ကံ့ကော်နီနီ၊ နိရဥ္စရာ ၊ စက်တင်ဘာ ၁၂ / ၂၀၂၄

မန္တလေးတိုင်း၊ ရမည်သင်းမြို့နယ် ရေကြီးရေလျှံမှုအတွင်း ဒေသခံကျေးရွာသား (၁၀) ဦး သေဆုံးခဲ့ကြောင်းမြန်မာနိုင်ငံမီးသတ်ဦးစီးဌာနက ထုတ်ပြန်သည်။

ရေဘေးကြောင့်ဆည်ကြီးကျေးရွာအုပ်စုအတွင်းမှ အမျိုးသမီး ၇ ဦးနှင့် အမျိုးသား ၃ ဦးတို့သေဆုံးခဲ့ကြောင်း ကနဦးသတင်းရရှိမှုအနေဖြင့် ထုတ်ပြန်ချက်တွင်ဖော်ပြထားသည်။

ဆည်ကြီးကျေးရွာမှ ကျား(၁)ဦး၊ ညောင်အိုင်ကျေးရွာမှ မ(၁)ဦး၊ မြင်းနားကျေးရွာအုပ်စုအတွင်းကံသာအေးကျေးရွာမှ ကျား(၂)ဦး၊ မ(၄)ဦး၊ ရွှေနန်းပေါ်ကျေးရွာမှ မ(၁)ဦး၊ဝါးဖြူတောင်ကျေးရွာ အုပ်စုအတွင်းချောင်းဖျားကျေးရွာမှ မ(၁)ဦး၊ စုစုပေါင်း (၁၀)ဦး တို့ဖြစ်ကြောင်း သိရှိ၇သည်။

မိုးသည်းထန်စွာရွာသွန်းမှုကြောင့်ရမည်းသင်းမြို့နယ်အတွင်းရှိ ရပ်ကွက်/ကျေးရွာအုပ်စုများမှ အိမ်ထောင်စု(၁၅၁၁၃)စု၊ကျား(၂၃၉၉၅)ဦး၊ မ(၂၉၉ရ၇)ဦး၊ စုစုပေါင်း (၅၃၉၇၂)ဦး ရေဘေးသင့်ခဲ့ကြောင်းထုတ်ပြန်ထားသည်။

အဆိုပါရေဘေးသင့်ပြည်သူများအား ရမည်းသင်းမြို့နယ်မီးသတ်စခန်းမှသန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များမှသက်ဆိုင်ရာအဖွဲ့အစည်းများနှင့် ပူးပေါင်း၍ သီလ၀ခန်းမ၊ သာသနာ့ဗိမာန်၊ဘုန်းကြီးကျောင်း၊ ရွာတန်းခန်းမ၊ ကိုးခန်းကြီးဓမ္မာရုံ၊ ရန်ကြီးအောင်ကျောင်းစသည့်ရေဘေးရှောင်နေရာများနှင့် နီးစပ်ရာဆွေမျိုးထံသို့ ကူညီရွှေ့ပြောင်းပေးခြင်း လုပ်ငန်းများ ဆောင်ရွက်ပေးခဲ့သည်ဟုဆိုသည်။

စက်တင်ဘာလ၁၀ ရက်မှစတင်၍ မိုးသည်းထန်စွာရွာသွန်း၍ တောင်ကျချောင်းရေဝင်ရောက်မှုနှင့်မြစ်ရေမြင့်တက်မှုများကြောင့် မန္တလေးတိုင်းအတွင်းမှ ကျောက်ဆည် ၊ ပျော်ဘွယ် ၊ရမည်းသင်း ၊ ပုသိမ်ကြီးမြို့နယ်များတွင် ရေကြီးရေလျှံမှုဖြစ်ပွားနေပြီးရေဘေးကယ်ဆယ်ရေးလုပ်ငန်းများ လုပ်ဆောင်နေရကြောင်းမြန်မာနိုင်ငံမီးသတ်ဦးစီးဌာနက ထုတ်ပြန်ချက်အရသိရှိ၇သည်။