်(ဒွါရာမြီ)၊ နိရဥ္စရာ၊ သြဂုတ် ၈ / ၂၀၂၄

ကချင်လွတ်လပ်ရေးအဖွဲ့(Kachin Independence Organization –KIO) ဌာနချုပ်ရှိရာ လိုင်ဇာမြို့ အနီးဝန်းကျင်ကိုစစ်ကောင်စီက သြဂုတ် ၈ ရက်၊ နံနက်အစောပိုင်း ညအချိန်၁ နာရီခန့်တွင် လေယာဉ်ဖြင့် ဗုံးကြဲတိုက်ခိုက်ခဲ့ကြောင်း KIO ပြောခွင့်ရပုဂ္ဂိုလ်ဗိုလ်မှူးကြီးနော်ဘူက နိရဥ္စရာသတင်းဌာနသို့ ပြောသည်။

“ကျွန်တော် ယူဆရတာကတော့ Y12 လို့ယူဆရတဲ့လေယာဉ်နဲ့ဗုံးကြဲတာတွေရှိပါတယ်။ လိုင်ဇာပတ်ဝန်းကျင်က မိုင်ဆပ်ပါဆိုတဲ့ရွာကို ဗုံးကြဲတယ်။နောက်ပြီး မြစ်ကြီးနား-ဗန်းမော်ကားလမ်းက မြို့သစ်ဘက်မှာ ဗုံးကြဲတာရှိပါတယ်။မိုင်ဆပ်ပါမှာတော့ ခရစ်ယာန် ဘုရားကျောင်းကိုသူတို့ဗုံးချပါတယ်။ ပြည်သူလူထုကိုလည်း ဗုံးချတာရှိပါတယ်။ကိုယ်ဝန်ဆောင်မိခင်တစ်ဦးလည်း ဗုံးထိပါတယ်” ဟု ပြောသည်။

စစ်ကောင်စီကလိုင်ဇာမြို့ဝန်းကျင် ခါယာတောင်နားတဝိုက်နှင့် မြစ်ကြီးနား-ဗန်းမော်က ားလမ်းပေါ်ရှိမြို့သစ်ဘက်ကိုလည်း ဗုံးကြဲခဲ့ကြောင်း သိရသည်။

မိုင်ဆာပါကျေးရွာတွင်ကိုယ်ဝန်ဆောင်အမျိုးသမီးတစ်ဦး ထိခိုက်ဒဏ်ရာရပြီး ခရစ်ယာန်ဘုရားကျောင်းလည်းပျက်စီးသွားကြောင်း ဗိုလ်မှူးကြီးနော်ဘူက ပြောသည်။

“အားလုံးသိတဲ့ အတိုင်းပါ။စစ်ကောင်စီကတော့ ပြည်သူလူထုရှိတဲ့နေရာတွေ၊ စာသင်ကျောင်းတို့၊ခရစ်ယာန်ဘုရားကျောင်းတွေကိုဗုံးကြဲနေတာပါ”ဟု ပြောသည်။

ထို့ပြင်စစ်ကောင်စီလေယာဉ်များက လိုင်ဇာပတ်ဝန်းကျင်သို့ဗုံးလာကြဲချိန် တရုတ်နိုင်ငံမှ နယ်နိမိတ် မကျူးကျော်ရန်အချက်ပြသည့်သဘောဖြင့် တရုတ်လေယာဉ်များ နယ်စပ်ဝန်းကျင်တွင် ပျံဝဲ ကင်းလှည့်မှုရှိကြောင်းလည်းသိရသည်။

KIO ထိန်းချုပ်နယ်မြေ လိုင်ဇာမြို့အနီးတဝိုက် နေရာ ၄ ခုတွင်စစ်ကောင်စီက ဗုံးကြဲ တိုက်ခိုက်ခဲ့သောကြောင့် အရပ်သားပြည်သူ ရဦးထိခိုက်ဒဏ်ရာရရှိခဲ့ပြီး လူနေအိမ်နှင့်ဘုရားကျောင်းဆောင် ထိခိုက်ပျက်စီးမှုရှိခဲ့ကြောင်း ဒေသတွင်းသတင်း သတင်းများတွင်ဖော်ပြထားသည်။

စစ်ကောင်စီသည်မိုင်ဆပ်ပါ(Mai sak Pa)၊မုန်လိုင်ခက်(Munglai Hkyet) ၊မြို့သစ်(Myo Thit) နှင့်ကုန်းလော(Kunglaw) နေရာများကိုဗုံးကြဲခဲ့ခြင်းဖြစ်ကြောင်း အဆိုပါသတင်းများအရ သိ၇သည်။

ဓာတ်ပုံ- ကချင်သတင်း