နိရဉ္စရာ၊ သြဂုတ် ၁၅/၂၀၂၂

ချင်းပြည်နယ်၊ ပလက်၀မြို့နယ်တွင် ရက္ခိုင့်တပ်တော်(AA) နှင့် စစ်ကောင်စီ တပ်တို့ အကြား ယနေ့နံနက်မှ စတင်ပြီး ပြန်လည်တိုက်ပွဲဖြစ်ပွားနေကာ စစ်ကောင်စီဘက်က လေယာဉ်များအသုံးပြု တိုက်ခိုက်လာနိုင်ဖွယ် အနေအထားရှိနေသည်ဟု အေအေနှင့်နီးစပ်သော စစ်ဘက်သတင်းအ၇ သိ၇သည်။

လက်ရှိတွင် အမ်းလေယာဉ်ကွင်းတွင် တိုက်လေယာဉ်များ၊ ၇ဟတ်ယာဉ်များ လှုပ်ရှား ပျံသန်းမှုများရှိနေသလို  စစ်တွေလေယာဉ်ကွင်းတွင်လည်း တိုက်ခိုက်ရေး၇ဟတ်ယာဉ် ၂ စီး ရောက်ရှိနေသည်ဟု မျက်မြင် ဒေသခံများက ပြောသည်။

ယနေ့တွင် ၇ခိုင်ပြည်နယ်တွင်လည်း နေရာအချို့၌ အေအေနှင့် မြန်မာစစ်တပ်တို့ အကြား တိုက်ပွဲများ ဖြစ်ပွားလျက်ရှိနေပြီး ချင်းပြည်နယ်  ပလက်၀မြို့နယ်တွင် ယခင်ဖြစ်ပွားခဲ့သောနေရာများတွင်  တိုက်ပွဲများဆက်ဖြစ်နေသည်ဟု သိ၇သည်။

ပလက်၀ဒေသခံ တစ်ဦးက "မနက် ၉ နာရီကျော် ၁၀ နာရီမထိုးခင်ကနေ တိုက်ပွဲဖြစ်နေကြတာ။ နှစ် ဘက် တိုက်ပွဲ ဖြစ်နေကြပါတယ်။  ၂၈၉ တပ်ကနေလည်း အတွဲလိုက်အမြောက်ပစ်တာ ၁၀ ချက်လောက်ရှိပြီ"ဟု နိရဉ္စရာကို ပြောသည်။

လက်ရှိ တိုက်ပွဲဖြစ်ပွားနေသည့်နေရာမှာ ယခင် စစ်တပ် နှင့် AA တို့တိုက်ပွဲဖြစ်ပွားခဲ့သည့် နှမဒါချောင်း၊ သူဌေးကုန်းကျေးရွာ ၊ ပကာချောင်း၀အနီးအနားတွင် ဖြစ်ပွားနေပုံ၇သည်ဟု  ၎င်းက ဆိုသည်။

"၉ ခွဲလောက်ကနေ ထင်တယ်။ အရင်ဖြစ်တဲ့နေရာဘက်မှာပဲ တိုက်ပွဲဖြစ်နေတယ်လို့ သုံးသပ်၇ပါတယ်။ လက်နက်ကြီးပစ်နေတာတော့ အချက် ၁၀ ကျော်နေပြီ"ဟု ပြောသည်။

လက်ရှိ စစ်ကောင်စီတပ်က လက်နက်ကြီး ပစ်ကူပေးနေသည့် နေရာများမှာ လာမွေတောင်၊ ရေအေးစခန်း၊ (၂၈၉)တပ်ရင်း၊ စိမ်စ့င်းတောင်ကုန်းတို့ဖြစ်ကြောင်း ဒေသခံများက ပြောသည်။

ရက္ခိုင့်တပ်တော်(AA) နှင့် စစ်ကောင်စီတပ်တို့ သြဂုတ်လ ၂ ရက်နေ့မှစတင်ကာ တိုက်ပွဲငယ်များ ဆက်တိုက်ဖြစ်ပွားခဲ့ပြီး စကစဘက်က ထိခိုက်ကျဆုံးမှုများလည်းရှိခဲ့ကြောင်း သြဂုတ်လ ၁၁ ရက်နေ့က ပြုလုပ်သည့်သတင်းစာရှင်းလင်းပွဲတွင် AA ပြောခွင့်၇သူ ဦးခိုင်သုခက ပြောဆိုခဲ့သည်။

 သြဂုတ်လ ၁၃ ရက်နေ့က ၇သေ့တောင်မြို့နယ်နှင့် မောင်တောမြို့နယ်တို့တွင် တိုက်ပွဲ ထပ်မံဖြစ်ပွားခဲ့ပြီး စစ်ကောင်စီဘက်က ထိခိုက်ကျဆုံးမှုများပြီး လက်နက်ခဲယမ်းများလည်း သိမ်းဆည်း၇မိခဲ့ကြောင်း ဦးခိုင်သုခက နိရဉ္စရာကို ပြောသည်။(NN-7)