ဂျွန်နသန်၊ နိရဉ္စရာ၊ စက်တင်ဘာ ၈/ ၂၀၂၄

မြန်မာစစ်အစိုးရ၏လေကြောင်းတိုက်ခိုက်မှုများကြောင့် ကလေးငယ်များအပါအဝင် အရပ်သား (၄၀)ဦးထက်မနည်းသေဆုံးခဲ့ကြောင်း ဒါကာထရီဗြူးကသတင်းဖော်ပြချက်အရသိ၇ သည်။

စစ်အစိုး၇သည်လွန်ခဲ့သည့် (၆)ရက်တာကာလအတွင်း မြန်မာနိုင်ငံတစ်ဝှမ်းရှိအရပ်သားပစ်မှတ်များကို လေကြောင်းတိုက်ခိုက်မှုများအပြင်းအထန် ပြုလုပ်ခဲ့ရာ ကလေးငယ်များ အပါအဝင်အရပ်သား (၄၀)ဦးထက်မနည်းသေဆုံးခဲ့သည်ဟု ဧရာ၀တီသတင်းဌာနကို ကိုးကားပြီးဒါကာထရီဗြူးက သတင်းဖော်ပြသည်။

စစ်အစိုးရသည် ရက်စက်ကြမ်းကြုတ်စွာ ဖြင့် ချင်းပြည်နယ်၊ ရှမ်းပြည်နယ်နှင့် ကရင်နီပြည်နယ် ၊မကွေး၊ စစ်ကိုင်းနှင့် မန္တလေးတိုင်း ဒေသကြီးတို့တွင်အရပ်သားပစ်မှတ်များကို လေကြောင်းမှ ဗုံးကြဲတိုက်ခိုက်မှုများပြုလုပ်ခဲ့ခြင်းဖြစ်သည်။

လေကြောင်းမှ တိုက်ခိုက်ခံရသည့်နေရာများမှာ အရပ်သားပစ်မှတ်များဖြစ်သည့်ကျောင်း၊ ဈေး၊ မြို့များ နှင့် ပြည်တွင်းနေရပ်စွန့်ခွာသူများနေထိုင်ရာ (IDP)စခန်းတို့ပါဝင်သည်။

စစ်ခေါင်းဆောင်မင်းအောင်လှိုင်က တော်လှန်ရေးတပ်ဖွဲ့များ သိမ်းပိုက်ထားသည့် နယ်မြေများကို ပြန်လည် သိမ်းယူမည်ဟု စက်တင်ဘာ ၃ ရက်နှင့် ၄ ရက်နေ့များက ကရင်နီနှင့်ရှမ်းပြည်တို့ကို သွားရောက်စဉ် ပြောဆိုခဲ့အပြီး မကြာခင်တွင် စစ်တပ်ကအရပ်သားများအပေါ် ယခုကဲ့သို့ လေကြောင်းတိုက်ခိုက်မှုများ ဖြစ်ပွားလာခဲ့ခြင်းဖြစ်သည်။

မကွေးတိုင်းဒေသကြီးလက်ယက်မ ကျေးရွာရှိ စာသင်ကျောင်းတစ်ကျောင်းကိုစက်တင်ဘာ(၆)ရက်က လေကြောင်းမှ ဗုံးကြဲတိုက်ခိုက်ခဲ့ရာ ကလေးငယ်တစ်ဦးအပါအဝင် လူ(၆)ဦးသေဆုံးခဲ့ပြီး(၁၀) ဦးကျော် ဒဏ်ရာရရှိခဲ့သည်။

ယင်းနေ့တွင်ပင်မန္တလေးတိုင်း ဒေသကြီး နွားထိုးကြီးမြို့နယ်နှင့် ချင်းပြည်နယ် မင်းတပ်မြို့နယ် တို့တွင်လည်းလေကြောင်း တိုက်ခိုက်မှု ဖြစ်ပွားခဲ့ကြောင်း သိ၇သည်။

ရှမ်းပြည်မြောက်ပိုင်းနမ့်ခမ်းမြို့ကို သြဂုတ်(ရ)ရက် မနက် ၁ နာရီ ၃၅ မိနစ်တွင် စစ်အစိုးရ၏ဂျက်လေယာဉ်များက ဗုံးကြဲတိုက်ခိုက်ခဲ့ရာ ကိုယ်ဝန်ဆောင်အမျိုးသမီးနှင့်ကလေးတစ်ဦးအပါအဝင် အရပ်သား (၁၃) ဦး သေဆုံးခဲ့သည်။

