နိရဉ္စရာ၊ ဇူလိုင် ၂၀/၂၀၂၁

အမျိုးသားဒီမိုကရေစီအဖွဲ့ချုပ် (NLD) မှ ထိပ်တန်းခေါင်းဆောင်တစ်ဦးဖြစ်သူ ဦးဉာဏ်ဝင်းသည် ကိုဗစ်ရောဂါဖြင့် ရန်ကုန်ဆေးရုံကြီးတွင် တက်ရောက်ကုသနေစဉ် ယနေ့နံနက် ၉ နာရီ ၁၀ မိနစ်အချိန်၌ ကွယ်လွန်သွားကြောင်း သတင်းရရှိသည်။

အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ အတွင်းရေးမှူး အဖွဲ့ဝင် ၊ ဗဟိုပြန်ကြားရေး ကော်မတီ ဥက္ကဋ္ဌ၊ ဗဟိုစည်းကမ်းထိန်းသိမ်းရေးအဖွဲ့ ခေါင်းဆောင်၊ ပြည်ထောင်စုဥပဒေ အထောက်အကူပေးရေးအဖွဲ့ ဥက္ကဋ္ဌ ဦးဉာဏ်ဝင်းသည် သေဆုံးချိန်တွင် အသက် (၇၉) နှစ်ရှိပြီဖြစ်ကြောင်း သိ၇သည်။

ဦးဉာဏ်ဝင်းသည် ၂၀၂၁ ခုနှစ် ဖေဖော်ဝါရီလ ၁ ရက်နေ့ နံနက် (ရ)နာရီတွင် စစ်ကောင်စီ၏ ဖမ်းဆီး ထိန်းသိမ်းခြင်းကို ခံခဲ့၇ပြီး အင်းစိန်ထောင်အတွင်း COVID-19 ရောဂါပိုး ကူးစက်ခံခဲ့ရကြောင်း၊ အင်းစိန်ထောင်မှတဆင့် ရန်ကုန်ပြည်သူ့ဆေးရုံကြီးသို့ ပို့ဆောင်၍ ဆေးကုသမှုခံယူနေစဉ် ကွယ်လွန်သွားခဲ့ခြင်း ဖြစ်ကြောင်း အမျိုးသားဒီမိုကရေစီအဖွဲ့ချုပ်

ဗဟိုအလုပ်အမှုဆောင်အဖွဲ့၏ ထုတ်ပြန်ချက်တွင် ဖော်ပြသည်။

ဦးဉာဏ်ဝင်းသည် ဆီးချိုနှင့် သွေးဝမ်းသွားသည့် ရောဂါအခံရှိသည်ဟု သိ၇သည်။