နိရဉ္စရာ၊ ဇွန်၂၄/၂၀၂၂

၇ခိုင်ပြည်နယ်၊မြောက်ဦးမြို့မှ သုံးဘီးမောင်းသူတစ်ဦးကို စစ်တပ်က ဖမ်းဆီးခေါ်ဆောင်သွားပြီးနောက် ပျောက်ဆုံးနေကြောင်းသတင်းရရှိသည်။

၎င်းသူမှာ မြောက်ဦးမြို့ ကျောက်ရာဇ်ကေရပ်ကွက်မှကိုကျော်ဝင်းလှိုင် (၃၂ နှစ်)ဖြစ်ပြီး ဇွန် ၂၂ ရက်နေ့ကတည်းကဖမ်းဆီးခံ၇ပြီး ပျောက်ဆုံးနေသည်ဟု ဇနီးဖြစ်သူမလှလှမြင့်က ပြောသည်။

"သူကိုကားပေါ်မှာတင်ပြီး သုံးဘီးလေးပေါ်မှာ စစ်သားတချို့ ထိုင်လိုက်ပြီးတော့ တပ်ရင်း ၅၄၀ တပ်ထဲဝင်သွားတာမြင်လိုက်သူတွေရှိတယ်။ ဒါနဲ့ ကျမတို့လည်း အဲဒီမှာ သွားစုံစမ်းပေမဲ့ စစ်သားတွေက မရှိဘူးလို့ပဲဖြေတယ်"ဟုပြောသည်။

ကိုကျော်ဝင်းလှိုင်သည်  ဇွန်လ ၂၂ ရက် နံနက် ရ နာရီကျော် အချိန်တွင် တုတ်တုတ်(ခေါ်)အိန္ဒိယ သုံးဘီးမောင်းပြီး အိမ်မှထွက်သွားစဥ် မြောက်ဦးမြို့ နာရေးကူညီမှုရုံးအနီးရှိ စစ်ဆေးရေးဂိတ် အရောက်၌ ဖမ်းဆီးခေါ်ဆောင်ခံ၇ခြင်းဖြစ်ကြောင်း မလှလှမြင့်က ဆက်လက် ပြောသည်။

ကိုကျော်ဝင်းလှိုင်သည်၂၀၁၅ ခုနှစ်ခန့်တွင် အစာအိမ်အူတက်ကြောင့် ဗိုက်ခွဲထားရသူဖြစ်ပြီး လက်ရှိအချိန်အထိအစာအများစားမိပါက ဗိုက်အောင့်တတ်သဖြင့် သူ့ကျန်းမာရေးစိုးရိမ်နေရသည်ဟု သိ၇သည်။

သူနှင့်ဆက်သွယ်ရရှိရန် မိသားစုများက လက်ရှိအချိန်အထိ ကြိုးစားနေသော်လည်း အဆက်အသွယ်မ၇ဘဲ ပျောက်ဆုံးနေသည့် အတွက်  စိုးရိမ်နေမိသည်ဟု မလှလှမြင့်က ဆက်ပြောသည်။

"ကျမတို့ကသုံးဘီးလေးမောင်းပြီး ရိုးရိုးသားသားလုပ်စားနေကြတာပါ။ ယောကျာ်းတစ်ယောက်မရှိရင်သားသမီးရှေ့ရေးအတွက်၊ ပညာရေးအတွက် အားလုံး နစ်နာဆုံးရှုံးတယ်။ ဒါကြောင့်အမြန်ဆုံးလွှတ်ပေးစေချင်ပါတယ်။ ရိုက်ပုတ်ပြီး စစ်ဆေးမှာကိုလည်း စိုးရိမ်ပါတယ်"ဟုဆိုသည်။

ကိုကျော်ဝင်းလှိုင်တွင်ဇနီးနှင့်အတူ ယခုနှစ်မှကျောင်းစထား၇သည့် ၅ နှစ်အရွယ် သမီးလေး ၁ ဦးရှိသည်ဟု သိ၇သည်။

မြောက်ဦးတွင်ဇွန်လ ၂၁ ရက် ည ၈ နာရီခန့်က စ၇ဖ ၃ ဦးကို AA က ဖမ်းဆီးသွားပြီးနောက် ယင်းနေ့ညနှင့်ဇွန်လ ၂၂ ရက်တို့တွင် စစ်ကောင်စီတပ်ဖွဲ့ဝင်များက မြောက်ဦးမြို့အတွင်းအဖမ်းအဆီးအစစ်အဆေးတင်းကျပ်ခဲ့သည်ဟု မြို့ခံများက ပြောသည်။

(NN-2)