နိရဉ္စရာ၊ သြဂုတ်၃၁/၂၀၂၂

၇ခိုင်ပြည်နယ် ကျောက်တော်မြို့နယ်ကွမ်းအုံချောင်း အထက်တန်းကျောင်း(ခွဲ)အတွက် လစာထုတ်လာသည့်စာရေးမထံမှ လစာငွေ ကျပ်သိန်း ၃၀ ကျော်သည် ယနေ့ နေ့လယ်က အလုခံလိုက်ရသည်ဟုသိ၇သည်။

အဆိုပါကျောင်းရှိဆရာ၊ ဆရာမများကိုယ်စား ကျောက်တော်မြို့၊ ရွာမရပ်ကွက်ရှိကျောင်းစာရေးမ ဒေါ်မီမီခိုင် (၂၇ နှစ်)က မြို့နယ်ပညာရေးမှူးရုံးမှယနေ့ သြဂုတ်လ ၃၁ ရက် နေ့လယ်ပိုင်းတွင် လစာထုတ်ပြီးအိန္ဒိယသုံးဘီး(ခေါ်)တုတ်တုတ်ဖြင့် ပြန်လာစဉ် လမ်း၌ တို့ဆေးမိပြီးလုယက်ခံလိုက်၇ခြင်းဖြစ်သည်ဟု သူမအား လိုက်ပါကူညီဆောင်ရွက်ပေးနေသည့်ကျောက်တော်မြို့ခံတစ်ဦးက နိရဥ္စရာကိုပြောသည်။

ယင်းသို့လုယက်ခံလိုက်၇မှုကြောင့် အဆိုပါကျောင်းမှဆရာ၊ ဆရာမစုစုပေါင်း ၂၁ ဦး၏ လစာငွေများအားလုံးဖြစ်သည့် ကျပ်သိန်း၃၀ နှင့် ၇ သောင်းအပါအဝင် သူမ၏လက်ကိုင်ဖုန်းတို့ပါ လုယက်ခံလိုက်၇သည်ဟုလည်းဆိုသည်။

“သူက နေအိမ်နားကနေ သုံးဘီးငှားစီးပါတယ်။ပြီးတော့ ပိုက်ဆံထုတ်တယ်။ ပြီးတော့ ပြန်လာချိန်မှာ တို့ဆေးနဲ့လား၊ဘာနဲ့လား။ အဲလို အလုခံလိုက်၇တာ။ သူ့ကိုတစ်ခုမှ မေးလို့မရသေးဘူး။ သူကအရက်မူးသမားလိုဖြစ်နေတယ်”ဟုပြောသည်။

သူမသည် လုယက်ခံ၇ပြီးနောက်သတိကင်းလွတ်ကာ တစ်ဦးတည်းခြေကျင်လျှောက်လာစဉ် ကျောက်တော်မြို့  မြို့သစ်ရပ်ကွက်ရှိဘောလုံးကွင်းအနီးသို့အရောက်တွင် ဆိုင်ကယ်တစ်စီးဖြင့်တ ိုက်မိရန်ပြင်မှ သတိဝင်လာကာလုယက်ခံ၇သည်ဟု အော်ဟစ်အကူအညီတောင်းခြင်းဖြစ်သည်ဟု သူမကို ကူညီပေးခဲ့သူကပြောသည်။

ယခုကဲ့သို့ လုယက်ခံလိုက်ရ၍လစာငွေဆုံးရှုံးသွားသည့်အတွက် စိတ်မကောင်းဖြစ်၇ပြီး နောက်ထပ်ယခုကဲ့သို့ဖြစ်ရပ်မျိုး မဖြစ်စေချင်ဟုလည်း ကွမ်းအုံချောင်းအထက(ခွဲ)ကျောင်းမှဆရာတစ်ဦးက နိရဥ္စရာကိုပြောသည်။

“ကျနော်ဆို ၁သိန်း ၈ သောင်း ၆ ထောင်၇မှာပါ။ ကျနော်တို့ဝန်ထမ်းတွေအနေနဲ့လည်း ပြောရမယ်ဆိုရင်လစာလေးနည်းနည်းလေးကို ၇မလားလို့ တစ်လလုံးစုထားတာကို ဒီလိုလုသွားတော့တစ်ကျောင်းလုံးအတွက် စိတ်တော့မကောင်းဘူးလေ”ဟု ပြောသည်။

ယခုကိစ္စနှင့်ပတ်သက်ပြီး ကွမ်းအုံချောင်းအထက(ခွဲ)ကျောင်းအုပ်ဆရာကြီး ဦးမောင်မောင်ဟိန်းအား ဆက်သွယ်ခဲ့ရာ နောက်မှပြန်ဖြေမည်ဟု ပြောသည်။

လက်ရှိတွင်လုယက်ခံလိုက်ရသည့်ကျောင်းစာရေးမဒေါ်မီမီခိုင်သည် စိတ်မူမမှန်ဖြစ်နေသေး၍ကျောက်တော်ဆေးရုံသို့ ပို့ဆောင်ထားရသည်ဟု သိ၇သည်။