နိရ ဉ္စရာ၊ ဇူလိုင် ၁၉/၂၀၂၂

ရခိုင်ပြည်နယ်၊ မောင်တောမြို့နယ် ဥဒေါင်းကျေးရွာတွင် ကဏန်းဗုံးထောင်ရန်သွားသည့် အမျိုးသမီးတစ်ဦးသည် မိုးကြိုးပစ်ခံရပြီး သေဆုံးသွားကြောင်း သိ၇သည်။

မိုးကြိုးပစ်ခံ၇ပြီး သေဆုံးသွားသူမှာ အသက် ၄၉ နှစ်အရွယ် ဥဒေါင်းကျေးရွာနေ ဒေါ်နုစန္ဒာဖြစ်သည်။

သူမသည် ယနေ့ ဇူလိုင်လ ၁၉ ရက် နံနက် ရ နာရီခန့်က ရွာအနီးရှိ အလယ်သံကျော်ချောင်းသို့ သမီးဖြစ်သူအပါအဝင်အခြားအမျိုးသမီးများနှင့်

ကဏန်းဗုံးထောင်ရန်သွားရောက်စဉ် နံနက် ၈ နာရီခွဲခန့်တွင် မိုးကြိုးပစ်ခံလိုက်ရခြင်းဖြစ်ကြောင်း ဥဒေါင်းကျေးရွာအုပ်ချုပ်ရေးမှူးဦးမောင်ကျန်က ပြောသည်။

"အဲဒီအချိန်မိုးကလည်း အများကြီးတော့ မရွာဘူးလို့ပြောတယ်။ မိုးဖြောက်ဖြောက်ပဲကျနေတာ။ လျှပ်ပြတာလည်း မမြင်လိုက်ရဘူးတဲ့။ မိုးကြိုးပစ်တဲ့အသံကို သူ့သမီးက ကြားလိုက်၇တော့ ကြည့်လိုက်တဲ့အခါအမေက လဲနေပြီ" ဟုပြောသည်။

သေဆုံးသူတွင် အမျိုးသားဖြစ်သူနှင့် သားသမီး ၄ ဦးတို့လည်း ကျန်ရစ်ခဲ့ကြောင်း သိ၇သည်။

၎င်းအား လက်ရှိတွင် မောင်တောဆေးရုံကြီးသို့ ပို့ဆောင်ထားကြောင်း သိ၇သည်။ (NN-8)

(Narinjara သတင်းနှင့် ရုပ်သံများကို အောက်ပါလင့်များတွင် ဝင်ရောက်ဖတ်ရှုနိုင်ပါသည်။)

အင်္ဂလိပ်သတင်း - www.narinjara.com

မြန်မာသတင်း - https://burmese.narinjara.com/

သတင်းဖေ့စ်ဘုတ်ပေ့ချ် - https://www.facebook.com/narinjara.info/

ရုပ်သံသတင်း - https://www.facebook.com/Narinjara-TV-News-100125495251215/

ရေဒီယိုသတင်း - https://www.facebook.com/Narinjara-Radio-107181441819656