ချစ်အိလှိုင်

နိရဥ္စရာ၊ ဇူလိုင်၁၄/ ၂၀၂၁

၇ခိုင်ပြည်နယ်၊တောင်ကုတ်မြို့  ပြည်သူ့ဆေးရုံတွင် ယနေ့ နံနက် ၆ နာရီခန့်က အသက် (၂၅)နှစ်အရွယ်ရောဂါအခံမရှိသူအမျိုသား တစ်ဦး အပါအဝင် ကိုဗစ်အတည်ပြုလူနာ ၂ ဦးထပ်မံသေဆုံးကြောင်း သတင်း ရရှိသည်။

သေဆုံးသူများမှာအသက်(၂၅)နှစ်အရွယ်အမျိုးသားတစ်ဦးနှင့် အသက်(၆၆) အရွယ် အမျိုးသားတို့ဖြစ်ကြသည်ဟု တောင်ကုတ်ဆေးရုံမှတာဝန်ကျ ဆရာဝန် ဒေါက်တာဇင်လင်းအောင်က နိရဥ္စရာသတင်းဌာနအားပြောသည်။

အသက်(၂၅)နှစ်လူငယ်မှာရောဂါအခံမရှိသော်လည်း အသက်ရှုကျပ်လာ၍ အောက်ဆီဂျင်ပေးထား၇သူဖြစ်ကြောင်း၊ အသက်(၆၆)နှစ်အမျိုးသားမှာသွေးတိုးရောဂါအခံရှိသူဖြစ်ကြောင်း၊ အဓိကမှာ အောက်ဆီဂျင် မလုံလောက်၍ ဖြစ်ကြောင်း ၎င်းကပြောကြားသည်။

“လူကြီးကတော့ သွေးတိုးအခံရှိတယ်။ လူငယ်မှာတော့ မရှိဘူး။ အဓိကတော့ကျွန်တော်တို့မှာ အောက်ဆီဂျင်အခက်အခဲကျတယ်ပေါ့။ မနေ့ညက တက်နေတဲ့  သတင်းမှာ တောင်ကုတ်ကိုအောက်စီဂျင် ၁၀၅ လုံးပို့ပေးတဲ့အထဲ  ကျွန်တော်တို့၇တာ၅၅ လုံးတည်း ရပါတယ်။ ကျန်တဲ့ဟာတွေကိုလည်း ခွဲပေး၇တာကို။ အဲဒီဟာ နေ့လယ် ၁နာရီကရတာ။ မိုးလင်းအောင်ထိမကာမိဘူး။ အခု အောက်စီဂျင် ပေးထားရတဲ့ လူနာက တောင်ကုတ် ဆေးရုံမှာ ၂၇ ယောက်ရှိပါတယ်”ဟု သူကပြောသည်။

တောင်ကုတ်မြို့နယ်တွင်ကိုဗစ်တတိယလှိုင်းအတွင်းကိုဗစ်ဖြင့် သေဆုံးသူ ယနေ့ နံနက်ပိုင်းအထိ ၅ ဦးရှိသွားပြီဖြစ်ကြောင်း၊တောင်ကုတ်တွင် ကိုဗစ် သံသယ လူနာများ နေ၍ လူနာများကို ကုသမှုပေးရာတွင် အေ၊ ဘီ၊ စီ သုံးဆင့်ခွဲထားပြီးဆေးရုံတင်ရန် လိုအပ်သော အောက်ဆီဂျင်ပေး၇သည့်  (စီ) အဆင့် လူနာများကိုသာ ဆေးရုံတွင်ကုသပေးကြောင်း သိ၇သည်။

၇ခိုင်ပြည်နယ်တွင်ကိုဗစ်အတည်ပြုလူနာ ၁၀၀၀ ခန့်ရှိနေပြီးသေဆုံးသူ ၂၀ ဦးခန့်ရှိသွားပြီဖြစ်သည်။