သောကြာ၊ မတ်လ ၂၉ရက်၊ ၂၀၂၄

ခရီးသည်တင်စက်လှေဖြင့်ယူဆောင်လာသည့်စစ်တပ်ပိုင်ရိက္ခာနှင့် စစ်သုံးပစ္စည်းများအား AA သိမ်းဆည်း


  • ရေးသူ: Web Master
  • | ရက်စွဲ: ၂၄ ဇူလိုင် ၂၀၂၂
  • | ကြည့်ရှုသူ: 10.1k

နိရဉ္စရာ၊ ဇူလိုင် ၂၂/၂၀၂၂
ကုလားတန်မြစ်အတွင်း ခရီးသည်တင်စက်လှေဖြင့်ယူဆောင်လာသည့် စစ်ကောင်စီတပ်ပိုင် ရိက္ခာနှင့် စစ်သုံးပစ္စည်းများအား ယခုလ ၁၆ ရက်နေ့က AA သိမ်းဆည်းလိုက်သည်ဟု သတင်းရရှိသည်။
သိမ်းဆည်းလိုက်သောပစ္စည်းများမှာ ယူနီဖောင်း ၁စုံ၊ စစ်ခါးပတ် ၁ခု၊စစ်သုံး မိုးကာ ၂ချပ်၊ ဘောင်းဘီအတို ၂လုံး၊ စွပ်ကျယ် ၂ထည် ၊ မုန့် ၆ထုပ်၊ ထုံး ၁၀ ဗူး၊ ပဲခြမ်းပြား ၁ ထုပ်၊ သျှမ်းခေါက်ဆွဲ ၂၈ ထုပ်၊ ဝက်သားကြော် ၃ ဗူး၊ ကြက်သားကြော် ၂ ဗူး၊ မီးခြစ် ၁၀ လုံး၊ ချမ်းသာဆေးလိပ် ၆ ထုပ်၊ ငါးခြောက် ၃ ပိဿာ၊ ကြက် သွန်ဖြူ ၁ ပိဿာ၊ နနွင်းမှုန့် ပိဿာခွဲ၊ ငရုတ်မှုန့် ၁ ပိဿာ၊ ဟင်းချိုမှုန့် ၃ ပိဿာ၊ ငါးပိ ၁ ပိဿာ၊ စားအုန်းဆီအဝါဗူး ၁ ဗူးနှင့် ကြက်ဥ ၂ ဖာတို့ ဖြစ်ကြောင်း သိရသည်။
၎င်းပစ္စည်းများကို ရက္ခိုင့်တပ်တော် ထိန်းချုပ်နယ်မြေထဲသို့ ခရီးသည် တင်ဘုတ်ဖြင့် ခိုးသွင်းလာခြင်း ဖြစ်ကြောင်း၊ စစ်ကောင်စီတပ် စကခ(၉) မီးချောင်းဗျူဟာကုန်းမှ တပ်ဖွဲ့ဝင်များ ၏ ရိက္ခာနှင့် စစ်သုံးပစ္စည်းများ ဖြစ်ကြောင်း၊ ၎င်းပစ္စည်းများကို ယခုလ ၁၆ ရက် နေ့လယ်ပိုင်းတွင် ဖမ်းဆီးရမိခဲ့ခြင်း ဖြစ်ကြောင်းပြောဆိုသည်။
၎င်းရိက္ခာနှင့် စစ်သုံးပစ္စည်းများကို ကျောက်တော်မြို့နယ် မီးဝရွာမှ ကျောက်တော်သို့ ပြေးဆွဲနေသည့် “ခရီးသည်တင်ဘုတ်” ဖြင့် တင်ဆောင် လာခြင်းဖြစ်ပြီး လက်ရှိတွင် ခရီးသည်ဘုတ်ပိုင်ရှင်အား ၎င်းပစ္စည်းများက အေအေထံက ပြန်တောင်းခိုင်းနေပြီး မရရှိပါ ငွေ ၆ သိန်းပေးဆောင်ရန်နှင့် လက်ရှိ ယင်းစက်လှေအားကုလားတန်မြစ်အတွင်း ပြေးဆွဲခွင့်ကို ကန့်သတ် တားမြစ်ထားသည်ဟု သိရသည်။
(သတင်းရင်းမြစ်နှင့် ဓာတ်ပုံ- Arakan Princess Media)

ဆက်စပ် သတင်းများ