၂၀၂၂ ခုနှစ် တက္ကသိုလ်ဝင်စာမေးပွဲအမှတ်အများဆုံးဖြင့်အောင်မြင်ခဲ့သည့် ကျောင်းသားကျောင်းသူ ၃၃ ဦးကို ထိုင်းနှင့် စင်ကာပူနိုင်ငံသို့ လေ့လာရေး ခရီးပို့ဆောင်ရာတွင် ၇ခိုင်မှ ကျောင်းသူ ၂ ဦးပါဝင်

Preview

၂၀၂၂ ခုနှစ် တက္ကသိုလ်ဝင်စာမေးပွဲအမှတ်အများဆုံးဖြင့်အောင်မြင်ခဲ့သည့် ကျောင်းသားကျောင်းသူ ၃၃ ဦးကို ထိုင်းနှင့် စင်ကာပူနိုင်ငံသို့ လေ့လာရေး ခရီးပို့ဆောင်ရာတွင် ၇ခိုင်မှ ကျောင်းသူ ၂ ဦးပါဝင်

ဇူလိုင် ၁၀/ ၂၀၂၂ | ကြည့်ရှုသူ :6868

နိရဥ္စရာဇူလိုင် ၁၀၊ ၂၀၂၂

၂၀၂၂ခုနှစ် တက္ကသိုလ်ဝင်စာမေးပွဲတွင် အမှတ်အများဆုံးဖြင့် အောင်မြင်ခဲ့သည့် ကျောင်းသားကျောင်းသူ ၃၃ ဦးကို ထိုင်းနှင့် စင်ကာပူနိုင်ငံသို့ လေ့လာရေး ခရီးပို့ဆောင်ရာတွင် ၇ခိုင်မှ ကျောင်းသူ ၂ ဦးပါဝင် ကြောင်း သတင်းရရှိသည်။

ဇူလိုင်၄ ရက်မှ ၈ ရက်အထိ ထိုင်းနိုင်ငံနှင့်စင်္ကာပူနိုင်ငံတို့သို့ လေ့လာရေးခရီးပို့ဆောင်ခဲ့ခြင်းဖြစ်သည်ဟု သိ၇သည်။

၇ခိုင်ပြည်မှကျောင်းသူ ၂ဦးသည် ၂၀၂၂ခုနှစ် တက္ကသိုလ်ဝင်တန်းစာမေးပွဲတွင် ၇ခိုင်ပြည်၌

အမှတ်အများဆုံးဖြင့်အောင်မြင်ခဲ့ပြီး၊မြန်မာတစ်နိုင်ငံမှာလည်း Top Ten အမှတ်အများဆုံး ၁၀ ဦးထဲတွင်ပါဝင်ခဲ့သည်ဟု သိ၇သည်။

၎င်းတို့မှာ မြောက်ဦးမြို့နယ် တိမ်ညိုတောင်ပိုင်းကဦးထွန်းမြ နှင့် ဒေါ်ခင်သန်းမူတို့၏ သမီး မနှင်းယုဝေနှင့် ရမ်းဗြဲမြို့နယ်ကဦးအောင်ထွန်းနှင့် ဒေါ်စောမြတ်မွန်တို့၏သမီး မသင်း၇ဒီထွန်းတို့ ဖြစ်ကြသည်။

မနှင်းယုဝေသည် မြောက်ဦးအထက (၁)ကျောင်းမှ (၅)ဘာသာဂုဏ်ထူးရှင်ဖြစ်ပြီး မြန်မာ ၊ သင်္ချာ၊ ဓါတုဗေဒ ၊ရူပဗေဒ ၊ ဘောဂဗေဒ ၊ ( ဝိပ္ပံဘာသာ)တွဲ အမှတ်၅၁၀ မှတ်၇ပြီး၊ မြန်မာနိုင်ငံအဆင့် ၆ ဖြစ်ပြီး ၇ခိုင်ပြည်က အမှတ်အများဆုံး ပထမရရှိခဲ့သည်ဟုသိ၇သည်။

မသင်း၇ဒီထွန်းသည် စစ်တွေမြို့ ရွှေပျိုးခင်းကိုယ်ပိုင် အထက်တန်းကျောင်းမှ သင်္ချာ၊ ဓါတုဗေဒ၊ ရူပဗေဒ၊ ဘောဂဗေဒ (ဝိပ္ပံဘာသာ)တွဲ လေးဘာသာ ဂုဏ်ထူး အမှတ် ၅၀၈ မှတ် မြန်မာနိုင်ငံ အဆင့် ရဖြစ်ပြီး၊ ၇ခိုင်ပြည်မှ ဒုတိယ အမှတ်အများဆုံး ရရှိခဲ့သူဖြစ်သည်ဟုသိ၇သည်။

ထိုကျောင်းသူနှစ်ဦးသည် ဇူလိုင်လ၄ရက်နေ့က ရန်ကုန်ကနေထိုင်းကိုစထွက်ပြီးထိုင်းတွင် ၂ ရက် လေ့လာခဲ့ပြီး ဇူလိုင်လ ၆ ရက်နေ့ စင်္ကာပူကို ထပ်မံ ထွက်ခွာကာ စင်္ကာပူခရီး ၂၇က် လေ့လာခဲ့ပြီး ဇူလိုင်လ ၈ရက်နေ့တွင် ရန်ကုန်ကို ပြန်ရောက်လာခဲ့သည်ဟု ၅ဘာသာဂုဏ်ရှင်မနှင်းယုဝေက နိရဉ္စရာသတင်းဌာနကို ပြောသည်။

" သမီးငယ်ငယ်တုန်းကနေ နိုင်ငံခြားကိုထွက်ချင်တဲ့အိပ်မက်တွေရှိခဲ့ဖူးပါတယ်။ အခုကအမှန်တကယ် သွား၇တော့ အရမ်းဝမ်းသာပါတယ်။နိုင်ငံခြားကတိုးတက်မှုတွေကိုလည်း အများကြီး လေ့လာခွင့်၇တဲ့ အတွက် ပီတိလည်းဖြစ်ပြီးတော အတွေ့အကြုံတွေလည်း အများကြီး၇လာပါတယ်"ဟုပြောသည်။

၎င်းလေ့လာရေးခရီးစဉ်သည် စစ်ကောင်စီဥက္ကဋ္ဌ၏လမ်းညွှန်ချက်အ၇၂၀၂၂ ခုနှစ် တက္ကသိုလ်ဝင်စာမေးပွဲတွင်ဝိဇ္ဇာဘာသာတွဲ၊သိပ္ပံဘာသာတွဲ၊ ဝိပ္ပံဘာသာတွဲများတွင်မြန်မာတစ်နိုင်ငံလုံး၌ အမှတ်အများဆုံး အဆင့် ၁ မှ အဆင့် ၁၀ အတွင်းထူးချွန်စွာအောင်မြင်ခဲ့ကြသည့် ကျောင်းသား ကျောင်းသူ၃၃ ဦးအား ချီးမြှင့်ဂုဏ်ပြုသည့်အနေဖြင့် ပို့ဆောင်ခဲ့ခြင်း ဖြစ်သည်ဟု သိ၇သည်။( NN-13)

#ပညာရေး

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ဆက်စပ် အကြောင်းအရာများ

နောက်ဆုံးရသတင်းများ