ကိုဗစ်ကမ္ဘာကပ်ရောဂါကို ထိန်းချုပ်ကာကွယ်ရန် ပြင်းထန်ဖြစ်နေသောတိုက်ပွဲများကို လျှော့ချရန် လိုအပ်ကြောင်း ညီနောင်မဟာမိတ်(၃) ဖွဲ့ထုတ်ပြန်

နိရဉ္စရာ ၊ စက်တင်ဘာ ၄/၂၀၂၁

ကိုဗစ်ကမ္ဘာကပ်ရောဂါကို မြန်မာနိုင်ငံတွင် ထိန်းချုပ်ကာကွယ်ရန် ပြင်းထန်ဖြစ်နေသောတိုက်ပွဲများကို လျှော့ချရန် လိုကြောင်း MNDAA, TNLA နှင့် ULA/AA တို့ပါဝင်သည့် ညီနောင်မဟာမိတ်(၃) ဖွဲ့မှ ယနေ့ထုတ်ပြန်သည့် သဘောထားထုတ်ပြန်ချက်တွင် ဖော်ပြသည်။

''COVID-19 ကမ္ဘာ့ကပ်ရောဂါ၏ တတိယလှိုင်း၌ ရော ဂါကူးစက်ခံရမှုနှုန်း၊ သေဆုံးမှုနှုန်းများကို အ ချိန်မီ ထိန်းချုပ်ကာကွယ်နိုင်ရန်၊ COVID-19 ကာ ကွယ်ဆေးထိုးသင့်သူများအားလုံး အချိန်မီ ထိုးနှံနိုင်ရန်၊ ကြိုတင်ကာကွယ် တားဆီးရေးလုပ်ငန်းများကို အိမ်နီးနားချင်းနိုင်ငံများ၊ ကမ္ဘာ့ကို ဗစ်ဆိုင်ရာ အဖွဲ့အစည်းများနှင့် ပူးပေါင်းဆောင်ရွက်နိုင်ရန် အရေးတကြီး လိုအပ်နေပါကြောင်း၊ ဤကဲ့သို့ ဆောင်ရွက်နိုင်အတွက် မြန်မာပြည်တနံတလျား၌ ဖြစ်ပွားနေသော ပြင်းထန်တိုက်ပွဲများကို လက်တွေ့ကျကျ လျော့ချနိုင်ရန် လိုအပ်ပါကြောင်း၊ ယခုထက်ပိုမိုသော စစ်ဘေးဒဏ်ကို ဆိုးဝါးစွာခံစားရမည့် အရေးကို ရှောင်လွှဲနိုင်ရန်အတွက် သက်ဆိုင်ရာတာဝန်ရှိ အစုအဖွဲ့များအားလုံး စဉ်စားအဖြေရှာ ဆောင်ရွက်သင့်ကြောင်း ထောက်ပြလိုပါသည်ဟု ဖော်ပြထားသည်။