ရမ်းဗြဲ ရခိုင်ရိုးရာရမ္မာ၀တီလှီပြိုင်ပွဲတွင် ရခိုင်တစ်ပြည်လုံးမှပါဝင်ယှဉ်ပြိုင်ရန်ဖိတ်ခေါ်ထား
ချစ်အိလှိုင်
နိရဥ္စရာ၊ဖေဖော်ဝါရီ ၂၅/ ၂၀၂၂
ရခိုင်ပြည်နယ်ရမ်းဗြဲမြို့တွင်ကျင်းပမည့် ရမ္မာ၀တီရခိုင်ရိုးရာလှီပြိုင်ပွဲတွင်၇ခိုင်တစ်ပြည်လုံးမှ ပါဝင်ယှဉ်ပြိုင်ရန် ဖိတ်ခေါ်ထားကြောင်းသတင်းရရှိသည်။
အဆိုပါပြိုင်ပွဲကိုလာမည့် မေလအတွင်းတွင် ရမ်းဗြဲမြို့ပေါ်ရှိ တန်းချောင်းထဲ၌ စည်ကားစွာ ကျင်းပမည်ဖြစ်ပြီး လက်ရှိတွင်ရခိုင်တစ်ဝှမ်းမှ စိတ်ပါဝင်စားသည့် ပြိုင်ပွဲဝင်အသင်းများကိုဖိတ်ခေါ်လျက်ရှိနေသည်ဟု သိ၇သည်။
ရမ်းဗြဲလှီပြိုင်ပွဲဖြစ်မြောက်ရေးကော်မတီမှ ကိုမျိုးမင်းထွန်းက “ကျောက်နီမော်ရော၊ မာန်အောင်ကရော၊စစ်တွေတွေကရောခေါ်ထားတယ်။ ရမ်းဗြဲနယ်ခံတွေကတော့ ကိုယ့်ရပ်ကွက်အလိုက်ထွက်မယ်”ဟုပြောသည်။
အဆိုပါပြိုင်ပွဲတွင်ချီးမြှင့်မည့်ဆုကြေးကိုမသတ်မှတ်ရသေးဘဲ လက်ရှိတွင် ရန်ပုံငွေရရှိရန် ကံစမ်းလက်မှတ်များကိုစတင်ရောင်းချနေပြီဟုလည်း ဆိုသည်။
“ကျွန်တော်တို့ကံစမ်းမဲလက်မှတ်တွေလည်းရောင်းနေကြပြီ။ ကံစမ်းမဲမှာ ကားတစ်စီးပါမယ်”ဟု သိ၇သည်။
အဆိုပါပြိုင်ပွဲတွင်ရမ်းဗြဲမြို့နယ် ကျောက်နီမော်ကျေးရွာရှိ လှိုင်းပုတ်သံပရဟိတအဖွဲ့မှရခိုင်လူငယ်များနှင့် မြောက်ပိုင်းပရဟိတအဖွဲ့မှ ကမန်လူငယ်များစုပေါင်း၍အသင်းတစ်သင်းအနေဖြင့် ပါဝင်ယှဉ်ပြိုင်သွားမည်ဟုလည်း သိ၇သည်။
လှိုင်းပုတ်သံပ၇ဟိတအဖွဲ့ဥက္ကဋ္ဌကိုမြသောင်းက “ကျွန်တော်တို့ကကျောက်နီမော်ဒေသဖြစ်တဲ့အတွက်ကြောင့်လူမူရေး၊ ဘာသာရေးမခွဲခြားဘဲ ကျောက်နီမော်ရမ်းဗြဲသားဆိုပြီးကိုယ်စားပြုပြီးကမန်တိုင်းရင်းသားလူငယ်တွေပါပါနိုင်အောင် လုပ်နေကြတယ်” ဟုပြောသည်။
အဆိုပါပြိုင်ပွဲကိုနှစ်စဉ်မေလအတွင်းတွင်ကျင်းပပြီး ရခိုင်ပြည်နယ်တဝှမ်းလုံးမှ လူ ထောင်နှင့်ချီ၍လာရောက်အားပေးတတ်သည့် အလွန်ထင်ရှားသည့် လှီ(လှေ)ပြိုင်ပွဲတစ်ခုဖြစ်သည်။
ယခင်နှစ်ကအသင်း ၁၉ သင်းဝင်ရောက်ယှဉ်ပြိုင်ခဲ့ကြပြီး ပထမဆု ကျပ် ၁၀ သိန်း၊ ဒုတိယဆု ၇သိန်းနှင့် တတိယဆု ကျပ် ၅ သိန်းချီးမြှင့်ပေးခဲ့သည်ဟု သိ၇သည်။
ဓာတ်ပုံ- ယခင်နှစ်က ပုံဟောင်း / Photo - facebook
လှူရန်