Preview

ရန်ကုန်-စစ်တွေကားလမ်းပေါ်ရှိ တိမ်ညိုတံတားဟောင်း ပြိုကျ

ဇွန် ၂၁/ ၂၀၂၁ | ကြည့်ရှုသူ :3452
ရခိုင် သတင်း

မာန်ယုကျော် (ရွှေ၀မြေ)
စစ်တွေ၊ ဇွန် ၂၀ / ၂၀၂၁
ရခိုင်ပြည်နယ် မြောက်ဦးမြို့နယ်ရှိ ရန်ကုန်-စစ်တွေကားလမ်းပေါ်မှ တိမ်ညိုတံတားဟောင်းသည် ပြိုကျသွားကြောင်း သိ၇သည်။
အဆိုပါတံတားဟောင်းသည် ယမန်နေ့ ဇွန်လ ၁၉ ရက်နေ့၊ နံနက်အရုဏ်ချိန်တွင်ပြိုကျသွားခြင်းဖြစ်ပြီး လူအသုံးမပြုတော့သည့်တံတားဖြစ်၍ ထိခိုက်မှုမရှိခဲ့ဟု တိမ်ညိုရွာသားများက ပြောသည်။
“မြောက်ဦးဘက်ကလာတဲ့အပိုင်း ပြိုကျသွားတာပါ။ ဒီနေ့မနက်အထိလည်း အဲဒီအတိုင်း တွဲလောင်းပြီး ရှိနေဆဲပါ။ အလယ်က ပြိုတာမဟုတ်တော့ စက်လှေတွေဘာတွေသွားလို့လည်း ရပါတယ်။ အခက်အခဲမရှိပါဘူး။”ဟု တိမ်ညိုရွာသား ဦးမောင်ငန်းက နိရဥ္စရာကို ပြောသည်။
ပြီးခဲ့သည့်ရက်ပိုင်းက အဆိုပါတံတားဟောင်းတွင် ဆောက်လုပ်ရေးလုပ်ငန်းသုံး ဦးထုပ်အဝါဆောင်းထားသူအချို့က ဝက်အူလှည့်များကို ဖြုတ်နေသည်ကိုတွေ့ခဲ့၇ပြီးနောက် ယခုကဲ့သို့ ပြိုကျသွားခြင်းဖြစ်သည်ဟု ဦးမောင်ငန်းက ဆက်ပြောသည်။
“ဘယ်အဖွဲ့ကလူတွေတော့ မသိဘူး။ သူတို့ သံဘောင်တွေက ဝက်အူတွေကို ဖြုတ်တယ်။ ကျနော်တို့တောင် သူတို့ တံတားကို ဖြိုဖို့လာပြီလားမသိဘူးဆိုပြီး ကြည့်ခဲ့သေးတယ်။ နောက်တစ်နေ့ကျတော့ ကမ်းပါးနားကနေပြီး ကျိုးကျသွားတာ။ သူတို့တွေ အဲလိုဖြုတ်ပစ်ခဲ့လို့ ပြိုကျသွားတာလား အဲလိုတော့ ခန့်မှန်းနေကြပါတယ်။”ဟု သူက ဆိုသည်။
အဆိုပါတံတားဟောင်းမှာ RPT သံပေါင်နှင့် တစ်လမ်းမောင်းတံတားအမျိုးအစားဖြစ်သည်။
ယင်းတံတား ကြံ့ခိုင်မှုအားနည်းလာ၍ တံတားဟောင်းနှင့်ကပ်လျက် တံတားသစ်တစ်စင်းကို ပြီးခဲ့သည့် ၂၀၁၇ ခုနှစ်၊ မေလ ၁၅ ရက်နေ့တွင် အစိုး၇က စတင်ဆောက်လုပ်ပေးထားသည်။
ယင်းတံတားသစ်သည် RC နှစ်လမ်းသွားတံတားအမျိုးအစားဖြစ်ပြီး အရှည်ပေ ၃၆၀ ၊ တံတားအကျယ် ပေ ၃၀ နှင့် တစ်ဘက်လျှင် လူသွားလမ်း ၃ ပေစီ ပါရှိသည်။ ကျပ် ၂၂၈၀ သန်းအကုန်အကျခံတည်ဆောက်ထားခြင်းဖြစ်ပြီး ၂၀၁၉ ခုနှစ်၊ အစောပိုင်းတွင် ဖွင့်လှစ်အသုံးပြုလျက်ရှိနေသည်။
ဓာတ်ပုံ - ခိုင်မင်းသျှင်


#လမ်းပန်းဆက်သွယ်ရေး
မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။
နိရဉ္ဇရာလှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

နောက်ဆုံးရသတင်းများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်
© 2024 Narinjara News. All rights reserved.