စစ်တွေတွင် အသက်၄၇ နှစ်အရွယ် ရောဂါအခံမရှိသည့်ကိုဗစ်လူနာတစ်ဦးသေဆုံး၊ ၇ခိုင်တွင်သေဆုံးသူ ၂၇ ဦးထိတိုးလာ
ဆောင်းဇာခြည်
နိရဥ္စရာ၊ နိုဝင်ဘာ ၂၁/ ၂၀၂၀
သေဆုံးသူမှာ ပေါက်တောမြို့နယ်၊ အလယ်ကျွန်းကျေးရွာမှ အသက် ၄၇ နှစ်အရွယ် ရောဂါအခံမရှိသည့် အမျိုးသမီးဖြစ်ကြောင်း ရခိုင်ပြည်နယ် ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာစိုးဝင်းပိုင်က ပြောသည်။
“သူက ပထမက ပေါက်တောဆေးရုံမှာ ကုသမှုခံယူနေတာ။ အဲဒါ ရောဂါက ပြင်းလာလို့ စစ်တွေကို ယူလာတာပေါ့။ မပြင်းထန်ဘူးဆိုရင် ပေါက်တောမှာပဲ ဆက်ကုလို့ရှိမှာပေါ့နော်။ မနေ့ညက ဆုံးတာ” ဟု နိရဥ္စရာသို့ ပြောသည်။
သူဆုံးသူမှာ ယမန်နေ့ နိုဝင်ဘာ ၂၀ ရက်နေ့ ည ၉ နာရီ ၃၅ မိနစ်တွင် သေဆုံးသွားခြင်းဖြစ်ကြောင်း၊ သေဆုံးသူအမျိုးသမီး၏ လူနာအမှတ်မှာ ၆၀၁၉၆ ဖြစ်ကြောင်း ဒေါက်တာဇော်လွင်က ဆက်ပြောသည်။
သေဆုံးသူအား ပေါက်တောဆေးရုံမှ စစ်တွေဆေးရုံသို့ နိုဝင်ဘာ ၉ ရက်နေ့က ယူဆောင်လာခဲ့ခြင်းဖြစ်ကြောင်း သိ၇သည်။
၇ခိုင်ပြည်နယ်တွင် ယနေ့ နိုဝင်ဘာ ၂၀ ရက်နေ့အထိ ကိုဗစ်ရောဂါဖြင့် သေဆုံးသူ ဦးရေ စုစုပေါင်း ၂၇ ဦး ရှိပြီဖြစ်ပြီး ကိုဗစ်-၁၉ အတည်ပြုလူနာမှာ ၃၃၀၆ ဦးရှိကြောင်း၊ဆေးရုံက ဆင်းသွားသည်မှာလည်း ၃၀၀၀ ခန့် ရှိနေပြီဖြစ်ကြောင်း ဒေါက်တာစိုးဝင်းပိုင်က ပြောသည်။
လှူရန်