ဂျွန်နသန်၊ နိရဉ္စရာ၊ စက်တင်ဘာ၄/ ၂၀၂၄

ဘင်္ဂလားဒေ့ရှ်ရောက် ဒုက္ခသည်များနေရပ်ပြန်ပို့ရေးကိစ္စနှင့်ပတ်သက်ပြီး အာရက္ခတပ်တော် (AA) နှင့်ဆက်သွယ်လုပ်ဆောင်သွားမည်ဖြစ်ကြောင်း ဘင်္ဂလားဒေ့ရှ်နိုင်ငံခြားရေးရာအကြံပေး  Md TouhidHossainက ပြောဆိုလိုက်သည်ဟု New Age သတင်းကဖော်ပြချက် အရသိ၇သည်။

မြန်မာမှ ရိုဟင်ဂျာ ဒုက္ခသည်များကိုနေရပ်ပြန်ပို့ရေးနှင့် ပတ်သက်ပြီး သတင်းထောက်တစ်ဦးက မေးမြန်းရာ၊ နေရပ်ပြန်ရေး အဆင်ပြေချောမွေ့စေရန်အတွက် ရခိုင်ပြည်နယ်ကိုလက်ရှိ ထိန်းချုပ်ထားသည့် အာရက္ခတပ်တော် (AA)နှင့်ဆက်သွယ်ရေးလမ်းကြောင်းတစ်ခု ဖွင့်လှစ်ဖို့ လိုအပ်ကြောင်း နိုင်ငံခြားရေးရေးရာအကြံပေးဖြစ်သူ ပြောဆိုလိုက်သည်။

"ဒါကရှေ့ဆက်လုပ်ဆောင်ရမယ့်နည်းလမ်းလို့ထင်တယ်၊ ဒါပေမယ့် ပြည်နယ်အဆင့် မှာဘယ်လောက်ထိလုပ်ဆောင် နိုင်မလဲဆိုတာကိုတော့ အကဲဖြတ်၇မယ်" ဟု၎င်းက ဆိုသည်။

ရခိုင်ပြည်နယ်အတွင်းဖြစ်ပွားနေသည့်လက်နက်ကိုင်ပဋိပက္ခများကြောင့် ၇ခိုင်ပြည်နယ်ဘက်က လူပေါင်း ၈၀၀၀ခန့်သည် ဘင်္ဂလားဒေ့ရှ်နိုင်ငံအတွင်းသို့ မကြာသေးခင်အချိန်က ဖြတ်ကျော် ဝင်ရောက်လာခဲ့ကြောင်းTouhid ကပြောဆိုလိုက်သည်။

“ဘင်္ဂလားဒေ့ရှ်ထဲကိုရိုဟင်ဂျာ  ၈၀၀၀ လောက်ဝင်လာတယ်ဆိုတဲ့သတင်းတွေ၇ထားပါတယ်။ လာမယ့်၂ရက်၊ ၃ ရက်အတွင်း အဲဒီကိစ္စကို အစိုး၇အဖွဲ့မှာ အလေးအနက်ထား ဆွေးနွေးသွားမှာ ဖြစ်ပါတယ်”ဟုTouhidကသြဂုတ်(၃)ရက်တွင် နိုင်ငံခြားရေး ဝန်ကြီးဌာန၌ သတင်းထောက်များအား ပြောကြားခဲ့သည်။

ဘင်္ဂလားဒေ့ရှ်အနေဖြင့် နေရပ်စွန့်ခွာလာရသည့် ရိုဟင်ဂျာများကို နောက်ထပ် ထပ်မံခိုလှုံခွင့် မပေးရန်အစိုး၇ကမူအားဖြင့် ဆုံးဖြတ်ထားပြီးဖြစ်ကြောင်း၄င်းက ပြော ဆိုသည်။

နှိပ်စက်ညှဉ်းပန်းခံနေရသည့်ရိုဟင်ဂျာများအတွက် စာနာထောက်ထားမှု ရှိလင့်ကစား ဘင်္ဂလားဒေ့ရှ် နိုင်ငံအနေဖြင့် နောက်ထပ် ဒုက္ခသည်များအတွက်လူသားချင်းစာနာ ထောက်ထားမှုဆိုင်ရာ ခိုလှုံခွင့် ပေးဖို့အတွက်စွမ်းဆောင်နိုင်စွမ်းမရှိတော့ကြောင်း ၎င်းက အလေးပေးပြောကြားခဲ့သည်။

မြန်မာနှင့်ထိစပ်နေသည့် နယ်စပ်ကိုသတိထားစောင့်ကြည့်နေသော်လည်းနယ်စပ်ကို ရာနှုန်းပြည့် လုံခြုံအောင်ပြုလုပ်ရန် အတွက်မူ ခက်ခဲကြောင်းTouhidကမှတ်ချက်ပြုခဲ့သည်။

“နယ်စပ်ကိုအပြည့်အ၀တားဆီး ပိတ်ဆို့ထားဖို့ ကတော့ရာနှုန်းပြည့် မဖြစ်နိုင်ပါဘူး ၊ရိုဟင်ဂျာတွေ ထပ်မံဝင်ရောက်လာမှုကို တားဆီးရန်အတွက် အစိုးရက ကြိုးပမ်းဆောင်ရွက်သွားပါမယ် ”ဟုTouhid ကပြောကြားခဲ့သည်။

ရိုဟင်ဂျာများနေရပ်ပြန်ပို့ရေးဆိုင်ရာအစီအမံများကို ဆွေးနွေးရန် လာမည့်နှစ်ရက်အတွင်း ပြည်ထဲရေးရာ အကြံပေးနှင့်တွေ့ဆုံမည်ဖြစ်ကြောင်း ၎င်းက ဆက်လက်ပြောဆိုသည်။

မြန်မာစစ်တပ်ကအကြမ်းဖက်နှိမ်နင်းမှုများကြောင့်၂၀၁၇ ခုနှစ်၊ ဩဂုတ်လ (၂၅)ရက်နေ့ကတည်းက ထွက်ပြေးတိမ်းရှောင်လာခဲ့ရသည့် ရိုဟင်ဂျာ ရ သိန်းခန့် ဘင်္ဂလားဒေ့ရှ်နိုင်ငံကလက်ခံကာ ကော့ဘဇားတွင် နေထိုင်ခွင့် ပေးခဲ့သည်။

ပြီးခဲ့သည့်(ရ)နှစ်တာကာအတွင်းတွင်ဒုက္ခသည် တစ်ဦးတစ်ယောက်မျှနေရပ်သို့ပြန်နိုင်ခြင်း မရှိခဲ့ပေ။

မြန်မာဘက်က၎င်းတို့ကို ပြန်လည်ခေါ်ယူရန် သဘောတူခဲ့သော်လည်း ရခိုင်ပြည်နယ်အတွင်း ၎င်းတို့ဘေးကင်းရေး၊ လုံခြုံရေးနှင့်ပတ်သက်၍ ရိုဟင်ဂျာများအကြား ယုံကြည်မှု မရှိမှုများကြောင့် နေရပ်ပြန်ပို့ရေး ကြိုးပမ်းခဲ့မှုသည် အောင်မြင်မှုမရရှိခဲ့သည်မှာ နှစ်ကြိမ်တိုင်ရှိခဲ့ပြီ ဖြစ်ကြောင်း သိ၇သည်။Source/ News Age

---