ပလက်၀မှ ဒဏ်ရာရကျောင်းသူ စစ်တွေဆေးရုံသို့ ပို့ဆောင်ကုသရ
နိရဉ္စရာ၊ သြဂုတ် ၈/၂၀၂၂
ချင်းပြည်နယ်၊ ပလက်၀မြို့နယ် နှမဒါချောင်းတွင် သေနတ်ပစ်ခံရသည့်စက်လှေပေါ်မှ ဒဏ်ရာ၇သွားခဲ့သူ သုံးဦးအနက်မှ သသံသုံးကပဉ္စမတန်းကျောင်းသူတစ်ဦးဖြစ်သူ မခင်စီ (၁၂) နှစ်အား စစ်တွေဆေးရုံတွင် ပို့ဆောင်ဆေးကုသမှုခံယူနေရကြောင်း သိ၇သည်။
ပြီးခဲ့သည့် သြဂုတ်လ ၂ ရက်နေ့၊ နေ့လည် ၁ နာရီကျော်ခန့်တွင်တုံးမ၀ကျေးရွာမှ ကျောင်းဆင်း၍ စက်လှေနှင့် ပြန်လာစဉ် နှမဒါကျေးရွာတွင် အနီးတွင် ၎င်းစက်လှေသည်သေနတ်နှင့် ပစ်ခတ်ခံခဲ့၇ခြင်း ဖြစ်ကြောင်း ဒေသခံများက ပြောသည်။
အဆိုပါပစ်ခတ်မှုအတွင်းတွင် အသက် ၁၂ နှစ်အရွယ် ပဉ္စမတန်းကျောင်းသားနှစ်ဦးဖြစ်သည့် မောင်နေမင်းထွန်းနှင့် မောင်အောင်သန်းမြတို့မှာသေဆုံးသွားခဲ့ကာ မခင်စီအပါအဝင် အခြားကျောင်းသားတစ်ဦးနှင့် ကျောင်းအထွေထွေ ဝန်ထမ်း တစ်ဦးတို့မှာလည်းဒဏ်ရာရရှိခဲ့ကြသည်။
ဒဏ်ရာရရှိခဲ့သည့် သုံးဦးကို ယင်းနေ့ည ရ နာရီတွင် ပလက်၀ဆေးရုံသို့ပို့ဆောင်ခဲ့ပြီးကျောင်းသူ မခင်စီ၏ ဒဏ်ရာမှာ ပြင်းထန်သဖြင့် ပြီးခဲ့သည့် သြဂုတ်လ ၆ ရက်နေ့က စစ်တွေဆေးရုံသို့ဆေးကုသမှုခံယူရန် ရောက်ရှိလာခြင်းဖြစ်ကြောင်း သိ၇သည်။
အဆိုပါကျောင်းသူအား ယနေ့နေ့လည်ပိုင်းက ၎င်း၏ဘယ်ဘက်ခြေထောက်ဒူးပိုင်းတွင် စတီးရိုးထည့်ကာ ခွဲစိတ်ကုသမှု ပြုလုပ်ထား၇ကြောင်း ၎င်းနှင့်နီးစပ်သူတစ်ဦးကပြောသည်။
" တကယ်တော့၅ ရက်နေ့ကနေလာ၇မှာပါ၊ ဒါပေမယ့် ပလက်၀ဘက်မှာက အပစ်အခတ်တွေ အရမ်းများတော့ ၆ ရက်နေ့မှပဲတပ်မှူးကို ပြောပြပြီး လာခဲ့ရတာပါ။ မနေ့ကတော့ သွေးတွေ အများကြီးလာလှူကြပါတယ်။ လောလောဆယ်တော့အခက်အခဲတွေမရှိသေးပါဘူး" ဟုပြောသည်။
၎င်းတို့သည် ရဲမ၀ကျေးရွာမှ တုံးမ၀ကျေးရွာ အခြေခံပညာအထက်တန်းကျောင်းခွဲသို့နေ့စဉ်ပုံမှန်သွားရောက်ကာ ကျောင်းတက်နေကြသော ကျောင်းသား၊ ကျောင်းသူများဖြစ်ကြောင်းသိ၇သည်။
အဆိုပါကျောင်းသူနှင့်အတူ ဒဏ်ရာရရှိသွားသည့် ကျောင်းသားတစ်ဦးနှင့်ကျောင်းအထွေထွေ ဝန်ထမ်းတို့သည် ပလက်၀ဆေးရုံတွင် ဆေးကုသမှုခံယူရန်ကျန်ခဲ့ကြောင်း သိ၇သည်။
၎င်းပစ်ခတ်မှုဖြစ်ပွားခဲ့သည့်နေ့ သြဂုတ်လ ၂ ရက်နေ့ နံနက်ပိုင်းမှစ၍ပလက်၀မြို့နယ်၊ နှမဒါချောင်းအနီးတွင် အေအေနှင့် မြန်မာစစ်တပ်တို့ တိုက်ပွဲများ ဆက်တိုက်ဖြစ်ပွားခဲ့ကာပလက်၀အခြေစိုက် ၂၈၉ တပ်ရင်းဘက်မှလည်း လက်နက်ကြီးများဖြင့် ယင်းအနီးအနားရှိ ကျေးရွာများသို့ပစ်ခတ်မှုများရှိခဲ့ကြောင်း ဒေသခံများကပြောသည်။
၂၀၂၂ ခုနှစ်၊ သြဂုတ်လ၂ ရက်၊ နေ့လယ်က စစ်ကောင်စီမှ ကျောင်းကြိုပို့ လုပ်သည့် စက်လှေအားမြန်မာစစ်တပ်က စက်သေနတ်ဖြင့် ပစ်ခတ်ခဲ့ခြင်းသည် တမင်တကာရည်ရွယ်ချက်ရှိရှိ ပစ်ခတ် တိုက်ခိုက်ခဲ့ခြင်းဖြစ်သည်ဟု ရက္ခိုင့်တပ်တော်(AA)က သြဂုတ်လ၃ ရက်နေ့ ထုတ်ပြန်ချက်တွင် ရေးသားထားသည်။
၎င်းပြင်ကာယကံရှင် ကျေးရွာသားများကလည်း နှမဒါကျေးရွာတွင် တပ်စွဲထားသည့် စစ်တပ်ကပစ်ခတ်သည်ဟု ပြောဆိုထားသည်။သို့ရာတွင် အဆိုပါ ပစ်ခတ်မှုကို PDF အဖွဲ့က ပြုလုပ်သလိုမျိုးသြဂုတ်လ ၄ ရက်ထုတ်စစ်ကောင်စီပိုင်သတင်းစာများတွင် ရေးသား ဖော်ပြခဲ့သည်။
လှူရန်