နိရဥ္စရာ၊ ဖေဖော်ရီ ၁၉/ ၂၀၂၂

ရခိုင်ပြည်နယ်အတွင်း ကူးစက်မြန် မျိုးဗီဇပြောင်း အိုမီခရွန် ကိုဗစ်မျိုးကွဲသစ် စစ်ဆေးတွေ့ရှိခဲ့ပြီးနောက် စစ်တွေမြို့တွင် လူထုအနေဖြင့် ပုံမှန်သွားလာလှုပ်ရှားမှုများရှိနေကြသည်ကို တွေ့ရှိ၇သည်။

စစ်တွေတွင် ဖေဖော်ဝါရီ ၁၅ ရက်က လေယာဉ်စီးခရီးသည် ၁၀ ကျော်နှင့် စစ်တွေတက္ကသိုလ်ဝန်ထမ်း ၅၀ ကျော်တို့တွင် ကိုဗစ်ပိုးတွေ့ရှိခဲ့ပြီး ယင်းအထဲမှ ၉ ဦး၏ စစ်ဆေးချက်နမူနာကို အိုမီခရွန်ဟုတ်၊ မဟုတ် ရန်ကုန်သို့ပေးပို့စစ်ဆေးရာ ၉ ဦးလုံးတွင် အိုမီခရွန်ပိုးတွေ့ရှိခဲ့သည်ဟု ယမန်နေ့တွင် ပြည်နယ်ကောင်စီက ထုတ်ပြန်ခဲ့သည်။

ရခိုင်ပြည်နယ်ကောင်စီအနေဖြင့် မြို့တော် စစ်တွေတွင် ကိုဗစ်ကူးစက်မှုအခြေအနေများ ယခုထက်ပိုမိုဆိုးရွားလာပါက လူစုလူဝေးဖြစ်စေသည့်နေရာများကို အသွားအလာကန့်သန့်မှုများပြုလုပ်သွားမည်ဖြစ်ကြောင်း ပြောဆိုထားသည်။

မျိုးဗီဇပြောင်း အိုမီခရွန်ကိုဗစ်ပိုးမှာ ရောဂါပြင်းထန်မှုမရှိသော်လည်း ကူးစက်မှုလျင်မြန်သည့်အတွက် နှာခေါင်းစည်း Mask ကိုအပြင်ထွက်တိုင်း တပ်ကြရန်လိုကြောင်း ကျန်းမာရေးဝန်ကြီးဌာနက သတိပေးထားသည်။

ရခိုင်တွင် ယမန်နေ့အထိ ကိုဗစ်ပိုးတွေ့ရှိသူ ၅,၄၇၁ ဦးနှင့် သေဆုံးသူ ၅၀၁ ဦးရှိကြောင်း ပြည်နယ်ကိုဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ၏စာရင်းအရ သိ၇သည်။

ဓာတ်ပုံ - ထက်အောင် / နိရ ဉ္စရာ