သဥ္ဇာနွယ်

နိရဥ္စရာ၊ မတ် ၁၅ / ၂၀၂၂

၇ခိုင်ပြည်နယ်တွင် ကုန်ဈေးနှုန်းများမြင့်တာလာခြင်းကြောင့် ၂ လအတွင်း ရွှေပေါင်နှံသူများနှင့် လာရောက်ရောင်းသူများလာ၍ ရွှေဆိုင်များတွင် ရွှေရောင်းချမှုသည် ယခင်နှစ်များကထက် ၅၀ ရာနှုန်း ကျဆင်းသွားသည်ဟု ရွှေဆိုင်ပိုင်ရှင်များက ပြောသည်။

စစ်တွေမြို့ ရွှေဆိုင်ပိုင်ရှင်တစ်ဦးက “အရင်နှစ်တွေက ဒီလိုသင်္ကြန်နီးရင် တအားရောင်းရတယ်။ အခုဆိုရင် အရင်နှစ်တွေကလောက် မရောင်းရဘူး။ တစ်ဝက်နီးပါးကို ကျသွားတယ်။ ဒါတွေက စီးပွားရေးအကျပ်အတည်းကြောင့်ဖြစ်မယ်ထင်တယ်”ဟု နိရဥ္စရာကို ပြောသည်။

ယခုနှစ်အတွင်း ကုန်ဈေးနှုန်းများ အဆမတန်မြင့်တက်ခြင်း၊ စီးပွားရေးကျပ်တည်းလာခြင်းနှင့် ငွေကျပ်တန်ဖိုးကျဆင်းလာခြင်းတို့ကြောင့် ရွှေဆိုင်များတွင် ရွှေပေါင်နှံသူများ များလာသလို ပေါင်နှံပြီးနောက် ပြန်မရွေးနိုင်သော အခြေအနေများသို့လည်း ရောက်ရှိနေသည်ဟု ပေါက်တောမြို့မှ ပွင့်လင်းရွှေဆိုင်ပိုင်ရှင် ဒေါ်ခင်သန်းနုက ပြောသည်။

“ကုန်ဈေးနှုန်းတွေ အရမ်းတက်တဲ့အခါကျတော့ လူတွေက စားဝတ်နေရေးအခက်ခဲဖြစ်ကြတယ်။ ဒါကြောင့် ရွှေတွေကို ဝယ်တာထက်စာရင် ပေါင်တာတွေများလာတယ်”ဟု ပြောသည်။

ယခုလအတွင်း တစ်နေ့လျှင် ကျပ်သိန်း ၇၀၀ ခန့်အထိ ရွှေများလာရောက်ပေါင်နှံသူများနှင့် ရောင်းချသူများ ရှိလာသည်ဟုလည်း အဆိုပါရွှေဆိုင်ပိုင်ရှင်များက ပြောသည်။

လက်ရှိတွင် ၁၆ ပဲရည် ရွှေတစ်ကျပ်သားကို ကာလပေါက်ဈေး ကျပ် ၁,၉၈၀,၀၀၀ ခန့်နှင့် ၁၅ ပဲရည် ရွှေတစ်ကျပ်သားကို ၁,၈၆၃,၅၀၀ အထိ အသီးသီးရှိနေကြောင်း သိ၇သည်။