မောင်စာဂ၊နိရဥ္စရာ၊ သြဂုတ် ၂၉/၂၀၂၄

ရန်ကုန်မြို့၊တာမွေမြို့နယ်၊ ဗညားဒလလမ်းပေါ်ရှိ စစ်ကောင်စီလက်အောက်ခံရဲစခန်း ဗုံးခွဲတိုက်ခိုက်ခံရ၍ရဲတပ်ဖွဲ့ဝင် ၃ ဦးသေဆုံးသွားကြောင်း သိ၇သည်။

ယမန်နေ့ဩဂုတ် ၂၈ ရက်၊ နေ့လယ်တွင် Anonymous Force(ရန်ကုန်စစ်ဒေသခွဲPRF)က ဗုံးခွဲတိုက်ခိုက်ခဲ့ခြင်းဖြစ်သည်ဟုပြည်သူ့တော်လှန်ရေးအင်အားစုက ယမန်နေ့တွင် အသိပေး ထုတ်ပြန်ထားသည်။

"စစ်ကောင်စီ၏ အကျိုးစီးပွားကာကွယ်ကာပြည်သူကို နှိပ်စက်ဖိနှိပ်လျက်ရှိသောကြောင့် အဆိုပါ တာမွေမြို့နယ်ရဲစခန်းကို(၁၄း၄၀)ခန့်တွင် ဗုံးခွဲတိုက်ခိုက်ခဲ့ခြင်းဖြစ်ပြီး စစ်ကောင်စီ၏ အသုံးတော်ခံအကြမ်းဖက်ရဲတပ်ဖွဲ့ဝင် (၃) ဦးသေဆုံးကြောင်း မြေပြင်ထောက်လှမ်းမှုများအရသိရှိရသည်"ဟု ထုတ်ပြန်ချက်တွင်ဖော်ပြထားသည်။

အဆိုပါဗုံးခွဲတိုက်ခိုက်မှုတွင် တော်လှန်ရေး အဖွဲ့ဝင်များ တစ်စုံတစ်ရာထိခိုက်ခဲ့ခြင်းမရှိဘဲ ဘေးကင်းစွာဖြင့်ဆုတ်ခွာနိုင်ခဲ့ကြောင်းလည်း ထုတ်ပြန်ထားသည်။

ပြီးခဲ့သည့်ဩဂုတ် ၂၆ ရက်ကလည်း ရန်ကုန်မြို့တောင်ဥက္ကလာပမြို့နယ်၊ သံသုမာလမ်းပေါ်ရှိ စစ်ကောင်စီ၏ ခြေမြန်တပ်ရင်း(မခ၇ - ၄၃၅ ၊ ၄၃၆)တပ်ရင်းကို Operation Flame (OF)အဖွဲ့က အဝေးထိန်းမိုင်းများဖြင့်ဖောက်ခွဲတိုက်ခိုက်ခဲ့သည်ဟု သိ၇သည်။

ဓာတ်ပုံ- People's Spring