ကြာသပတေး၊ မတ်လ ၂၈ရက်၊ ၂၀၂၄

အမ်ဖန်မုန်တိုင်းကြောင့် အိန္ဒိယတွင်အနည်းဆုံး လူ၇၂ ဦးသေပြီး ဘင်္ဂလာဒေ့ရှ်တွင် ၉ဦးသေ


  • ရေးသူ: Web Master
  • | ရက်စွဲ: ၂၁ မေ ၂၀၂၀
  • | ကြည့်ရှုသူ: 5k

နိရဥ္စရာ၊ မေ ၂၁/၂ဝ၂ဝ (နိုင်ငံတကာ သတင်း)

အမ်ဖန်မုန်တိုင်း ဝင်ရောက်တို်က်ခိုက်မှုကြောင့် အိန္ဒိယနိုင်ငံတွင် အနည်းဆုံး လူပေါင်း ၇၂ ဦးသေဆုံးပြီး ဘင်္ဂလာဒေ့ရှ်တွင် ၉ ဦးသေဆုံးကြောင်း သတင်းရရှိသည်။ 

Reuters သတင်းဌာနမှ အနောက်ဘင်္ဂလာပြည်နယ် ဝန် ကြီးချုပ်ကို ကိုးကားပြီး သတင်းဖော်ပြရာတွင် ဘင်္ဂလာဒေ့ရှ်နိုင်ငံနှင့် ကပ်ရပ်တည်ရှိသည့် ပင်လယ်ကမ်းခြေ တစ်လျှောက်ကို အင်အား အလွန်ပြင်းသော မုန်တိုင်း ဝင်ရောက် တိုက်ခိုက်မှုကြောင့် အိန္ဒိယ နိုင်ငံ အရှေ့ပိုင်းတွင် အနည်းဆုံး လူ ၇၂ ဦးသေဆုံးခဲ့ကြောင်း ဖော်ပြသည်။ 

၎င်းမုန်တိုင်းသည် အနောက်ဘင်္ဂလာပြည်နယ်ကို ဗုဒ္ဓဟူးနေ့က ဝင်တို်က်ခဲ့ပြီး မုန်တိုင်းကြောင့် ကျေးရွာများပြိုပျက်ခဲ့ပြီး လျှပ်စစ်တာဝါတိုင်များလဲပြိုခြင်းနှင့် နေရာအများအပြားကို ရေလွှမ်းမိုးသွားခဲ့သည်ဟု ဆိုသည်။  

အနောက်ဘင်္ဂလာ ပြည်နယ်ဝန်ကြီးချုပ် Banerjee က သေဆုံးသူ ၇၂ ဦးရှိခဲ့ပြီး အများစုမှာ လျှပ်စစ်လိုက်ပြီး သေဆုံးခဲ့သလို သစ်ပင်လဲကျရာမှ ပိပြီး သေဆုံးခဲ့ရသည်ဟု ဆိုသည်။

ဘင်္ဂလာဒေ့ရှ်ထုတ် The Daily Star သတင်းတွင် ယနေ့ နံနက် အစောကြီးအချိန်က ဝင်ရောက်တိုက်ခတ်ခဲ့သော ဆိုင်ကလုန်း မုန်တိုင်းကြောင့် ဘင်္ဂလာဒေ့ရှ် အနောက်တောင်ပိုင်း ခရိုင် ၇ ခုမှ လူပေါင်း ၉ ဦးသေဆုံးခဲ့သည်ဟု ဖော်ပြသည်။

(Photo by The Daily Star) 


ဆက်စပ် သတင်းများ