Preview

ကျောက်တော် ၃၇၅ တပ်ရင်းအနီးမှ ပေါက်ကွဲသံတစ်ခုထွက်ပေါ် ၍ ဒေသခံများစိုးရိမ်

မေ ၁၂/ ၂၀၂၂ | ကြည့်ရှုသူ :2124
ရခိုင် သတင်း
နိရဉ္စရာ၊ မေ ၁၁/၂၀၂၂
ရခိုင်ပြည်နယ် ကျောက်တော်မြို့နယ် လမ်းမတော်ကျေးရွာအနီး အခြေစိုက်သည့် ၃၇၅ တပ်ရင်းအနီးမှ ပေါက်ကွဲသံတစ်ခုထွက်ပေါ်ခဲ့ကြောင်း ဒေသခံများ၏ပြောပြချက်အရ သိ၇သည်။
ယနေ့ မေလ ၁၁ ရက်နေ့ ညနေ ရ နာရီခန့်က ပေါက်ကွဲသံကျယ်လောင်စွာကြားခဲ့ရပြီး ပေါက်ကွဲမှုနှင့်ပတ်သက်၍ ဖြစ်စဉ်အတိအကျကိုမသိရသေးကြောင်း လမ်းမတော်ကျေးရွာအုပ်ချုပ်ရေးမှူး ဦးခင်မောင်ကြိုင်က နိရဉ္စရာကိုပြောသည်။
"အသံကမနည်းကျယ်တယ်။ ဘယ်ဘက်ကပေါက်တယ်ဆိုတာ အတိအကျတော့မသိရသေးဘူး။ ဘာပေါက်ကွဲတာလဲဆိုတာလဲ ဘာမှမကြား၇သေးဘူး"ဟု ပြောသည်။
လမ်းမတော်ကျေးရွာ ပတ်လည်တွင် စစ်တပ်တပ်ရင်းများတပ်စွဲထားပြီး ပေါက်ကွဲသံမှာ ၃၇၅ တပ်ရင်းတပ်စွဲထားသည့် တောင်တန်းနားကဟု ခန့်မှန်း၇ကြောင်း သူက ဆက်ပြောသည်။
"စစ်တပ်က ရွာအရှေ့ဘက်မှာ အားလုံးပြည့်နေတာ။ တပ်ရင်းဆိုတာ ရွာကိုပိတ်ပြီးရှိနေတာ။ ငါတို့ရွာ အနောက်ဘက် ၂ မိုင်လောက်မှာက အားလုံးတပ်ပဲ။ အဲ့ဘက် တောင်တန်းက ကြား၇တာပဲ"ဟု ပြောသည်။
ယခုကိစ္စနှင့်ပတ်သက်၍ ကျောက်တော်မြို့နယ်မှ ပြည်သူ့လွှတ်တော်ကိုယ်စားလှယ်ဟောင်း ဦးဦးထွန်းဝင်းကိုဆက်သွယ်ခဲ့သော်လည်း ခရီးလွန်နေ၍ မသိသေးဟု ပြောသည်။
လက်ရှိတွင် ပေါက်ကွဲသံကြောင့် ဒေသခံများအကြား စိုးရိမ်နေကြသည်ဟု သိ၇သည်။

#စစ်ရေး
မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။
နိရဉ္ဇရာလှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

နောက်ဆုံးရသတင်းများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်
© 2024 Narinjara News. All rights reserved.