နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် နိုင်ငံတော် သမ္မတဦးဝင်းမြင့်တို့ကို ထောင်ဒဏ် ၄ နှစ်ချမှတ်

နိရဉ္စရာ၊ ဒီဇင်ဘာ ၆/ ၂၀၂၁ 

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့ကို တရားစွဲဆိုထားသည့် အမှုများအနက်မှ ရာဇသတ်ကြီး ဥပဒေ ပုဒ်မ ၅၀၅-ခ၊  သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေပုဒ်မ ၂၅ တို့ဖြင့်  ယနေ့တွင် နေပြည်တော် အထူးတရားရုံးက ထောင် ၄ နှစ် ချလိုက်ကြောင်း သတင်းရရှိသည်။

နိုင်ငံတော် အတိုင်ပင်ခံ၏ ခံပုဂ္ဂိုလ်ဒေါ်အောင်ဆန်းစုကြည်နှင့် သမ္မတ ဦးဝင်းမြင့်တို့ကို  နိုဝင်ဘာ ၃၀ ရက်နေ့က အပြီးသတ်အမိန့်ချရန်ချရန်စီစဥ်ထားသော်လည်း အမိန့်မချဖြစ်ဘဲ ဒီဇင်ဘာ ၆ ရက်နေ့ကို အမိန့်ချရန်ပြောင်းလဲခဲ့ခြင်း ဖြစ်သည်။

အဆိုပါအမှုတွင် တရားခံပြသက်သေ သီးခြားတင်သွင်းခဲ့ခြင်းမရှိဘဲ ဒေါ်အောင်ဆန်းစုကြည်ကိုယ်တိုင် ထွက်ဆိုခဲ့သောအမှုဖြစ်ကြောင်းသိရသည်။

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့ ရင်ဆိုင်နေရသည့်

အမှုများ အထဲက သဘာဝဘေးအန္တရာယ်ဆိုင်ရာစီမံခန့်ခွဲမှု ဥပဒေပုဒ်မ ၂၅ နဲ့စွဲဆိုခံထားရတဲ့အမှုနဲ့ ပုဒ်မ ၅၀၅(ခ)တို့အတွက် နေပြည်တော်အထူးတရားရုံးက အပြီးသတ်အမိန့်ချခဲ့ခြင်း ဖြစ်သည်။

ဒေါက်တာမျိုးအောင် ကိုလည်း ၅၀၅ (ခ) နဲ့ ၂နှစ် ချမှတ်လိုက်သည်ဟု သတင်းများတွင် ဖော်ပြသည်။

သမ္မတ ဦးဝင်းမြင့်နှင့်  နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကို အဂတိ လိုက်စားမှုဥပဒေနှင့်နေပြည်တော်၊ ဘုရားကုန်းရဲစခန်းမှာ အမှုထပ်ဖွင့်ထားသေးကြောင်း သိရသည်။

ဒေါ်အောင်ဆန်းစုကြည်ကို ပို့ကုန်သွင်းကုန်ဥပဒေပုဒ်မ ၈၊ ဆက်သွယ်ရေးဥပဒေပုဒ်မ ၆၇၊ ရာဇသတ်ကြီးဥပဒေပုဒ်မ ၅၀၅ (ခ)၊ သဘာဝဘေးအန္တရာယ်ဆိုင်ရာစီမံခန့်ခွဲရေးဥပဒေပုဒ်မ ၂၅ နဲ့ (၂) မှု၊ နိုင်ငံတော်လျှို့ဝှက်ချက် အက်ဥပဒေပုဒ်မ ၃-၁ (ဂ) ၊ အဂတိလိုက်စားမှုတိုက်ဖျက်ရေး ဥပဒေပုဒ်မ ၅၅ တွေအပါအဝင် အမှုပေါင်း ၁၂မှုနဲ့ တရားစွဲထားပြီး အမှုရင်ဆိုင်နေရခြင်း ဖြစ်သည်။

(  ဓာတ်ပုံ- ဘီဘီစီ-မြန်မာပိုင်း)