Preview
ရွှေပြည်တန်အမြန်ရေယာဉ်ခရီးစဉ်များ ဇူလိုင် ၂ရက်နေ့မှစတင်ပြီး ပြန်လည်ပြေးဆွဲမည်
ဇူလိုင် ၀၁/ ၂၀၂၂ | ကြည့်ရှုသူ :6246
နိရဉ္စရာ၊ ဇွန် ၃၀/ ၂၀၂၂
ရခိုင်ပြည်နယ်အတွင်း ပြေးဆွဲနေသည့် ရွှေပြည်တန်အမြန်ရေယာဉ် ခရီးစဉ်များကို လာမည့် ဇူလိုင် ၂ ရက်နေ့ကစတင်ပြီး ပြန်လည်ပြေးဆွဲမည်ဟု သတင်းရရှိသည်။
၎င်းရေယာဉ်လိုင်း၏ ထုတ်ပြန်ချက်အ၇ လာမည့် စနေနေ့ (ဇူလိုင် ၂ ) ရက်နေ့မှ စတင်ပြီး မြို့တော် စစ်တွေကို ဗဟိုပြုပြီး နယ်မြို့များသို့ ပြေးဆွဲနေသည့် ရေယာဉ် ခရီးစဉ်များကို ပြန်လည်ပြေးဆွဲတော့မည်ဟု ဆိုသည်။
ရခိုင်ပြည်နယ်၏ မြို့တော် စစ်တွေမှ နယ်မြို့များသို့ ရွှေပြည်တန်အပါအဝင် အမြန်ရေယာဉ်များ ပြေးဆွဲခွင့်ကို ဇွန် ၂၄ ရက်နေ့ နံနက်ကစစ်ကောင်စီမှ တားမြစ်ခဲ့သည်။
ထိုသို့တားမြစ်သဖြင့် ရွှေပြည်တန် အမြန်ရေယာဉ်၏ စစ်တွေမှ ပေါက်တော - မင်းပြား၊ စစ်တွေ-မြောက်ဦး၊ စစ်တွေ- ၇သေ့တောင်- ဘူးသီးတောင် ၊ စစ်တွေ-ကျောက်ဖြူ-ရမ်းဗြဲ- တောင်ကုတ် ခရီးစဉ်များကို ရပ်နား လိုက်ရသည်ဟု သိ၇သည်။
ဇွန်လ ၂၃ ရက်နေ့ စစ်တွေမြို့က စစ်ကောင်စီတပ်က ဗိုလ်ကြီး အဆင့်ရှိသူ အရာရှိ တစ်ဦးနှင့် စစ်သားတစ်ဦးတို့ကို ရက္ခိုင့်တပ်တော် (AA) က ဖမ်းဆီးပြီးနောက် စစ်ကောင်စီတပ်ဖွဲ့က စစ်တွေမြို့ကို ပိတ်ဆို့ခဲ့ပြီး ရေကြောင်း ခရီးစဉ်များသွားလာခွင့်ကို ပိတ်ပစ်ခဲ့သည်။
ထိုသို့ပိတ်ပင်တားမြစ်ခဲ့သဖြင့် ခရီးသွားပြည်သူရာနှင့်ချီပြီး စစ်တွေမြို့တွင် သောင်တင်ကာ အခက်အခဲဖြစ်ခဲ့ကြရသည်ဟု သိ၇သည်။
လှူရန်ဆက်စပ် အကြောင်းအရာများ
တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်