ပိုးဝါ

နိရဥ္စရာ၊ ဖေဖော်ဝါရီ ၂၇ / ၂၀၂၂

ရက္ခိုင်အမျိုးသားအဖွဲ့ချုပ် / ရက္ခိုင့်တပ်တော် (ULA/AA)၏ သတင်းစာရှင်းလင်းပွဲကို လာမည့်မတ်လ ၅ ရက်မှစတင်ကာ အွန်လိုင်းမှ လစဉ်ပြုလုပ်သွားမည်ဟု သိ၇သည်။

လာမည့် မတ်လ ၅ ရက်နေ့ (စနေနေ့) နံနက် ၁၀ နာရီတွင် ULA/AA ပထမဆုံးအကြိမ်သတင်းစာရှင်းလင်းပွဲကို စတင်ပြုလုပ်သွားမည်ဖြစ်ပြီး သတင်းစာရှင်းလင်းပွဲတွင် ရခိုင်ဘာသာစကားဖြင့်ပြောဆိုသွားမည်ဟု AA ပြောခွင့်ရ ဦးခိုင်သုခက သူ၏လူမှုကွန်ရက်စာမျက်နှာတွင် ယနေ့ ဖေဖော်ဝါရီ ၂၇ ရက်နေ့၌ ရေးသားထားသည်။

ယခုကဲ့သို့ သတင်းစာရှင်းလင်းပွဲများကို လစဉ်ပြုလုပ်သွားမည်ဖြစ်ပြီး သတင်းရယူလိုသည့် သတင်းထောက်များအနေဖြင့် သတင်းစာရှင်းလင်းပွဲသို့တက်ရောက်နိုင်ရန် https://forms.gle/9FkNHENUvZ9R1sMp9 မှတဆင့် စာရင်းသွင်းနိုင်ကြောင်း သိ၇သည်။

စာရင်းသွင်းထားသည့်သတင်းထောက်များကိုသာ သတင်းယူခွင့်ပြုမည်ဖြစ်ပြီး သတင်းစာရှင်းလင်းပွဲသို့တက်ရောက်နိုင်ရန် လိုအပ်သည့်အချက်အလက်များအား စာရင်းသွင်းထားသည့်သတင်းထောက်များထံ Email မှတဆင့် ပေးပို့သွားမည်ဟု ရေးသားဖော်ပြထားသည်။

သတင်းစာရှင်းလင်းပွဲတွင်မေးလိုသည့်မေးခွန်းများကို [email protected] သို့ အီးမေးလ်ပို့ပြီး မတ်လ ၁ ရက်နေ့ နောက်ဆုံးထား ပေးပို့မေးမြန်း၇မည်ဖြစ်ပြီး မေးခွန်းမေးသည့်အခါတွင်လည်း သတင်းထောက်တစ်ဦးလျှင် မေးခွန်း (၂) ခုခန့်သာ လက်ခံဖြေဆိုသွားမည်ဟု သိ၇သည်။