- Web Master
- ၀၇ သြဂုတ် ၂၀၂၃
နိရဥ္စရာ၊ စက်တင်ဘာ ၇
/၂၀၂၂
ရခိုင်ပြည်နယ်အတွင်း
လူသွားလူလာများသည့် စစ်တွေ- မြောက်ဦးရေလမ်းကြောင်းကို စစ်ကောင်စီက ၁၀ ရက် ပိတ်ထားခဲ့ပြီး ယနေ့တွင် ယင်းပိတ်ထားသည့် ၁ဝ ရက် ပြည့်သွားပြီဖြစ်သဖြင့် မနက်ဖြန်
စက်တင်ဘာ ၈ ရက်နေ့က စတင်ပြီး သွားခွင့် ပြုမလား၊
မပြုလားဆိုသည်မှာ မရေရာသေးဟု အမြန်ရာပိတ်ထားလိုက်သည်ဟု သိရသည်။
အဆိုပါရေကြောင်းလမ်းကို
စစ်တပ်က ပြီးခဲ့သည့်
သြဂုတ်လ ၂၉ ရက်မှစတင်ကာ ယနေ့ စက်တင်ဘာ ၇ ရက်အထိ ၁ဝ ကြာပိတ်ထားခဲ့သည်ဟု သိရသည်။
ရွှေပြည်တန်အမြန်ရေယာဉ်လိုင်း
မန်နေဂျာ ဦးစံမော်သိန်းက ''မြောက်ဦးကို ၂၉
ရက်နေ့ကတည်းက မထွက်ပါ။
ရေကြောင်းဦးစီးက အဲ့ဒီဘက်လိုင်းတလိုင်းကို ခဏပိတ်ထားပါဆိုပြီး
လှမ်းအကြောင်း ကြားလို့ ပိတ်ထားတာပါ''ဟု နိရဥ္စရာ သို့ပြောသည်။
အဆိုပါရွှေပြည်တန်အမြန်ရေယာဉ်လိုင်းဖြင့်
နေ့စဉ် လူ
၅၀
မှ ၁၀၀ အကြား လိုက်ပါစီးနင်းနေကြပြီး စစ်ရေးအခြေအနေများကြောင့် စစ်တွေ-မြောက်ဦး ခရီးသွားလာရေးတွင်
ကုန်းလမ်းထက် ရေကြောင်းခရီးကို
အဓိကထား သွားလာနေကြခြင်း
ဖြစ်သည်။
မြောက်ဦးမြို့ခံတစ်ဦးက
''ဒီခရီးကို
အဓိကထားသွားလာနေရတာ။ ပိတ်လိုက်ရင်မသွားရရုံပဲလေ။ သူတို့က ကျနော်တို့ကိုလည်း
ဖြတ်လေးဖြတ်လုပ်မှာလားမသိဘူး။ မြောက်ဦးမြို့ကို ပစ်မှတ်ထားလာရင်တော့
မလွယ်သေးဘူး ''ဟု
နိရဥ္စရာသို့ ပြောသည်။
စစ်တွေ-မြောက်ဦးရေကြောင်းခရီးစဉ်များကို
မည်သည့်နေ့တွင် ပြန်လည်ပြေးဆွဲခွင့်ရမည်ဆိုသည်ကို လောလောဆယ် မသိနိုင်သေးဟုလည်း
ရေယာဉ်လိုင်းများမှ သိရသည်။
မြောက်ဦးမြို့နယ်အတွင်း သြဂုတ်လ
၂၈ နေ့မှစ၍ စစ်တပ်နှင့်အေအေတို့အကြား တိုက်ပွဲများ ဖြစ်ပွားခဲ့ပြီး စစ်တပ်က လူနေရပ်ကွက်၊
ကျေးရွာများသို့ လက်နက်ကြီး လက်နက်ငယ်များဖြင့် ပစ်ခတ်ခြင်းများရှိခဲ့သည်။
သြဂုတ်လ ၂၈ ရက် ညနေ ၄
နာရီကျော်က မြောက်ဦးမြို့
အခြေစိုက် မရ ၃၇၇ နှင့် ၅၄ဝ တပ်ရင်းတို့က မြောက်ဦးမြို့နယ် ကင်းဆိပ်ကျေးရွာထဲကို
လက်နက်ကြီးများဖြင့် ပစ်ခတ်ခဲ့၍ သေဆုံးခဲ့ရသူ အသက် (၅) နှစ်အရွယ်မောင်မြတ်သူလင်းနှင့်
နောက်ထပ် ၂ ဦးသေဆုံးသွားခဲ့ရသည်။
စက်တင်ဘာလ ၄ ရက်နေ့က
မြောက်ဦးမြို့ထဲသို့ စစ်တပ်က လက်နက်ကြီးဖြင့်ပစ်ခတ်ခဲ့ပြီးနောက်
မြောက်ဦးမြို့အခြေအနေမှာ စိုးရိမ်စရာဖြစ်နေကြောင်း မြို့ခံများက နိရဥ္စရာသို့
ပြောကြသည်။
မြောက်ဦးမြို့ကို
အခြားနေရာများနှင့်အဆက်အသွယ်ဖြတ်တောက်ပြီး ပိုပြီးတင်းကျပ်စွာ ပိတ်ဆို့ထား မည်ကို မြောက်ဦးဒေသခံများက
စိုးရိမ်နေကြသည်။
ULA/AA က စစ်တပ်သည်
စစ်ပွဲတွင် အထိနာလျှင် အပြစ်မဲ့ပြည်သူများကို ပစ်မှတ်ထားတ တိုက်ခိုက်တတ်သဖြင့်
ပြည်သူများအနေဖြင့် အထူးသတိဝီရိယရှိရန် စက်တင်ဘာလ ၅ ရက်နေ့က
ထုတ်ပြန်ထားသည်။