နိရဥ္စရာ၊ ဇူလိုင် ၂၃ / ၂၀၂၂

ရခိုင်ပြည်နယ် ပုဏ္ဏားကျွန်းမြို့မှ မြို့နယ်အုပ်ချုပ်ရေးမှူးနှင့် သူ၏ယာဉ်မောင်းတို့ကို ရက္ခိုင့်တပ်တော်(AA)က ယနေ့ ပြန်လွှတ်ပေးလိုက်ပြီဟု သိ၇သည်။

ရက္ခိုင်အမျိုးသားအဖွဲချုပ်/ရက္ခိုင့်တပ်တော်(ULA/AA)က ခေါ်ယူ မေးမြန်းနေသည့် ပုဏ္ဏားကျွန်းမြို့နယ် အထွေထွေအုပ်ချုပေ်ရးဦးစီးဌာန၊ မြိုနယ်အုပ်ချုပ်ရီးမှူး ဦးလှရွှေ( ၅၃ နှစ်)နှင့် ၎င်း၏ ယာဉ်မောင်း ဦးမောင်ကျော်နိုင် (၃၀ နှစ်)တို့အား ယနေ့ ဇူလိုင်လ ၂၃ ရက်၊ မွန်းလွဲ ၁၂ နာရီ ၁၅ မိနစ်တွင် ပုဏ္ဏားကျွန်းမြို့နယ် ယိုးငူနှင့် ကျောက်ဆိပ်ရွာကြား၌ ကောင်းမွန်စွာ ပြန်လွှတ်ပီးလိုက်ပြီဟု ULA/AA ၏ သတင်းထုတ်ပြန်ချက်တွင်ဖော်ပြထားသည်။

သူတို့ ၂ ဦးကို AA က လိုအပ်ချက်အရ ခေါ်ယူမေးမြန်းခဲ့ခြင်းဖြစ်ပြီး စစ်ဖက်ဆိုင်ရာနှင့်ပတ်သက်မှု မရှိသည့်အတွက် ယခုကဲ့သို့လွှတ်ပေးလိုက်ခြင်းဖြစ်သည်ဟု ထုတ်ပြန်ချက်တွင် ဖော်ပြထားသည်။

သူတို့ ၂ ဦးသည် ဇူလိုင် ၁၇ ရက် နေ့လယ် ၃ နာရီခန့်တွင် ကျောက်တော်ရှိ မဟာမုနိဘုရားသို့ ဘုရားဖူးပြီး ကားဖြင့်ပြန်လာစဉ် လမ်း၌ AA တပ်ဖွဲ့ဝင်များက ဖမ်းဆီးသွားခဲ့ခြင်းဖြစ်သည်။

(Narinjara သတင်းနှင့် ရုပ်သံများကို အောက်ပါလင့်များတွင် ဝင်ရောက်ဖတ်ရှုနိုင်ပါသည်။)

အင်္ဂလိပ်သတင်း - www.narinjara.com

မြန်မာသတင်း - https://burmese.narinjara.com/

သတင်းဖေ့စ်ဘုတ်ပေ့ချ် - https://www.facebook.com/narinjara.info/

ရုပ်သံသတင်း - https://www.facebook.com/Narinjara-TV-News-100125495251215/

ရေဒီယိုသတင်း - https://www.facebook.com/Narinjara-Radio-107181441819656