ခရီးသွားများကိုဆွဲဆောင်မည့် ငပလီကမ်းခြေ ဆောင်းဦးပွဲတော် ၅ ရက်ကျင်းပရန် စီစဉ်
အေးမြတ်ခိုင်
နိရဥ္စရာ၊အောက်တိုဘာလ၂၈/၂၀၂၁
ခရီးသွားများကို ဆွဲဆောင်ရန် ရည်ရွယ်ချက်ဖြင့် ၇ခိုင်ပြည်နယ် သံတွဲမြို့နယ် ငပလီကမ်းခြေတွင်ဆောင်းဦးပွဲတော် ၅ ရက်တိုင်တိုင်ကျင်းပသွားမည် ဖြစ်ကြောင်းသတင်းရရှိသည်။
ယမန်နေ့ အောက်တိုဘာလ၂၇ ရက် မနက် ၁၀နာရီခန့်မှာသံတွဲခရိုင်အုပ်ချုပ်ရေးဌာန အစည်းဝေးခန်းမတွင် ပြုလုပ်သည့် အစည်းဝေးတွင် နိုဝင်ဘာလ ၁၅ ရက်နေ့မှ ၁၉ရက်နေ့အထိတန်ဆောင်တိုင်အပါအဝင် ဆောင်းဦးရာသီပွဲ ၅ ရက်ကျင်းပရန် ဆုံးဖြတ်ခဲ့ကြသည်ဟုငပလီမြို့မိမြို့ဖတစ်ဦးဖြစ်သည့်ဦးဖိုးရီအောင်က နိရဥ္စရာကိုပြောသည်။
"နိုဝင်ဘာလ၁၅ရက်နေ့ကနေ ၁၉ရက်နေ့အထိ တန်ဆောင်တိုင်အပါအဝင် ၅ ရက်ယာယီ သတ်မှတ်ထားပါတယ်။ ပြည်နယ်ကို ဆက်လက် တင်ပြထားပါတယ်။ ပြည်နယ်က ဘယ်လို သဘောထားပေးမယ်ဆိုတာတော့မသိဘူးပေါ့။ခရိုင်ဥက္ကဌကိုယ်တိုင်ကလည်း ဒီလိုသတ်မှတ်မယ်လို့ပြောပါတယ်ခင်ဗျ"ဟု ပြောသည်။
ယမန်နေ့က ပြုလုပ်သည့် အစည်းအဝေးကို ခရိုင်အဆင့်၊မြို့နယ်အဆင့်ဌာနဆိုင်ရာတာဝန်ရှိသူများ၊ဟိုတည်နှင့် ခရီးသွားလာရေးလုပ်ငန်းများမှ တာဝန်ရှိသူများအပါအဝင် ငပလီမြို့မှ ရပ်ကွက်အုပ်ချုပ်ရေးမှူးများနှင့်မြို့မိမြို့ဖများပါဝင်တက်ရောက်ခဲ့သည်ဟု သိ၇သည်။
ငပလီကမ်းခြေကို ဆောင်းရာသီကမ်းခြေဖွင့်ပွဲအနေနှင့်ခရီးသွားပိုမိုလာရောက်စေရန် ရည်ရွယ်သလို ၇ခိုင်ပြည်တွင်း တည်ငြိမ်ခြင်းနှင့် အေးချမ်းခြင်းကိုဖော်ဆောင်လိုသည့်အတွက်ယခုလို ကျင်းပ၇ခြင်း ဖြစ်ကြောင်း ဦးဖိုးရီအောင်ကဆက်ပြောသည်။
"ဆောင်းရာသီကမ်းခြေဖွင့်ပွဲပေါ့။နဂိုကတည်းကလည်းဖွင့်ပါတယ်။ ဒါပေမယ့်များများသိအောင်ဖွင့်တဲ့ သဘောပါ။ ပြီးတော့ တည်ငြိမ်ခြင်း၊အေးချမ်းခြင်းကိုဖော်ဆောင်ချင်တဲ့ တစ်ကဏ္ဍရှိတယ်။ ကျွန်တော်တို့ နိုင်ငံအထဲက ၇ခိုင်ပြည်နယ်ကျွန်တော်တို့ဒေသတွေဟာလည်းဒီလိုအေးချမ်းနေတယ်ဆိုတဲ့ ဟာလေးကိုလည်းပြချင်တာလည်းပါတယ်"ဟု ပြောသည်။
ကိုဗစ်ကာလအတွင်းခရီးသွားလုပ်ငန်းမလည်ပတ်၍ ဒေသခံများကျပ်တည်းမှုများရှိနေသည့်အတွက် ယခု ဆောင်းဦးပွဲတော်ကြောင့်ခရီးသွားများပြန်လည်ဝင်ရောက်လာလျှင် ဒေသခံပြည်သူများ အဆင်ပြေလာနိုင်သဖြင့် ၀မ်းသာကြောင်းငပလီမြို့ခံတစ်ဦးဖြစ်သည့် ကိုသက်ကပြောသည်။
"ဆောင်းရာသီပွဲတော် ကျင်းပတဲ့အပေါ်မူတည်ပြီးတော့ကျွန်တော်တို့ဒေသကိုခရီးသွားဧည့်သည်တွေ ပြန်ရောက်လာရင်စားသောက်ဆိုင်ပိုင်းတွေရော၊ ရေလုပ်ငန်းကထွက်တဲ့ပစ္စည်းတွေရော၊ အမှတ်တ၇ ပစ္စည်းထုတ်တဲ့လူတွေ၊ ပြီးတော့ဒေသခံတည်းခိုခန်းပိုင်ရှင်တွေကအစအဆင်ပြေမှာ ဖြစ်တဲ့ အတွက်ကြောင့်ဒေသတစ်ခုဖွံ့ဖြိုးဖို့အတွက် ဝမ်းလည်းဝမ်းသာတယ်"ဟုပြောသည်။
ငပလီကမ်းခြေသည်မြန်မာနိုင်ငံ၏အလှပဆုံးကမ်းခြေထဲတွင် တစ်ခုအပါအဝင်ဖြစ်သည်။ငပလီကမ်းခြေ၏သာယာလှပမှုကြောင့် မြန်မာနိုင်ငံမှာသာမက အာရှတွင်ပါ "အာရှရဲ့အပျိုစင်ကမ်းခြေ" အဖြစ် တင်စားခြင်းခံ၇သည့်ကမ္ဘာကျော်ကမ်းခြေတစ်ခုလည်းဖြစ်သည်။နှစ်စဥ် နိုင်ငံခြားသားများ အပါအဝင်ခရီးသွားဧည့်သည်အများအပြားလာရောက်လည်ပတ်လေ့ရှိသောကမ်းခြေတစ်ခုဖြစ်သည်။
လှူရန်