Preview
မောင်တောတွင် လမ်းပြင်ရန် မြေတူးရာမှ စစ်လက်ကျန် ဗုံးသီးဟောင်း ၂ လုံးတွေ့ရှိ
ဧပြီ ၀၂/ ၂၀၂၂ | ကြည့်ရှုသူ :8343
သဥ္ဇာနွယ်
နိရဥ္စရာ ၊ ဧပြီ ၁ /၂၀၂၂
ရခိုင်ပြည်နယ်၊ မောင်တောမြို့တွင် လမ်းပြုပြင်ရန် မြေတူးဖော်ရာမှ စစ်ကျန်ဗုံးသီးဟုယူဆ၇သည့် ဗုံးသီးဟောင်း ၂ လုံးတွေ့ရှိခဲ့ကြောင်း သိ၇သည်။
အဆိုပါဗုံးသီးဟောင်း၂ လုံးကို မောင်တောမြို့၊ ၃ မိုင်ရပ်ကွက်ရှိ UNHCR ရုံးအနီးတွင် မတ်လ ၃၁ ရက်က လမ်းပြုပြင်ရန် ဆောင်ရွက်ရာမှ တွေ့ရှိခဲ့ခြင်းဖြစ်သည်ဟု ၄ မိုင်ရပ်ကွက်အုပ်ချုပ်ရေးမှူး ဦးရွှေမောင်က နိရဥ္စရာကိုပြောသည်။
"မနေ့က အဲ့သူတို့ရုံးနေရာမှာတွေ့တာ။ လမ်းပြင်ဖို့လုပ်တုန်း။ ဗုံးကတော့ နှစ်လုံး။ တော်တော်ကြာနေပြီ ဗုံးသီးတွေက"ဟု ပြောသည်။
စစ်လက်ကျန်ဗုံးသီးဟောင်း ၂ လုံးအနက် ၁ လုံးမှာ အလျား ၁ ပေ ၊ လုံးပတ် ၁ ပေ၊ အချင်း ၃ လက်မခန့်ရှိပြီး အခြား ၁ လုံးမှာ အလျား ၁၄ ပေ၊ လုံးပတ် ၁၁ လက်မခန့်ရှိသည်ဟု သိ၇သည်။
အဆိုပါ ဗုံးသီးဟောင်းများအား စစ်တပ်က သိမ်းဆည်းသွားကြောင်း သိ၇သည်။
ယင်းရပ်ကွက်တွင် ပြီးခဲ့သည့် ၂၀၂၁ ခုနှစ်၊ အောက်တိုဘာ ၂၈ ရက်ကလည်း ငါးကန်ပတ်လမ်းဖောက်လုပ်ရာမှ သေတ္တာများဖြင့်ထည့်ထားသည့် ဒုတိယကမ္ဘာစစ်လက်ကျန်ဟောင်း ဗုံးသီးဟောင်း အလုံး ၁၂၀ ကိုတွေ့ရှိခဲ့ကြောင်းသိ၇သည်။
လှူရန်ဆက်စပ် အကြောင်းအရာများ
တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်