ULA ၏ တရားရေးဌာန Telegram အကောင့်ဟတ်ခံရ ၊၄င်းအကောင့်တွင် ယခင်ကပို့ထားသည့် တိုက်တန်းစာပို့များကို ဖျက်ရန် ကြေညာချက်ထုတ်ပြန်

နိရဉ္စရာ ၊ သြဂုတ် ၂၆/၂၀၂၂

ရက္ခိုင်အမျိုးသားအဖွဲ့ချုပ် (ULA) က ရက္ခိုင်ပြည်သူ့အစိုးရ၊ တရားဥပဒေရေးရာဌာန ၏ Justice for Arakan (Telegram) အကောင့်မှာ နည်းပညာချို့ ယွင်း ချက်ကြောင့် အခြားတစ်ဦးထံသို့ ရောက်ရှိသွားသဖြင့် ၄င်းအကောင့်သို့ ဆက်သွယ်ပြောဆိုထားသည်များကို ပြန်ဖျက်ထားရန် ကြေညာချက်တစ်စောင်ကို ယနေ့ သြဂုတ်လ ၂၅ ရက်နေ့ရက်စွဲ ဖြင့် ထုတ်ပြန်ထားသည်။

အဆိုပါကြေညာချက်တွင် ၂၀၂၂ ခုနှစ် သြဂုတ်လ (၂၁)ရက်နေ့က Justic for Arakan (Telegram ) အကောင့်မှာ နည်းပညာဆိုင်ရာ မတော်တဆ ချို့ယွင်းမှုကြောင့် တစ်စုံတစ်ယောက် လက်ထဲသို့ ရောက်ရှိသွားပြီးအကောင့် နာမည်မှာလည်း Dogebonk Community ဟုပြောင်းလဲခံသော်လည်း နည်းပညာကျွမ်းကျင်သူများ၏ အကူအညီဖြင့် သြဂုတ်လ(၂၃) ရက်နေ့တွင် ပြန်လည် ရယူနိုင်ခဲ့ကြောင်းပါရှိသည်။

''မိဖပြည်သူများအနီ ဖြင့် Justic for Arakan (Telegram Account)သို့တိုင်ကြားစာများပီးပို့ခြင်း၊ အမှုနန့်ပတ်သက်သော အကြောင်းအရာများကို ဆွေးနွေးတိုင်ပင်ခြင်း၊ အယင်တိုင်တန်းထားဖူးသော အချက်အလက်၊ အသံဖိုင်ပြောဆိုထားမှုများကို အေထုတ်ပြန်ချက်ကို ဖတ်လျှင်ဖတ်ပြီးချင်း ပြန်လည်ဖျက်ထားစီလိုကတ်ပါသည်။မိမိရို့ တရားဥပဒေရေးရာဌာနအနီဖြင့် ယခင်ပီးပို့လာသော တိုင်စာများ၊ အမှုနန့်ပတ်သက်သော အကြောင်းအရာများကိုသေချာဖိုင်တွဲ ဆောင်ရွက်ထားလျက် ဟိနိပြီးဖြစ်ပါသည်''ဟု ULA၏ ထုတ်ပြန်ချက်တွင်ပါရှိသည်။

ULA တရားဥပဒေရေးရာဌာန ၏ Justic for Arakan(Telegram) အကောင့်ကို ဆက်လက်သုံးစွဲမည် မဟုတ်ကြောင်းနှင့် အကောင့်အသစ်ဖွင့်လှစ်အသုံးပြုမည် ဖြစ်ကြောင်းသိရသည်။

လက်ရှိတင် ULA တရားဥပဒေရေးရာဌာနသို့အမှုများတိုင်ကြားလိုပါက Emailတွင် arakan.jus@protonmail နှင့် VK Community တွင် hptts:// vk.com//justicforarakanlandသို့ တိုင်းကြားစာများပေးပို့နိုင်ကြောင်း သိရသည်။

ULA၏ တရားဥပရေးရာဌာနဖွဲ့စည်းကြောင်းကို ၂၀၂၁ခု နှစ်တွင် သြဂုတ်လတွင် တရားဝင် ကြေညာခဲ့ပြီး တိုက်နယ်၊ မြို့နယ်၊ စစ်ဒေသအလိုက်တရားရုံးများ ဖွင့်လှစ်၍ တရားစီရင်ရေးလုပ်ငန်းများဆောင်ရွက်နေကြောင်း သိရသည်။