နိရဉ္စရာ၊ ဧပြီ ၃၀/ ၂၀၂၅

ထိုင်း- ကရင်ပြည်နယ်စပ် သောင်ရင်းမြစ်ဘေး မူယူထာဒေသတွင် မူးယစ်ဆေးဝါး (WY) ဆေးပြား ၅ သန်းကျော်ဖမ်းမိကြောင်း KNUဗဟိုက သတင်းထုတ်ပြန်သည်။

၎င်းမူးယစ်ဆေးဝါးများသောင်ရင်းမြစ်တစ်လျှောက် လုံခြုံရေးယူထားသော KNU လက်အောက်ခံ ကရင်အမျိုးသားလွတ်မြောက်ရေးတပ်မတော်(KNLA) မှ ၂၀၂၅ခုနှစ်၊ ဧပြီလ(၂၇) ရက်နံနက် (၇:၄၅) မိနစ် အချိန်တွင်ဖမ်းဆီးမိခဲ့သည်ဟု ဆိုသည်။

ဖမ်းဆီးရမိသည့်အရေအတွက်မှာ မူးယစ်ဆေးဝါး (WY) (၅၉၉)ထုတ်၊ ဆေးပြား ပေါင်း(၅,၅၉၀,၀၀၀) ပြားဖြစ်ကြောင်းဖော်ပြထားသည်။

ဤဖမ်းဆီးရရှိသော မူးယစ်ဆေးဝါးအမှုနှင့် ပတ်သက်၍ ကေအဲန်ယူ-ကရင်အမျိုးသားအစည်းအရုံး၊မူးယစ် ဆေးဝါးတိုက်ဖျက်ရေးနှင့် လူကုန်ကူးမှု ပပျောက်ရေးကော်မတီနှင့် ကရင်အမျိုးသားရဲတပ်ဖွဲ့(KNPF)တို့ မှ တာဝန်ယူစုံစမ်းစစ်ဆေး ဖော်ထုတ်ကာ ကေအဲန်ယူ-ကရင်အမျိုးသား အစည်းအရုံး၊ ကော်သူးလေဥပဒေအရ အရေးယူသွားမည် ဖြစ်သည်ဟုဖော်ပြထားသည်။(ဓာတ်ပုံ-ကေအဲန်ယူ−ဗဟို)