နိရဉ္စရာ၊ အောက်တိုဘာ ၇/၂၀၂၄

NLD ပါတီ ဒုတိယဥက္ကဋ္ဌ ၊မန္တလေးတိုင်းဝန်ကြီးချုပ် ဒေါက်တာ ဇော်မြင့်မောင် သည် ယနေ့ အောက်တိုဘာ( ရ)ရက်၊နံနက် ၃ နာရီတွင် ကွယ်လွန်သွားသွားကြောင်းဇနီးဖြစ်သူ ဒေါက်တာ ဒေါ်ယုယုမေကအတည်ပြုပြောဆိုသည်။

အမျိုးသားဒီမိုကရေစီအဖွဲ့ချုပ်NLD ပါတီ၏ဒုတိယဥက္ကဋ္ဌ ၊မန္တလေးတိုင်းဝန်ကြီးချုပ်ဒေါက်တာ ဇော်မြင့်မောင်သည် ယနေ့ အောက်တိုဘာ(ရ)ရက်၊ နံနက်(၃)နာရီအချိန်တွင် မန္တလေး ပြည်သူ့ ဆေးရုံကြီး၌ကွယ်လွန်သွားကြောင်း ဒေါက်တာဇော်မြင့်မောင် ၏ ဇနီးဖြစ်သူ ဒေါက်တာဒေါ်ယုယုမေ က အတည်ပြုပြောဆိုခဲ့သည်။

ဒေါက်တာဇော်မြင့်မောင်ကွယ်လွန်သွားမှုနှင့်ပတ်သက်ပြီးဇနီးဖြစ်သူ ဒေါက်တာဒေါ်ယုယုမေ က"ရှင်ကွဲကွဲရာမှ ၊ ထာ၀၇ခွဲခွာသွား ပါပြီ ၊ နံနက် (၃း၀၀)၊အောက်တိုဘာ (၇)"ဟု ၄င်း၏ ဖေ့ဘုတ် လူမှုကွန်ရက်တွင်ရေးသားခဲ့သည်။

သွေးကင်ဆာရောဂါဝေဒနာခံစားနေရသူ ဒေါက်တာဇော်မြင့်မောင်သည် မန္တလေးပြည်သူဆေးရုံကြီးအထူးကြပ်မတ်ကုသဆောင်(ICU)တွင် ဆေးကုသမှုခံယူနေခဲ့၇သည်။

ဒေါက်တာဇော်မြင့်မောင်သည်အောက်တိုဘာလ( ၅)ရက်ကတည်းက အောက်ဆီဂျင်ပေးထား၇ပြီး သတိလစ်မေ့မျောနေခဲ့သော်လည်းအောက်တိုဘာလ ၆ ရက် ည ၉ နာရီခွဲ ဝန်းကျင်တွင် သတိပြန်တစ်ချက်လည် လာခဲ့သေးသည်ဟုသိ၇သည်။

"ဆရာက သတိလေးတော့ပြန်၇လာသေးတယ်။ ဒါပေမယ့်ဒီနေ့ မနက်(၃:၀၀) နာရီမှာဘဲ ဆရာ ဆုံးသွားခဲ့ ပါတယ် ”ဟုမိသားစုနှင့်နီးစပ်သူတစ်ဦးကအတည်ပြုပြောဆိုသည်။

ဒေါက်တာဇော်မြင့်မောင်သည် ဆေးရုံကြီးတွင်တက်ရောက်ကုသနေစဥ် အတွင်း အောက်တိုဘာလ (၆)ရက်၊ ညနေပိုင်း တွင် ၎င်းအားပြစ်ဒဏ်မှ လွတ်ငြိမ်းချမ်းသာခွင့်ပြုလိုက်ကြောင်းအမိန့်စာကို သက်ဆိုင်ရာက ဆေးရုံသို့ လာရောက်ဖတ်ကြားသွားခဲ့သည်ဟုသိ၇သည်။

လွတ်ငြိမ်းချမ်းသာခွင့်ပြုလိုက်ပြီး(၂၄)နာရီအချိန်မပြည့်မီအချိန်တွင်ပင်ဒေါက်တာဇော်မြင့်မောင်ကွယ်လွန်သွားခဲ့ခြင်းဖြစ်ကြောင်း NLD အဖွဲ့ဝင်တစ်ဦးကပြောဆိုသည်။

ဒေါက်တာဇော်မြင့်မောင်၏ရုပ်အလောင်း ကို ပြည်ကြီးတံခွန်မြို့နယ်ရှိ ၄င်း၏ဖခင်နေ အိမ်သို့သယ်ဆောင်သွားပြီဖြစ်ကြောင်း ၊ နာရေးကိစ္စနှင့်ပတ်သက်မှုကိုမည်သို့ဆက်လက်စီစဉ်မည်ဆိုသည်ကိုတော့ မသိ၇သေးကြောင်း၄င်းက ဆက်လက်ပြောဆိုသည်။

သွေးကင်ဆာရောဂါဝေဒနာခံစားနေ၇သည့် ဒေါက်တာဇော်မြင့်မောင်သည် ၊ ၄င်း သေဆုံးသွားချိန်တွင် အသက်(၇၃)နှစ်အရွယ်ရှိ ပြီဖြစ်သည်။

စစ်ကောင်စီသည် ၂၀၂၁ ခုနှစ်အာဏာသိမ်းယူခဲ့ပြီးနောက်တွင် ဒေါက်တာဇော်မြင့်မောင်အားနိုင်ငံတော် အကြည်ညိုပျက်စီးစေမှု၊အဂတိလိုက်စားမှုများအပါအဝင် အခြားသော အမှုများစွာဖြင့် မတရား ဖမ်းဆီးကာ၊ ထောင်ဒဏ် (၂၉) နှစ် ပြစ်ဒဏ် ချမှတ်ခံထား၇သူဖြစ်သည်။

ဒေါက်တာဇော်မြင့်မောင်သည်၁၉၉၀ ခုနှစ် ပါတီစုံ ဒီမိုကရေစီ အထွေထွေ ရွေးကောက်ပွဲတွင် အမရပူရမြို့နယ်မှအမျိုးသား ဒီမိုကရေစီ အဖွဲ့ချုပ် ကိုယ်စားပြု အမတ်အဖြစ် ရွေးကောက် တင်မြှောက်ခြင်းခံခဲ့၇သည်။

၂၀၁၂ခုနှစ် ကြားဖြတ် ရွေးကောက်ပွဲတွင်ကျောက်ပန်းတောင်းမြို့နယ် ပြည်သူ့လွှတ်တော် ကိုယ်စားလှယ် အဖြစ်၄င်းရွေးချယ်ခံခဲ့၇သည်။

၂၀၁၅ အထွေထွေ ရွေးကောက်ပွဲတွင် အမရပူရမြို့နယ်မှ မန္တလေးတိုင်းဒေသကြီးလွှတ်တော်အတွက် ရွေးကောက်တင်မြှောက်ခြင်း ခံခဲ့ပြီး မန္တလေးတိုင်းဒေသကြီးဝန်ကြီးချုပ် ဖြစ်လာခဲ့သူဖြစ်သည်။

ထို့အပြင်ဒေါက်တာဇော်မြင့်မောင်သည် အမျိုးသားဒီမိုကရေစီအဖွဲ့ချုပ်(NLD)ပါတီ၏ ဒုတိယဥက္ကဋ္ဌ လည်းဖြစ်သည်။