နိရဉ္စရာ၊ မေ ၁၁/ ၂၀၂၂

၇ခိုင်အမျိုးသားပါတီ(ANP) ဗဟိုကော်မတီအစည်းအဝေးကို မေလ ၁၂ ရက်နေ့မှ ၁၃ ရက်အထိ ၂ ရက်တာ ဂွမြို့ရှိ ANP ပါတီရုံးတွင် ကျင်းပ သွားမည်ဟု သိ၇သည်။

လက်ရှိမြန်မာနိုင်ငံတွင်ဖြစ်ပေါ်နေသည့် နိုင်ငံရေးအခင်းအကျင်းများနှင့် ပတ်သက်၍လည်းကောင်း၊ UPDJC တွင် အမြဲတမ်းအဖွဲ့ဝင်အဖြစ် ပါဝင်နေသည့်ကိစ္စရပ်များနှင့်ပတ်သက်၍လည်းကောင်း ဆွေးနွေးသွားမည်ဟု အကြမ်းဖျင်းပြောဆို၍ရကြောင်း ပါတီဗဟိုကော်မတီဝင်လည်းဖြစ်၊ မူဝါရေးရာဦးဆောင်ကော်မတီဝင်လည်းဖြစ်သည့် ဦးထွန်းအောင်ကျော်က ပြောသည်။

"အခုဖြစ်နေတဲ့ နိုင်ငံရေးအခင်းအကျင်းများထဲမှာ ANP အနေနဲ့ ဘယ်လို ဆက်လက်ဆောင်ရွက်မလဲ။ ငြိမ်းချမ်းရေးဖော်ဆောင်ရေးအဖွဲ့ဖြစ်တဲ့ UPDJC မှာ ANP ပါဝင်နေတဲ့ကိစ္စနဲ့ပတ်သက်လို့ အဲဒါကို ဗဟိုကော်မတီ အစည်းအဝေးမှာ ထပ်ဆင့်လို့ အတည်ပြုနိုင်ဖို့အတွက် အစီအစဉ် ပါနိုင်တယ်"ဟု ပြောသည်။

ဗဟိုကော်မတီအစည်းအဝေးဖြစ်သည့်အတွက် ဗဟိုကော်မတီဝင်များ အားလုံးကို ဖိတ်ခေါ်ထားသည်ဟုလည်း ပြောသည်။

ပြီးခဲ့သည့် မတ်လ ၆ ရက်နေ့၌ကျင်းပခဲ့သည့် ဗဟိုကော်မတီအစည်းအဝေးတွင် မူဝါဒရေးရာ ဦးဆောင်ကော်မတီများ၊ ဗဟိုအလုပ်အမှုဆောင်ကော်မတီဝင်များ၊ ဗဟိုကော်မတီဝင်များက ပါတီနှင့်ကင်းကွာနေကြသည့် ပုဂ္ဂိုလ်အချို့ကို ပါတီ တာဝန်အား ဆက်လက်ထမ်းဆောင်လိုစိတ် ရှိ၊မရှိ မေးမြန်ကြရန် ဆုံးဖြတ်ခဲ့ကြသည်ဟု သိ၇သည်။

ယင်းသို့မေးမြန်းခဲ့သော်လည်း ပါတီနှင့်ကင်းကွာနေသူများက အကြောင်းပြန်ကြားမှုမရှိခဲ့ဟုလည်း သိ၇သည်။(NN -11)

ဓာတ်ပုံ - Thein Shwe Moe