သဥ္ဇာနွယ်

နိရဥ္စရာ၊ ဇန်နဝါရီ ၂၇ / ၂၀၂၂

၇ခိုင်ပြည်နယ်၊ အမ်းမြို့မှ အမျိုးသမီးတစ်ဦးသည် ပြီးခဲ့သည့် ၂၀၂၀ ရွေးကောက်ပွဲအတွင်း မဲ (၂)ကြိမ်ထည့်ခဲ့သည်ဟုဆိုကာ တရားစွဲဆိုခံထားရသည်ဟု သတင်းရရှိသည်။

တရားစွဲဆိုခံရသည့် အမျိုးသမီးမှာ အမ်းမြို့၊ လေယာဉ်ကွင်းရပ်ကွက်မှဖြစ်ပြီး ၂၀၂၀ ရွေးကောက်ပွဲတွင် အမ်းမြို့နယ် ရွေးကောက်ပွဲကော်မရှင်အဖွဲ့ခွဲရုံး၌ မဲ ၂ ကြိမ်ပေးသည့်စွပ်စွဲချက်ဖြင့် တရားစွဲဆိုခံထားရခြင်းဖြစ်သည်ဟု အမှုကိုလိုက်ပါဆောင်ရွက်ပေးနေသည့် သဇင်ဥပဒေဆိုင်ရာအဖွဲ့အစည်းမှ ရှေ့နေ ကိုကျော်ဆန်းနိုင်က နိရဥ္စရာကို ပြောသည်။

“ဘယ်နေ့ကစပြီးစွဲတာလဲတော့ အတိအကျမသိဘူး။ နည်းနည်းတော့ကြာနေပြီ။ မဲ ၂ ခါပေးတယ်ဆိုပြီး တရားလိုဘက်က စွဲဆိုထားတာ”ဟုပြောသည်။

တရားစွဲခံထားရသူ၏အမည်နှင့် အသက်ကို ထုတ်ဖော်မပြောလိုဟုလည်း ရှေ့နေက ဆိုသည်။

အဆိုပါအမျိုးသမီးအား ရာဇသတ်ကြီးဥပဒေပုဒ်မ ၁၇၁(စ)ဖြင့် အမ်းမြို့နယ်ရွေးကောက်ပွဲကော်မရှင်ဦးစီးမှူး ဦးသူရိန်ထွန်းက တရားလိုလုပ်ကာ တရားစွဲဆိုထားခြင်းဖြစ်သည်ဟု ဆက်ပြောသည်။

၄င်းတို့ကို လာမည့်ဖေဖော်ဝါရီလ ၉ ရက်တွင် အမ်းမြို့နယ်တရားရုံး၌ ရုံးချိန်းခေါ်ယူထားပြီး ယင်းနေ့တွင် တရားလိုကို စစ်ဆေးသွားမည်ဟု သိ၇သည်။

ရာဇသတ်ကြီးပုဒ်မ ၁၇၁(စ)သည် ထောင်ဒဏ် (၁)နှစ်ဖြစ်စေ၊ ငွေဒဏ်တစ်ရပ်ရပ်ဖြစ်စေ ချမှတ်နိုင်သည်ဟုလည်း သိ၇သည်။

ပြီးခဲ့သည် ဇန်နဝါရီ ၁၁ ရက်နေ့ကလည်း ရန်ကုန်တိုင်းဒေသကြီး၊ ရွှေပြည်သာမြို့နယ်ရှိ ရပ်ကွက် (၈)တွင်နေထိုင်သည့် ၇ခိုင်အမျိုးသမီး ၃ ဦးသည်လည်း ပြီးခဲ့သည့်ရွေးကောက်ပွဲအတွင်း မဲ (၂)ကြိမ်ထည့်သည့် စွပ်စွဲချက်ဖြင့် တရားစွဲဆိုခံနေရသည်ဟု သိ၇သည်။

ဓာတ်ပုံ - ၂၀၂၀ ရွေးကောက်ပွဲအတွင်း မဲထည့်နေသည့် ရခိုင်သူတစ်ဦးအားတွေ့၇စဉ်။ Photo - သျှင်မင်းဇံ / နိရ ဉ္စရာ