နိုင်ငံတကာ လူသားချင်းစာနာမှုဆိုင်ရာ ဥပဒေ (IHL)ကို လိုက်နာပြီး အရပ်သားများကို အကာအကွယ်ပေးရန် ကုလသမဂ္ဂက သတိပေး
- ရေးသူ: Web Master
- | ရက်စွဲ: ၁၃ စက်တင်ဘာ ၂၀၂၄
- | ကြည့်ရှုသူ: 189
နိရဉ္စရာ၊ စက်တင်ဘာ ၁၂/ ၂၀၂၄
နိုင်ငံတကာ လူသားချင်းစာနာမှုဆိုင်ရာ ဥပဒေ (IHL)ကို လိုက်နာပြီး အရပ်သားများကို အကာအကွယ်ပေးရန် ကုလသမဂ္ဂက သတိပေးပြောဆိုလိုက်သည်။
လက်နက်ကြီးများနှင့် လေကြောင်းတိုက်ခိုက်မှုများကြောင့် အရပ်သားများအနေဖြင့် အန္တရာယ်များ ဆက်တိုက် ရင်ဆိုင်ကြုံတွေ့နေသည့်အတွက်ပဋိပက္ခတွင် ပါဝင်သူများအားလုံးသည် နိုင်ငံတကာ လူသားချင်း စာနာမှုဆိုင်ရာ ဥပဒေ ကို လိုက်နာပြီး အရပ်သားများကို အကာအကွယ်ပေးရမည်ဟု ကုလသမဂ္ဂ လူသားချင်းစာနာထောက်ထားမှုဆိုင်ရာ ညှိနှိုင်းရေးရုံး ( UNOCHA )က စက်တင်ဘာ ၁၂ရက် တွင် သတင်းထုတ်ပြန်သည်။
မြန်မာနိုင်ငံအတွင်း အရပ်သားများနေထိုင်ရာနေရာများတွင် မြေမြှုပ်မိုင်းများနဲ့ ပေါက်ကွဲစေတတ်သည့် စစ်လက်နက်အကြွင်းအကျန်များအပါအဝင် လက်နက်ကြီးများနှင့် လေကြောင်း တိုက်ခိုက် မှုများကြောင့် အရပ်သားများအနေဖြင့် အန္တရာယ်များ ဆက်တိုက် ရင်ဆိုင်ကြုံတွေ့ရလျက် ရှိကြောင်း ပဋိပက္ခတွင် ပါဝင်သူများအားလုံးသည် နိုင်ငံတကာ လူသားချင်းစာနာမှုဆိုင်ရာ ဥပဒေ ကို International Humanitarian Law (IHL) လိုက်နာပြီး အရပ်သားများကို အကာအကွယ်ပေးရမည်ဟု UNOCHA ၏ သတင်းထုတ်ပြန်ချက်တွင်ဖော်ပြထားသည်။
နိုင်ငံတကာ လူသားချင်းစာနာမှုဆိုင်ရာ ဥပဒေ ကို ချိုးဖောက်မှုအားလုံးအတွက် တာဝန်ခံမှု ရှိစေရန်လည်း UNOCHA က တောင်းဆိုထားသည်။
