နိရဉ္စရာ၊ ဧပြီ ၈/ ၂၀၂၂

ရှမ်းပြည်နယ်မှ သတင်းထောက် နှစ်ဦးအပါအဝင် လူငယ်အများအပြား ထောင်ချခံခဲ့၇ကြောင်း သတင်းရရှိသည်။

ရွှေဖီမြေ သတင်းအေဂျင်စီ (SPM) အမျိုးသမီး ရုပ်သံသတင်းထောက်ဟောင်း လွေးအမ်ဖောင် (၂၁ နှစ်)ကို ဧပြီ ၇ ရက် နံနက်ပိုင်းက ရာဇသတ်ကြီးဥပဒေ ပုဒ်မ ၅၀၅(က)ဖြင့် ထောင်ဒဏ် ၂ နှစ် ချမှတ်လိုက်ပြီး ရွှေတြိဂံသတင်းဌာနမှာ သတင်းရေးသားသူ  ရှမ်းပြည်နယ်တောင်ပိုင်း၊ တောင်ကြီးမြို့၊ ကျောင်းကြီးစုရပ်ကွက်မှာနေထိုင်သည့် သတင်းထောက် ဦးခိုင်မြင့်ထွန်း(ခ)ရွှေလင်းသစ်ကို စစ်ကောင်စီတရားရုံးက ဧပြီ၅ ရက်နေ့က ထောင်ဒဏ် ၁၀ နှစ် ချမှတ်လိုက်သည်ဟု  ဧပြီလ ၇ ရက်ကရွှေဖီမြေသတင်းတွင် ဖော်ပြသည်။

၎င်းတို့ အပြင် တရားစွဲခံထား၇သည့် တအာင်းကျောင်းသားနှင့် လူငယ်များအဖွဲ့ (TSYU)မှ ဝန်ထမ်း တစ်ဦးဖြစ်သူ မိုင်းအောင်သက်ဦးကိုလည်း အကြမ်းဖက်မှု တိုက်ဖျက်ရေး ဥပဒေ ပုဒ်မ ၅၂(က)နှင့် ထောင်ဒဏ် ၇ နှစ် ချမှတ် လိုက်သည်ဟု ဆိုသည်။

၎င်းအပြင် ရာဇသတ်ကြီး ဥပဒေပုဒ်မ - ၅၀၅ (က) နှင့်  တရားစွဲခံထား၇သည့် အမျိုးသမီးတစ်ဦးနှင့်  အမျိုးသား နှစ်ဦးလည်း ထောင်ဒဏ် နှစ်နှစ်စီ ချမှတ်ခံခဲ့သည်ဟု သိ၇သည်။

ဧပြီ ၄ ရက်နေ့ကလည်း ရှမ်းပြည်နယ်တောင်ပိုင်းအခြေစိုက် တောင်ရိုး အထောက်အကူပြုအဖွဲ့ဝင် ကိုအောင်ဆန်းနှင့် မယမင်းဖွေး၊ သဘာ၀ပတ်ဝန်းကျင်အရေး ဆောင်ရွက်သူ ကိုအောင်မြင့်ထွန်းနှင့်  လူငယ်တစ်ဦးကို PDF တပ်ဖွဲ့နှင့် ဆက်စပ်သည်ဆိုပြီး စစ်ကောင်စီ တောင်လေးလုံးအကျဉ်းထောင် တရားရုံးက နှစ်ရှည်ထောင်ဒဏ်များ ချမှတ်ခဲ့ကြောင်း RFA သတင်းတွင် ဖော်ပြသည်။

စစ်အာဏာသိမ်းပြီးနောက်ပိုင်း ရှမ်းပြည်နယ်တွင်  ဖမ်းဆီးထား၇သည့် သတင်းမီဒီယာသမား အမျိုးသား ၆ ယောက်နှင့်  အမျိုးသမီး ၄ ယောက်  စုစုပေါင်း ၁၀ ယောက်ရှိပြီး ၎င်းတို့ အထဲက ၆ ယောက်မှာ  ထောင်ဒဏ်အသီးသီးကျခံနေ၇ပြီး နောကထပ် ၄ ယောက်မှာ အမှုရင်ဆိုင်နေ၇ဆဲ ဖြစ်ကြောင်း သိ၇သည်။

(ဓာတ်ပုံ- ရွှေဖီမြေသတင်းထောက် လွေးအမ်ဖောင်နဲ့ တအာင်းကျောင်းသားနဲ့ လူငယ်အဖွဲ့ (TSYU) ဝန်ထမ်းဖြစ်သူ မိုင်းအောင်သက်ဦး တို့ကို တွေ့၇စဉ်/  ရွှေဖီမြေ)