နေရပ်ပြန်ခွင့်ရရေး ဘင်္ဂလားဒေ့ရှ်ရောက် ဒုက္ခသည်များဆန္ဒပြတောင်းဆို
နိရဉ္စရာ၊ ဩဂုတ် ၂၆/ ၂၀၂၂
ဘင်္ဂလားဒေ့ရှ်နိုင်ငံကို ရောက်ရှိနေသည်မှာ အချိန် (၅) နှစ်ပြည့်သွားသည့်ဩဂုတ် ၂၅ ရက်နေ့တွင် မြန်မာနိုင်ငံက မူဆလင်ဒုက္ခသည်များအနေဖြင့် ဆန္ဒပြပွဲတစ်ခုပြုလုပ်ကာနေရပ်ပြန်ခွင့်ရရေးတောင်းဆိုခဲ့ကြသည်ဟု သတင်းရရှိသည်။
ဆန္ဒပြပွဲတွင် ၎င်းတို့၏ နေရပ်ရင်းသို့ ပြန်ခွင့်ရေး၊နိုင်ငံသားအဖြစ်အသိအမှတ်ပြုရေး၊ လူဂုဏ်သိက္ခာနှင့် အညီ နေရပ်ပြန်ခွင့်ရရေးတို့ကို တောင်းဆိုခဲ့ကြသည်ဟုဆိုသည်။
၎င်းဆန္ဒပြပွဲကို ဒုက္ခသည်စခန်း ၂၀ က ဒုက္ခသည်များကစုပေါင်းပြုလုပ်ခဲ့ကြသည်ဟု RFA က သတင်းဖော်ပြသည်။
၂၀၁ရခုနှစ်က ၇ခိုင်ပြည်နယ်မြောက်ပိုင်းတွင် မြန်မာစစ်တပ်၏ အကြမ်းဖက်နယ်မြေရှင်းလင်းမှုကြောင့်ဘင်္ဂလားဒေ့ရှ်နိုင်ငံကို ထွက်ပြေးသွားခဲ့ကြသည်။
ယူအန်အဆိုအရ ထွက်ပြေးသွားခဲ့သည့် မူဆလင် ဒုက္ခသည်အရေအတွက်(ရ) သိန်းကျော်ရှိသည်ဟု ဆိုသည်။
ဩဂုတ်လ၂၅ ရက်နေ့ကို လူ့အခွင့်အရေးလှုပ်ရှားသူများက “ရိုဟင်ဂျာများအပေါ်မြန်မာစစ်တပ်၏ လူမျိုးတုံးသတ်ဖြတ်မှုနေ့” အဖြစ်သတ်မှတ်ထားပြီး ငါးနှစ်ပြည့်အထိမ်းအမှတ်ကို ဘင်္ဂလာဒေ့ရှ် နိုင်ငံတွင်သာမက ကမ္ဘာအနှံ့အပြားရှိ နိုင်ငံများတွင်လည်း ကျင်းပခဲ့ကြသည်ဟု ပြည်ပအခြေစိုက် မြန်မာသတင်းဌာနများတွင် သတင်းဖော်ပြထားသည်။
ဆန္ဒပြပွဲတွင် လူမျိုးတုံးသတ်ဖြတ်မှုနှင့် နိုင်ငံသားဖြစ်ခွင့်ပြန်လည်ရရှိရေးတို့အတွက်တရားမျှတစွာ စုံစမ်းစစ်ဆေးပေးဖို့ကိုလည်း တောင်းဆိုတိုက်တွန်းခဲ့ကြသည်ဟု သိ၇သည်။
(ဓာတ်ပုံ- အာရ်အက်ဖေ (မြန်မာပိုင်း)
လှူရန်