နိရဥ္စရာ၊ ဇွန် ၂၈/၂၀၂၂

ရခိုင့်ပင်လယ်ပြင်သို့ တရုတ်အာကာသယာဉ်အစိတ်အပိုင်းများ ယမန်နေ့ညက ကျရောက်ခဲ့သည်ဟု သိ၇သည်။

တရုတ်အာကာသယာဉ်အစိတ်အပိုင်းအချို့သည် ယမန်နေ့ ဇွန် ၂၇ ရက်နေ့ ည ၁၀ နာရီခွဲခန့်တွင် ရခိုင်ပြည်နယ် သံတွဲမြို့နယ်၊ နံ့သာကျွန်း၏ အနောက်တောင်ဘက် ရေမိုင် ၄၃ မိုင်ခန့်အကွာရှိ ပင်လယ်ပြင် အတွင်းသို့ ကျရောက်ခဲ့ခြင်းဖြစ်သည်ဟု သိ၇သည်။

အဆိုပါအစိတ်အပိုင်းသည် မီးလောင်ကျွမ်းကာ ပြုတ်ကျလာခြင်းဖြစ်ပြီး ပင်လယ်ပြင်အတွင်း တစ်စုံတစ်ရာ ထိခိုက်ပျက်စီးမှုမရှိခဲ့ကြောင်း ပြည်နယ်အစိုးရထုတ်ပြန်ချက်အရ သိ၇သည်။

တရုတ်အာကာသယာဉ်အပိုင်းအစများသည် ရခိုင့်ပင်လယ်ပြင်သို့ ဧပြီလ ရ ရက်အတွင်းတစ်ကြိမ်၊ ဖေဖော်ဝါရီ ၂၆ ရက်မှ မတ်လ ၂ ရက်အတွင်း တစ်ကြိမ်၊ ဇန်နဝါရီလအတွင်းတစ်ကြိမ်၊ ပြီးခဲ့သည့် ၂၀၂၁ ခုနှစ် ဒီဇင်ဘာလတွင် တစ်ကြိမ်၊ နိုဝင်ဘာလတွင် တစ်ကြိမ်နှင့် ၂၀၂၀ ပြည့်နှစ်၊ ဒီဇင်ဘာလတွင် တစ်ကြိမ် ကျရောက်ခဲ့ဖူးကြောင်း သိ၇သည်။

ယခုကဲ့သို့ တရုတ်အာကာသယာဉ်အပိုင်းအစများသည့် ရခိုင့်ပင်လယ်ပြင်သို့မကြာမကြာကျရောက်နေရခြင်းမှာ ဒေသခံရေလုပ်သားများအတွက်လည်း အန္တရာယ်ရှိသလို မြန်မာနိုင်ငံသည် တရုတ်နိုင်ငံ၏လက်အောက်မှ မလွတ်နိုင်ဆိုသည်ကို ပြသရာရောက်သည်ဟု မြင်မိကြောင်း မာန်အောင်မြို့နယ် ပြည်သူ့လွှတ်တော်ကိုယ်စားလှယ်ဟောင်း ဦးကျော်သန်းက သုံးသပ်ပြောဆိုထားသည်။