အောင်ဇံ

နိရဉ်စရာ၊သြဂုတ် ၈ / ၂၀၂၁

တည်ဆောက်မှု၆၈ရာနှုန်းပြီးစီးနေပြီဖြစ်သည့် သံတွဲမြို့နယ် သူဌေးချောင်းရေအားလျှပ်စစ်စီမံကိန်းတွင် မိုးများပြီး ချောင်းရေကြီးမှုများကြောင့် မြေပြိုပြီး ပျက်စီးမှုတချို့ရှိခဲ့ကြောင်း သတင်းရရှိသည်။

သူဌေးချောင်းရေအားလျှပ်စစ်စီမံကိန်း ၊လက်ထောက်ညွှန်ကြားရေးမှူး ဦးကျော်အေးက'' ဒီနှစ်က ရေလွှဲဥမင်လိုဏ်ခေါင်း နှစ်လုံးကရေလွှတ်ထားတယ် ။ မိုးကလည်းများတော့ ရေစီးနှုန်း အရမ်းများတယ်။ဝန်ထမ်းအိမ်ရာရှေ့နားက ကမ်းပါးတွေ ရေတိုက်စားကုန်တယ်။ပြီးခဲ့တဲ့လကတည်းကပါ။ လမ်းတွေ ဘာတွေလည်း ပျက်သွားတယ်။ အထက်ဖက်မှာတော့ ဘာမှမဖြစ်ဘူး။ ဖြစ်တာက ရေလွှဲဥမင်လိုဏ်ရဲ့ အောက်ဖက် ချောက်ကမ်းပါးဟိုဖက်ဒီဖက် ရေစီးနှုန်းများလို့ တမံတွေပြိုတာတို့ ရှိတယ်၊ အန္တရာယ်ဖြစ်နိုင်တာတို့မရှိပါဘူး'' ဟု နိ၇ဉ္စရာသတင်းဌာနသို့ ပြောသည်။

ရေစီးနှုန်းများ တမံများပြိုပျက်ခဲ့သလိုဝန်ထမ်းအိမ်ရာရှေ့နားကကမ်းပါးလည်း ရေတိုက်စား၍ ပျက်စီးသွားခဲ့သည်ဟုသိ၇သည်။

၇ေတိုက်စားမှုများ၍ သူဌေးချောင်းကမ်းပါးပြိုကျမှုကြောင့် စီမံကိန်းဝန်ထမ်းအိမ်ယာများကိုလည်း ဘေးလွှတ်ရာသို့ ရွှေ့ပြောင်းခဲ့၇သည်ဟုလည်း ၎င်းကပြောကြားသည်။  

''ဝန်ထမ်းအိမ်ယာ ၈လုံးက ရွှေ့ထားတယ်။ရေတွေတက်လာတော့ဒီဟာတွေက ပြိုကျသွားနိုင်တယ် ဆိုပြီး မပြိုခင်၃ ၊ ၄ရက်က ကြိုပြီးသိ ထားတော့ ကျနော်တို့ လွတ်တဲ့နေရာ ရွှေ့ထားတယ်။ အပျက်အစီးထိခိုက်မှုမရှိပါဘူး'' ဟုဦးကျော်အေးက ပြောသည်။

သံတွဲ သူဌေးချောင်းစီမံကိန်းကို ၂၀၀၈ ခုနှစ်တွင် စတင် တည်ဆောက်ခဲ့ပြီး ၂၀၂၄-၂၀၂၅ဘဏ္ဍာနှစ်တွင် စတင်လည်ပတ်နိုင်မည် ဖြစ်သည်။ ယခု ၂၀၂၀-၂၀၂၁ ဘဏ္ဍာနှစ်အကုန်တွင်တည်ဆောက်မှု ၆၈ ရာခိုင်နှုန်း အထိ ပြီးစီးမည် ဖြစ်ကြောင်း သိ၇သည်။

ပြီးခဲ့သည့်ဇူလိုင်လ ၂၇ ရက်နေ့ က သံတွဲမြို့နယ်တွင် မိုးရေချိန်များပြီးချောင်းရေတိုးသောကြောင့် ရေလွှမ်းမိုးခဲ့ပြီး လူနေအိမ် ၄၆လုံးအပါအဝင် ပျက်စီးဆုံးရှုံးမှု များစွာရှိခဲ့သည်။