ပုဏ္ဏားကျွန်း-ရသေ့တောင်ကားလမ်းကို ရက်ပေါင်းနှစ်ဆယ်ကျော်ကြာသည်အထိ ပိတ်ထား၍ ဒေသခံကားသမားများ စားဝတ်နေရေးအခက်အခဲနှင့်ကြုံနေရ
နိရဉ္စရာ၊ ဇူလိုင် ၁၃/၂၀၂၂
ရခိုင်ပြည်နယ်၊၇သေ့တောင်မြို့မှ ပုဏ္ဏားကျွန်းမြို့ကို ဆက်သွယ်ထားသည့် ကားလမ်းကို စစ်ကောင်စီက ရက်ပေါင်းနှစ်ဆယ်ကျော်ကြာသည်အထိပြန်မဖွင့်ဘဲ ပိတ်ထားသဖြင့် ဒေသခံကားသမားများမှာ စားဝတ်နေရေးအခက်အခဲနှင့် ကြုံနေ၇ကြောင်းပုဏ္ဏားကျွန်း-၇သေ့တောင်ကားလမ်းကို ယာဉ်လိုင်းပြေးဆွဲနေသည့်ကားသမားများကပြောသည်။
ပြီးခဲ့သည့်ဇွန်လ ၁၆ ရက်က ပုဏ္ဏားကျွန်းမြို့မှ စစ်ကောင်စီတပ်သားတစ်ဦးကို ရက္ခိုင့်တပ်တော်(AA)က ဖမ်းဆီးခဲ့ပြီးသည့်နောက်ယင်းလမ်းကို ယနေ့ ဇူလိုင်လ ၁၃ ရက်အထိ စစ်ကောင်စီဘက်မှ ပိတ်ပင်ထားခဲ့ခြင်းဖြစ်ကြောင်းဒေသခံများက ပြောသည်။
လက်ရှိတွင်အဆိုပါကားလမ်းကိုပိတ်ထားသည်မှာ တစ်လနီးပါးခန့်ပင်ကြာမြင့်နေပြီဖြစ်၍ ကားလမ်းကို အမှီပြု၍ လုပ်ကိုင်စားသောက်နေကြသည့် ဒေသခံကားသမားများမှအလုပ်ပျက်၊ အကိုင်ပျက်ဖြစ်နေ၍ စားဝတ်နေရေး အခက်အခဲ ဖြစ်နေကြောင်း၇သေ့တောင်မြို့မှ ကားသမားတစ်ဦးကပြောသည်။
"အားလုံးအလုပ်ပျက်အကိုင်ပျက်ဖြစ်နေတယ်။တချို့လူတွေဆိုရင်လည်း စားဝတ်နေရေး အဆင်မပြေဘူး။ကားကမထွက်ရတော့ အလုပ်လည်းဘာမှ မလုပ်၇ဘူး" ဟုပြောသည်။
အဆိုပါကားလမ်းပိတ်ထားသည်မှာရက်ပေါင်းနှစ်ဆယ်ကျော်ကြာမြင့်ပြီဖြစ်ကာ ယာဉ်လိုင်းများလည်း ပြေးမဆွဲရသဖြင့် အကြွေးဖြင့်ကားဝယ်ထားသည့်ငွေများကိုပင် ဆပ်နိုင်ရန်အခက်အခဲရှိနေကြောင်း ကားသမားတစ်ဦးကပြောသည်။
"အလုပ်ကမလုပ်ရတော့ဝင်ငွေလည်းမရှိဘူးလေ။ ဝင်ငွေမရှိတော့ လိုင်းဆွဲဖို့အကြွေးနဲ့ဝယ်ထားတဲ့ ကားအကြွေးကိုလည်းမဆပ်နိုင်ဘူး။ တစ်ဘက်မှာကလည်း မိသားစုစားဝတ်နေရေးက အခက်အခဲရှိသေးတယ်။ တော်တော်အခက်အခဲဖြစ်နေ၇ပါတယ်"ဟုပြောသည်။
အဆိုပါကားလမ်းပိတ်ထားသည့်အတွက်၇သေ့တောင်- ရေချမ်းပြင်(စစ်တွေ) ရေကြောင်းလမ်းကိုသာ အသုံးပြုနေ၇သည့် အတွက် ကုန်စည် စီးဆင်းမှုပုံမှန်ရှိသော်လည်းအဆင့်ဆင့်သယ်ယူရသဖြင့် သယ်ယူပို့ဆောင်ရေးစရိတ်ခအပိုကုန်ကျသဖြင့် ကုန်ဈေးနှုန်းများမှာလည်းမြင့်တက်လျက်ရှိကြောင်း ဒေသခံများကပြောသည်။
ထို့အပြင်ယခုရာသီသည် မိုးရာသီဖြစ်သဖြင့် လိုင်းလေထန်ကာ ရေကြောင်းနဲ့ခရီးသွားရာတွင် အန္တရာယ်များ၍အဆိုပါကားလမ်းပြန်ဖွင့်နိုင်ရန် မျှော်လင့်နေကြကြောင်း ဒေသခံများကပြောသည်။
ထို့အပြင်အဆိုပါလမ်းပိတ်ထားသဖြင့် ၇သေ့တောင်မြို့တွင် အောက်တိန်းဆီတစ်လီတာကို ကျပ် ၃၀၀၀ ကျော်ဝန်းကျင်ဖြင့်ဝယ်ယူသုံးစွဲနေ၇ကြောင်း ဒေသခံများက ပြောသည်။
ပုဏ္ဏားကျွန်းတွင်ဇွန်လ ၁၆ ရက်က စစ်ကောင်စီတပ်ဖွဲ့ ၁ ဦးနှင့် စစ်တွေတွင် ဇွန်လ ၂၃ ရက်က စစ်ကောင်စီအရာရှိ၁ ဦးနှင့် တပ်သား ၁ ဦးတို့ကို AA ကဖမ်းဆီးသွားပြီးနောက် ယခုကဲ့သို့ ပုဏ္ဏားကျွန်းနှင့် စစ်တွေတွင် ကားလမ်းနှင့် ရေလမ်းကြောင်းတို့ကိုပိတ်ပင်ခဲ့သည်ဟု ဒေသခံများက ပြောသည်။
စစ်တွေမြို့မှအခြားမြို့နယ်များသို့ပြေးဆွဲသည့် ရေယာဉ်လိုင်း အသီးသီးကိုလည်း ဇွန်လ ၂၄ ရက်မှစတင်ကာ၈ ရက်ကြာရပ်နားခိုင်းခဲ့ပြီး ပြီးခဲ့သည့် ဇူလိုင်လ ၁ ရက်နေ့ကမှ ပြန်လည်ပြေးဆွဲခွင့်ပေးခဲ့သည်။(NN-8)
လှူရန်