နိရဥ္စရာ၊ စက်တင်ဘာ၂၉/၂ဝ၂ဝ

မြန်မာနိုင်ငံတွင် လွန်ခဲ့သည့် ၂၄ နာရီအတွင်း ကိုဗစ် ၁၉ ရောဂါဖြင့် သေဆုံးသူ ၃ဝ ရှိခဲ့ပြီး တစ်နိုင်ငံလုံးအတိုင်းအတာဖြင့် သေဆုံးသူ ၂၅၆ ဦးထိ ရှိလာပြီ ဖြစ်သည်။

၂ဝ၂ဝ စက်တင်ဘာ ၂၈ ရက် ည ၈ နာရီထုတ်ပြန်ချက်တွင် ၂၄ နာရီအတွင်း သေဆုံးသူ ၃ဝ ဦးရှိခဲ့ပြီး ၎င်းအနက် ၁၅ ဦးမှာ သေဆုံးပြီးမှ ဆေးရုံသို့ရောက်ရှိကြောင်း ကျန်းမာရေးနှင့်အားကစားဝန်ကြီးဌာနမှ သတင်းထုတ်ပြန်ရာတွင် မှတ်ချက်ပြု ဖော်ပြထားသည်။

စက်တင်ဘာ ၂၇ ရက် ည၈ နာရီမှ စက်တင်ဘာ ၂၈ ည ၈ နာရီထိ ဓာတ်ခွဲနမူနာ စုစုပေါင်း ၅၅၉၇ ခုအား စစ်ဆေးပြီးစီးခဲ့ရာ ဓာတ်ခွဲ အတည်ပြု လူနာသစ် ၈၉၇ ဦး တွေ့ရှိခဲ့သည်ဟု ဖော်ပြထားသည်။

မြန်မာတစ်နို်င်ငံလုံးတွင် စက်တင်ဘာ ၂၈ ရက်နေ့ ည (၈) နာရီထိ သေဆုံးသူ ၂၅၆ ဦး၊ ပို့တွေ့သူ ၁၁၆၃၁ ဦး၊ ပြန်လည် သက်သာကောင်းမွန်လာသူ ၃ဝ၇၃ ဦး၊ စောင့်ကြည့်လူနာ ၁၃၇၇၃ ဦး၊ ဓာတ်ခွဲစစ်ဆေးသူ ၂၄၅၁၅၄ ဦးရှိပြီဟု သိရသည်။

ရခိုင်တစ်ပြည်နယ်လုံးတွင် စက်တင်ဘာ ၂၈ ရက် ည (၅) နာရီ  ပိုးတွေ့လူနာပေါင်းမှာ ၁၃ဝ၇ ဦးရှိသွားပြီဖြစ်ကာ ပြန်လည်သက်သာလာ၍ ဆေးရုံက ဆင်းခွင့်ရသူပေါင်းမှာ ၈ဝ၉ ဦး ရှိပြီဟု Rakhine Covid-19 Watch ၏ ထုတ်ပြန်ချက်တွင် ဖော်ပြထားသည်။