မြောက်ဦးမြို့ စစ်တပ်တပ်ရင်း ၅၄ဝအနီးသေဆုံး၍တွေ့သူမှာ စိတ်ဝေဒနာရှင်ဟုဆို

နိရဥ္စရာ၊ သြဂုတ် ၂၇/၂၀၂၂

ရခိုင်ပြည်နယ် မြောက်ဦးမြို့အဝင် ၅၄ဝ တပ်ရင်းအနီးတွင် သေဆုံးလျက်တွေ့ရှိခဲ့သူမှာ မြောက်ဦးမြို့မှ စိတ်မနှံ့သူ အသက် ၅၆ နှစ်အရွယ် ဦးမောင်အေးစိန်ဖြစ်ကြောင်း မိသားစုများကပြောသည်။

သေဆုံးသွားသူမှာ မြောက်ဦးမြို့ နန်းရာကုန်းအနီး ရေပေါက်ဝရပ်ကွက်မှ ဖြစ်ကြောင်း သိရသည်။

သူ၏အလောင်းကို ယနေ့ သြဂုတ်လ (၂၇) ရက် နံနက်က မြောက်ဦးအခြေစိုက် (၅၄၀) တပ်ရင်းအနီးနှင့် မြောက်ဦးမြို့အဝင်မုခ်ဝအနီး မြောင်းတွင် တွေ့ရှိခဲ့ခြင်းဖြစ်သည်ဟု မိသားစုဝင်တစ်ဦးက ပြောသည်။
“အခုတော့ ဆေးရုံ ရင်ခွဲရုံမှာရောက်နေပါပြီ။ သူက အမြဲလမ်းမှာဘဲ သွားနေတာ။ ဥပုသ်နေ့ကေန တစ်ရက်နှစ်ရက်ရှာမတွေ့ဘူး။  ဒီနေ့မနက်သတင်းရလို့ သွားကြည့်တော့ အဲဒီမှာတွေ့တာ”ဟု ပြောသည်။

သေဆုံးသွားသူတွင် ပြင်ပဒဏ်ရာများ မတွေ့ရှိရဘဲ မည်သည့်အတွက်သေဆုံးသွားသည်ကို ရင်ခွဲစစ်ဆေးပြီးမှ သိရမည်ဟု ဆက်ပြောသည်။ (NN-7/8)