ထို့အပြင်ဖယ်ခုံမြို့နယ်ရှိ စစ်ဘေးရှောင် ဒုက္ခသည် စခန်းတစ်ခုလည်း ဗုံးကြဲခံ၇ပြီး ကလေးငယ်(၈)ဦး အပါအဝင် (၁၀)ဦး သေဆုံးခဲ့၇သည်။

ရှမ်းပြည်နယ်တောင်ပိုင်း ဖယ်ခုံမြို့နယ်ရှိ စစ်ဘေးရှောင်ဒုက္ခသည် စခန်းကို စစ်အစိုးရ တိုက်လေယာဉ် တစ်စီးက ဗုံးကြဲ တိုက်ခိုက်ခဲ့ရာ ကလေးငယ်(၈)ဦး အပါအဝင် အရပ်သား (၁၀) ဦး သေဆုံးခဲ့ပြီး (၁၄) ဦး ဒဏ်ရာရရှိခဲ့ကြောင်း သိ၇သည်။

စက်တင်ဘာ(၄)ရက်နှင့်(၅)ရက်ကလည်းကယားပြည်နယ် လွိုင်ကော်မြို့နယ်ရှိ နန်းမဲခွန် မြို့နယ် နှင့် အနီးနားရှိရွာများကို စစ်အစိုးရ၏ လေကြောင်းမှ တိုက်ခိုက်ခဲ့ရာဒေသခံတစ်ဦးသေဆုံးပြီး အရပ်သားအခြေခံအဆောက်အအုံများအကြီးအကျယ်ထိခိုက်ပျက်စီးဆုံးရှုံးခဲ့၇သည်။

ထို့အပြင်တအာင်းအမျိုးသား လွတ်မြောက်ရေး တပ်မတော် (TNLA) တပ်ဖွဲ့များထိန်းချုပ်ရာ ရှမ်းပြည်မြောက်ပိုင်း မန်တုံမြို့နှင့် နောင်ချို မြို့နယ်ရှိကျေးရွာတစ်ရွာကိုလည်း စစ်အစိုး၇ ဂျက်လေယာဉ်များက ဗုံးကြဲတိုက်ခိုက်ခဲ့သည်။

အဆိုပါတိုက်ခိုက်မှုများကြောင့် အနည်းဆုံး အရပ်သား(၁)ဦး သေဆုံးပြီး နေအိမ်အများအပြားပျက်စီးခဲ့သည်။

စက်တင်ဘာ(၁)ရက်က စစ်ကိုင်းတိုင်း၊ထီးချိုင့်မြို့နယ်၊မောင်ကုန်းရွာရှိ ဈေးကိုစစ်တပ်ကလေကြောင်းက တိုက်ခိုက်ခဲ့ရာ ကလေးငယ်(၁)ဦးအပါအဝင် အရပ်သား(၉)ဦးသေဆုံးခဲ့ရကြောင်း ထီးချိုင့်မြို့နယ် ပြည်သူ့အုပ်ချုပ်ရေးအဖွဲ့မှ သိ၇သည်။

စစ်ရာဇဝတ်မှုများကျူးလွန်နေသည့်မြန်မာစစ်တပ်ကို နိုင်ငံတကာရာဇဝတ်ခုံရုံး (ICC) တွင် စစ်ရာဇဝတ်မှုများကို ရင်ဆိုင်ရန်တော်လှန်ရေးအဖွဲ့များက တောင်းဆိုနေကြပြီး စစ်တပ်က အဆက်မပြတ်ဗုံးကြဲတိုက်ခိုက်မှုများပြုလုပ်နေသည့်အတွက် အရပ်သား သေဆုံးမှုများ တိုးမြင့်လာလျက်ရှိသည်။Source/Dhaka Tribune

ပုံစာ- နမ့်ခမ်းမြို့တွင်စစ်ကောင်စီတပ်က ပေါင်(၅၀၀)ဗုံး ၂ လုံး လာရောက်ပစ်ခတ်တိုက်ခိုက်၊ကိုယ်ဝန်ဆောင်နှင့်ကလေးငယ်အပါအဝင် မြို့ခံ ၁၁ ဦး သေဆုံးပြီး ၁၁ ဦး ဒဏ်ရာ၇ (PSLF/TNLA)