Preview

UNHCR က မဟာမုနိစစ်ရှောင်စခန်းမှမီးဘေးဒုက္ခသည်များကိုကူညီ

မေ ၁၇/ ၂၀၂၂ | ကြည့်ရှုသူ :2055
ရခိုင် သတင်း
နိရဉ္စရာ၊ မေ ၁၃/၂၀၂၂
ကုလသမဂ္ဂဒုက္ခသည်များဆိုင်ရာမဟာမင်းကြီးရုံ (UNHCR) မှ ကျောက်တော် မြို့နယ် မဟာမုနိစစ်ဘေးရှောင်စခန်းမှ မီးဘေးဒုက္ခသည် ပြည်သူများကို ကူညီထောက်ပံ့ခဲ့ကြောင်း သိ၇သည်။
UNHCR ၏ ထုတ်ပြန်ချက်အရ မီးလောင်မှုဖြစ်ပွားပြီးပြီးချင်း၌ပင် UNHCR မြန်မာအနေဖြင့် အရေးပေါ် တုံ့ပြန်ကူညီဆောင်ရွက်ရေးလုပ်ငန်းများ လုပ်ဆောင်နိုင်ရေးအတွက် မိတ်ဖက် အဖွဲ့အစည်း အသီးသီးတို့နှင့် အနီးကပ် ပူးပေါင်းဆောင်ရွက်လျက်ရှိပြီး၊ မီးဘေးသင့်မိသားစုများအတွက် ဖျာများ၊ စောင်များ၊ မီးဖိုချောင်သုံးပစ္စည်းစုံများ၊ တစ်ကိုယ်ရည် သန့်ရှင်းရေး သုံးပစ္စည်းစုံများ၊ ဆိုလာမီးအိမ်နှင့် တာပေါ်လင်စများအစရှိသည့် အရေးပေါ် ကယ်ဆယ်ပစ္စည်းများအား ပံ့ပိုး ကူညီပေးအပ်ခဲ့ပါသည်ဟု ဖော်ပြသည်။
သို့သော်လည်း လှူဒါန်းသည့်ပစ္စည်းများ၏ တန်ဖိုးငွေကြေးပမာဏကို UNHCR က ထုတ်ပြန်ဖော်ပြထားခြင်းမရှိပေ။
ရခိုင်ပြည်နယ်၊ ကျောက်တော်မြို့နယ်ရှိ မဟာမုနိနေရပ်စွန့်ခွာ စစ်ဘေးရှောင် စခန်းတွင် မေလ ၉ ရက်နေ့ နံနက်ပိုင်း ညဉ့်အချိန်က မီးလောင်မှုဖြစ်ပွားခဲ့ရာ ခိုလှုံရာနေအိမ်အလုံး ၂၆၂ လုံး ပျက်စီးခဲ့ပြီး လူပေါင်း ၁၀၀၀ ကျော် အိုးမဲ့အိမ်မဲ့ဖြစ်ခဲ့၇သည်။ (NN-15)
(Photo by UNHCR)

#စစ်ဘေးရှောင်
မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။
နိရဉ္ဇရာလှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

နောက်ဆုံးရသတင်းများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်
© 2024 Narinjara News. All rights reserved.